Yelemiya 12:4 - IBAYIBOLO 2024

⁴ Nkimba ichisu chikwiza pakubanga chisanya mupaka liyi? Nkimba isote likwiza pakubanga lyumizu mupaka liyi? Pachifukwa ichakuti abantu babo bakwikala mulamula babibi, ivinyamana ni viyuni vikufwa. Loli pope bulo abantu bakwituvya bakuti, “U Chala atakuzyennya zizyo tukubomba.”

Yelemiya 12:4 Iomraidhean Croise

Masalimo 107:34

Ichisu icha muvundo pakuba chisu icha mbeya, pachifukwa icha bantu ababibi, babo bakwikala mulamula.

Masalimo 50:21

Wabomba ivintu vyosi vinivi, loli nkaba bulo myee, po ukinong'onagha ukuti injanite bulo nawe. Loli nkwiza pakukuchemela nukukususya pazizyo wabomba.

Yesaya 24:4

Ichisu chikulila nukufoka, ichisu chosi ichapasi chikuyimba nukufoka, kumwanya kukuyimba poka ni chisu ichapasi.

Yesaya 24:6

Polelo ichighune chikulungulizya ichisu, po abantu babo bakuyimba pachifukwa icha bubibi bwabo, cho chifukwa baba banandi bulo babo balekiwa.

Yelemiya 12:11

Naloliloli baghupela pakuba nkolongo, ghukundilila sona ghuli wene bulo, Ichisu chosi chipela chisami pamaso papane, pachifukwa ichakuti atalipo nayumoyumo uwakughulindilila.

Yelemiya 14:2

“Aba Yuda bakulila, utwaya utukulu tukutamiwa, abantu bakughalaghata pasi nukuchililila ichisu, sona ukulila kukwivwika mu Yelusalemu.

Yelemiya 23:10

Ichisu chizuye na balowe, pachifukwa icha chighune, abantu aba muchisu bakulila, sona lyope nisote ilyakudimamo munkolongo lyumiye. Bope abalaghuzi bakukonka ububibi sona batakubombela mubugholosu.

Yelemiya 4:25

Nkennya, po mutakabamo nayumoyumo umuntu, sona ichiyuni chosi chikachimbila.

Yelemiya 4:28

Polelo ichisu chikwiza pakulila sona kope kumwanya kukwiza pakuba chisi chene, pachifukwa ichakuti ane ne Mwene nanena sona ntakwiza pakwandula inyinong'ono zyane, nadumula mpela, ntakwiza pakunyokela kwisinda.”

Yelemiya 5:13

Abalaghuzi bo bapwafu bambalala sona amazyu ghatalimo mumwabo, po leka zizyo bakunena zibabonekele babo.”

Yelemiya 5:31

Abalaghuzi bakulaghula ivyabumyasi, abaputi bakumanyisya chicho bakulonda, sona abantu bane bakuhoboka na zyosi zinizi. Po nkimba mukwiza pakubomba choni pabumalilo?”

Yelemiya 7:20

U Mwene Uwamaka Ghosi akunena akuti, “Ukukalala kwane nu bukali bwane vikwiza pakupunguliwa pabuzilo bunubu, pa muntu napa chinyamana, pa makwi agha munkolongo napa seke izya mumughunda, sona bukwiza pakwaka ngati moto ghugho ghutakuzima.”

Yelemiya 9:10

Nkwiza pakukolomoka nukughalilila amaghamba sona nkwiza pakuyifwifwitila inkolongo, pachifukwa ichakuti ukwakudimako kwananganika. Kwaba chisami sona batakwendako ukumota ukwavitekwa kutakwivwikako. Iviyuni ni vinyamana vyachimbilamo.

Yelemiya 9:9

Nkimba ningaleka pakubafunda pa zinizi? Nkimba ntangalutanizya uluko lunulu?” Ane ne Mwene nanena.

Hoseya 4:3

Pachifukwa icha zinizi ichisu chikulila, sona bosi babo bakwikalamo bakwiza pakudedebala, umwakuti ivinyamana ivyamunkolongo, ni viyuni sona niswi vikwiza pakuzimila.

Yoweli 1:18

Ivitekwa vikukoloma, pachifukwa icha zala. Umudimo uwa ng'ombe ghukwendakwenda bulo, pachifukwa ichakuti isote nalimo, zyope ing'ozi zikuyimba nkani.

Amosi 1:2

U Amosi akati, “U Mwene akubuluma mu Ziyoni, sona akujilimisya mu Yelusalemu. Apakudimilapo ivitekwa pumiye, sona isote ilya pighamba ilya Kalimeli likufoka.”

Habakuku 3:17

Amakuyu ghatakubazya, sona ghope amampesya naghamoghamo. Amakwi agha misyunguti ghatakwela, amaghunda ghope ghatakubanga ni vyakulya. Ing'ozi ni ng'ombe nazimozimo muvibagha.

Zekaliya 1:12

Po uwantumi uwa Mwene akamula akati, “Wee Mwene Uwamaka Ghosi, nkimba utakwiza pakumupelela ichisa mupaka liyi u Yelusalemu nutwaya utwa mu Yuda tuto watukalaliye amaka 70?”

Aba Loma 8:22

Pakuti tuzimenye ukuti mupaka pakabalilo aka ivipeliwa vyosi vikukoloma nu bubavu ngati mukolo pakabalilo akakusayiwa.