Yelemiya 12:7 - IBAYIBOLO 2024

⁷ “Imbalekite aba Izilayeli, imbakanite abampyana yane, Nababika abaghaniwa bane munyobe izya balwani babo.

Yelemiya 12:7 Iomraidhean Croise

2 Abamwene 21:14

Nkwiza pakubakana abantu babo basyala bumi nukubabika munyobe izya balwani babo. Abalwani babo bakwiza pakubapota nukuvifyula ivintu vyosi vivyo vili muchisu chabo,

Masalimo 106:40

Polelo u Mwene akabakalalila abantu bache, sona akachisulannya ichilingo chache.

Masalimo 78:62

Akabakalalila nkani abantu bache, po akitikizya ukuti baghoghiwe na balwani babo.

Yesaya 2:6

Wee Mwene wabakana abantu bako, babo baluko ulwa Yakobo. Ichisu chabo chizuye na bamayele abakubufumilo bwizuba, bakubomba ivya mayele ngati bo ba Filisiti sona bamanyananite na bantu abakuzi.

Yelemiya 11:15

Nkimba abantu bane abaghaniwa biza pakubomba choni munyumba yane? Nkimba te mwemwe mwabomba ivintu ivibibi nkani? Fwandi inyama yinyu impaghuliwa yingefyapo ulufundo lwinyu? Bo mukubomba imbibi, po mukusekela.”

Yelemiya 14:19

Abantu bakuti, “Nkimba wabakanila zila abantu aba muchisu icha Yuda? Nkimba ukubasamula abantu aba mu Ziyoni? Fwandi choni chicho watuvulazya umwakuti tukupotwa nukupola? Twaghulindililagha umutende loli butalipo nu bwiza nabumobumo. Twalondagha pakupola loli bogha bwene.

Yelemiya 17:4

Mukwiza pakutagha vyosi ivya pachilingo, vivyo nkabapa pachifukwa icha kupuvya kwinyu. Nkwiza pakubapela bazya abakubabombela abalwani binyu, muchisu chicho mutachimenyemo lumo, pakuti ubukali bwane bukwaka ngati moto ghugho ghutakuzimamo nalumo.”

Yelemiya 22:5

Loli nanti mutakwivwila amalamulo, ane ne Mwene nkulapa ukuti inyumba iya bumwene iyi yikwiza pakuba chisami.’ ”

Yelemiya 23:33

U Mwene akamubuzya akati, “Yelemiya, bo abantu aba, pamo abalaghuzi pamo abaputi, bakukulalusya bakuti, ‘Nkimba ntamyo zyoni zizyo zili mumoyo uwa Mwene?’ ubabuzye uti, ‘Amwe mwe ntamyo kwa Mwene sona akwiza pakubatagha.’

Yelemiya 23:39

Po nkwiza pakubanyamula nukubasumbila ku butali. Nkwiza pakubefyapo pamaso ghane amwe poka nakaya akakulu nkani kako nkabapa amwe na banyenya binyu.

Yelemiya 51:5

Ichisu icha Izilayeli nicha Yuda vitalekiwe, nu Chala wabo, u Mwene Uwamaka Ghosi, napapo ichisu chabo chizuye nukunanga, pamaso pa Muzelu uwa Izilayeli.

Yelemiya 7:14

Polelo, zizyo nkababombela akaya aka Shilo, zyo zizyo nkwiza pakuyibombela Inyumba yiyo muyisubiye, yiyo nkabapa amwe na banyenya binyu.

Yelemiya 7:29

“ ‘Lilagha mwe bantu aba mu Yelusalemu, mwanga isisi zyinyu sona muzisumbe, mulile nkani pamwanya patughamba, pakuti ane ne Mwene nkalaye sona nabakana abantu bane.

Ezekiyeli 24:21

‘Babuzye aba Izilayeli ukuti u Mwene Uwamaka Ghosi ati: Indi papipi pakubunyazya ubuzilo bwane ubuzelu bubo mukwituvikizyapo, ukuhoboka ukwa maso ghinyu, na chicho mukubikilapo umoyo. Po abana binyu abalumendo na balindu babo mukabaleka kwisinda mu Yelusalemu bakwiza pakufwila kubwite.

Hoseya 11:1

Pakabalilo kako u Izilayeli akaba mwana munandi, nkamughana nkani, po nkamwitizya umwana wane umulumendo, ukuti epemo mu Ijiputi.

Hoseya 9:15

“Nkubabenga pachifukwa icha bubibi bubo babomba muchisu icha Giligali, sona na pachifukwa icha mbombo imbibi zizyo babomba, po nkwiza pakubefyamo munyumba yane. Ane ntakwiza pakubaghana nalumo sona. Abalongozi babo bosi basambuke.

Yoweli 2:15

Lizya ipati mu Ziyoni, mubanje nukutuzya ukuzelu, sona mubanje ninkomano izelu.

Yoweli 3:2

nkwiza pakuzibungannya inko zyosi, nukwika nazyo kwikombe ilya Yehoshafati. Nkwiza pakuzipa inongwa inko ukuyana ni mpyana iya bantu bane aba Izilayeli, pachifukwa ichakuti babanyampanizye abantu bane pakasi pa inko, sona bagabana ichisu chane.

Luka 21:24

Bamo bakwiza pakughoghiwa kubwite, abanji bakwiza pakusendiwa ngati bo bakayidi pakubuka nabo muvyisu ivinji. Po abantu babo bate ba Yuda bakwiza pakumukanyankila u Yelusalemu mupaka akabalilo akabumalilo bwabo kakwane.

Ukukumbusya Amalamulo 33:12

Nizya luko ulwa Benjamini akati, “U Mwene amusungilile u Benjamini, pakuti weyuyo u Mwene amughanite nkani. Akumuzighilila isiku ni siku nukumupakata munyobe zyache.”