Yelemiya 13:16 - IBAYIBOLO 2024

¹⁶ Mumuchindikaye u Mwene u Chala winyu bo achili pakwiza nichisi, bo ivinama vyinyu vitipunuye muchisi icha mumaghamba. Mukulindilila ulukozyo, loli akwiza pakulupela pakuba chisi ichakoghofya.

Yelemiya 13:16 Iomraidhean Croise

Yobu 3:5

Ichisi ichakoghofya nu muzyezye vilikupukilaye sona ibingu lilivwinkaye, chope ichisi chilumilaye ulukozyo lwache.

Masalimo 107:10

Abantu bamo bakikalagha muchisi, bakayimba mujele po sona bakapinyiwa nu bunyololo,

Masalimo 107:14

Akabefyamo muchisi, nukudumulannya ubunyololo.

Masalimo 29:2

Mubupalaye ubuchindamu pachifukwa icha itabwa lyache, sona mumwiputaye u Mwene bo akwiza mubuchindamu ubuzelu.

Masalimo 44:19

Loli ukatubika muntamyo, nukutupela pakuba nkolongo sona watuvwinka ni chisi ichakoghofya nkani icha bufwe.

Ukufuma 10:21

Po u Mwene akamulamula u Mozesi akati, “Gholosezya inyobe yako mumwanya, umwakuti ichisi ichakoghofya nkani chiwe mu Ijiputi.”

Ivyili 4:19

Loli izila iya bantu ababibi yili ngati chisi ichakoghofya, batakuchimanya na chicho chibapunuzizye.

Umulumbilili 11:8

Umuntu angikala nubumi amaka aminji, po ahobokaye. Loli akumbukaye ukuti amaka agha bufwe bwache ghakwiza pakuba minji nkani, Vyope vinivi vite ni mbombo nayimoyimo.

Yesaya 5:30

Pisiku lilalila bakwiza pakubuluma, pachifukwa icha nyama nukupoma ngati nyanja. Nanti weka akwennya pachisu, akwennya ichisi nintamyo, lope ulukozyo lukwiza pakukupikiliwa namabingu amafitu.

Yesaya 59:10

Tukapapasyapapasya kulubumba, ngati muntu umufwamaso, akuyipapasya izila yitu, ngati bantu abafwamaso. Tukwipunula pakasi pamusanya, ngati po pachamabwila, pakasi pabantu abamaka, tuli ngati bantu abafwe.

Yesaya 59:9

Ubwanaloli bulikubutali naswe, sona ubugholosu butakutwagha. Tukulonda ulukozyo, loli tukuchagha ichisi chene, sona tukulonda ukulama, loli tukwenda muchisi nkani.

Yesaya 60:2

Ennya, ichisi chikwighalila ichisu ichapasi, sona ichisi ichikulu nkani chili panko, loli u Mwene akwiza pakukulamila, nu buchindamu bwache bukwiza pakubabonekela.

Yesaya 8:22

Po bakwiza pakwennya pachisu ichapasi intamyo, nububavu ubukulu nkani ni chisi ichakoghofya, bakwiza pakutaghiwa muchisi.

Yelemiya 14:19

Abantu bakuti, “Nkimba wabakanila zila abantu aba muchisu icha Yuda? Nkimba ukubasamula abantu aba mu Ziyoni? Fwandi choni chicho watuvulazya umwakuti tukupotwa nukupola? Twaghulindililagha umutende loli butalipo nu bwiza nabumobumo. Twalondagha pakupola loli bogha bwene.

Yelemiya 2:6

Batakalalusya ukuti, ‘Nkimba ali ko kwiyi u Mwene, yuyo akatufumya muchisu icha Ijiputi, nukutulongolela munkolongo, muchisu ichumizu sona nicha viliba, muchisu icha lulanga sona icha chisi, muchisu mumo atalimo nayumoyumo yuyo akwendamo nukwikalamo?’

Yelemiya 23:12

“Polelo izila zyabo zizyo bakwendamo zikwiza pakuba zya butyelele, bakwiza pakuchimbiziwa ku chisi, sona bakwiza pakuwila kulakula. Nkwiza pakubizila nintamyo, sona akabalilo aka lufundo kakwiza. Ane ne Mwene nanena.

Yelemiya 4:23

Nkenelezya pachisu ichapasi, chitakaba na kantu nakamokamo, sona nkennya kumwanya nkagha ukuti ulukozyo lutaliko.

Yelemiya 50:6

“Abantu bane basobelite ngati zyo ng'ozi, abadimi babo babapuvizye nukubapela ukuti bendabendaye pamaghamba. Bakendakenda pamaghamba sona na patughamba, nukuluvya ubuzilo bwabo ubwakutuzyapo.

Yelemiya 6:21

Polelo u Mwene akuti, “Nkwiza pakubabikila ivipunuzyo abantu aba. Abawise nabana bakwiza pakwipunulamo; abakamu na bamanyani bakwiza pakuzimila.”

Yelemiya 8:15

Tukalondagha umutende loli ivintu vitakatwendela akiza tukalondagha ukupoziwa loli kukabako ukoghofya kwene.

Nkuto 4:17

Amaso ghitu ghakalita pakubulindilila ubwavwilizi bwako. Tukalindilililagha inko yiyo yitangatupoka.

Ezekiyeli 21:15

Umwakuti amoyo ghasunguluke, sona abinji bakwiza pakufwila palapala. Nabika upanga uwakughoghela, pamilyango yabo yosi. Mwee! Apangiwe ukuti anyezimilaye ngati kamesya, sona apyasiwe ukuti abanje wakughoghela abantu.

Ezekiyeli 34:12

Ngati mumo umudimi akuzilondelezezya ing'ozi zizyo zyanyampana, momumo nane nkwiza pakubombela. Nkwiza pakuzipoka kubuzilo bosi bubo zinyampanikiyeko pisiku ilya mabingu nilya chisi.

Ezekiyeli 36:15

Ntakwiza pakubapela ukuti mwivwanje intuko izya inko, sona mutakwiza pakusekiwa na bantu pamo pakuzipela inko zyinyu ukuti ziwe, u Mwene Uwamaka Ghosi anena.’ ”

Yoweli 2:2

Isiku ilya chisi sona nilya chitima, isiku ilya mabingu sona nilya chisi ichakoghofya. Abasilikali abamaka nkani bakwiza, ngati ko kubuche kuvwinkite mumaghamba mosi. Banaba batabonekitepo nalumo, napapo mo muntazi batakwiza pakuboneka.

Amosi 4:13

Yuyo akupela amaghamba akupela impepo, nukubavumbulila abantu inyinong'ono zyache, yuyo akughupela umusanya pakuba chisi, akwenda pamwanya pachisu ichapasi: Itabwa lyache we Mwene u Chala Uwamaka Ghosi.

Amosi 5:18

Chighune nkani, mwe mukulisamba isiku ilya Mwene! Nkimba choni chicho mukulisamba isiku ilya Mwene? Isiku lila likwiza pakuba lisiku ilya chisi, te kukabanje ulukozyo.

Malaki 2:2

Nanti mutakunyivwila, sona nanti mutakulichindika itabwa lyane, nkwiza pakubaghuna, nkwiza pakulughuna ulusayo lwinyu. Naloli invighunite kale pachifukwa ichakuti mutaghateghelezya amazyu ghane.

Yohani 12:35

U Yesu akabamula akati, “Ulukozyo lukwiza pakuba namwe pakabalilo akanandi bulo. Endelela pakubomba bunubu, bo ulukozyo luchili pakasi papinyu, umwakuti ichisi chitakabaghe. Pakuti umuntu yuyo akwenda muchisi atakumanya kuko akubuka.

Yoshwa 7:19

Po u Yoshwa akamubuzya u Akani akati, “Wee mwana wane, umuchindike u Mwene u Chala uwa Izilayeli, sona umupale. Losi ulu umbuzye zizyo wabomba. Utakanvinde.”

1 Pitala 2:8

Amasimbo aghanji ghakuti, “Ibwe lilyo likwiza pakubapela abantu ukwipunula, ilyalabwe lilyo likwiza pakubawisya abantu.” Abene bakipunula pachifukwa ichakuti batakaghasubila amazyu agha Chala, ichi chikabombiwa kukwabo ukuyana namumo u Chala akabatikila.

1 Samuweli 6:5

Po mupange ivifwani fayivi ivya vitufya ivya golide, nivya mbeba, vivyo vikuchinangannya ichisu chinyu, sona mumuchindikaye u Chala uwa ba Izilayeli. Lumo angaleka pakubafunda amwe, poka na bachala binyu, sona ni chisu chinyu.