Yelemiya 12:14 - IBAYIBOLO 2024

¹⁴ U Mwene akuti, “Nizya bapalamani bane bosi ababibi babo bakufyula ichilingo chicho nkabapa abantu bane aba Izilayeli, nkwiza pakubefyamo muchisu chilachila sona nkwiza pakubanyunkulannya aba muchisu icha Yuda mukasi mumwabo.

Yelemiya 12:14 Iomraidhean Croise

Masalimo 105:15

“Mutakabapalamasyanje abapakiwa bane, sona mutakababombelaye chimo ichibibi abalaghuzi bane.”

Masalimo 106:47

Wee Mwene Chala witu, tupoke sona tubungannye poka nukutupoka munyobe izya inko izinji, umwakuti tulipalizyanje itabwa lyako izelu, nukukupala.

Yelemiya 2:3

U Izilayeli akaba muzelu kwa Mwene, ivikomwa ivyakwanda ivya nyinulo yache, bosi babo bakalyako ivikomwa vinivi bakaba ninongwa, sona ububibi bukabawila. Ane ne Mwene nanena.’ ”

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 3:18

Mumasiku ghalaghala ubumwene ubwa Yuda bukwiza pakuba poka nu bumwene ubwa Izilayeli, bosi poka bakwiza pakufuma kuchisu icha kumitu nukubasendela kuchisu chicho nkabapa abanyenya binyu pakuba mpyana yabo.”

Yelemiya 32:37

Nkwiza pakubabungannya ukufumila mutwaya tosi tuto nkabachimbizizyamo bo nkalaye nkani. Nkwiza pakubanyosezya ku buzilo bunubu sona nkwiza pakubapela pakwikalagha kunuku umwakufwasa.

Yelemiya 48:1

Pakunena nizya chisu icha Mowabu, u Mwene Uwamaka Ghosi, u Chala uwa Izilayeli akuti, “Chighune kukaya aka Nebo, pakuti kaba chisami. Akaya aka Kiliyatayimu kakoziwa isoni sona kafyuliwa ilinga lyache ilya maka lyakoziwa isoni nukumongoka.

Yelemiya 48:47

“Loli pope bulo nkwiza pakubanyosezya aba Mowabu ulusako lwabo. Ane ne Mwene nanena.” Panapa po pabumalilo ubwa budumuzi ubwa nongwa iya ba Mowabu.

Yelemiya 49:1

Pakunena nizya luko ulwa Amoni, u Mwene ukulalusya akuti, “Nkimba aba Izilayeli bate na bana abalumendo? Nkimba bate naba mpyana? Po nkimba choni chicho abantu, babo bakumwiputa u Moleki bafyulite ichisu icha Gadi? Nkimba choni chicho abantu bache bakwikala mutwaya twache utukulu?

Yelemiya 49:7

Pakunena nizya Edomu, U Mwene Uwamaka Ghosi akuti, “Nkimba mutalimo amahala mu Temani? Nkimba abantu abamahala ubulongozi bwabo bwamala? Nkimba amahala ghabo ghabamaliye?

Ezekiyeli 28:25

“ ‘U Mwene Uwamaka Ghosi akuti: Bo nababungannya aba Izilayeli ukufuma mu inko kuko bakanyampanila, nkwiza pakwilanjizya nemwene pakuba muzelu pakasi papabo, bo inko zikwennya. Po bakwiza pakwikala muchisu ichabo ni chabo, chicho nkamupa umubombi wane u Yakobo.

Ezekiyeli 28:26

Bakwiza pakwikala mulamula umwakufwasa nukuzenga inyumba zyabo nukubyala amampesya, bo nkubafunda abapalamani babo, babo bakabayivyanga. Po bakwiza pakumanya ukuti ane ne Mwene u Chala wabo.’ ”

Ezekiyeli 36:24

“ ‘Po nkwiza pakubafumyamo mu inko; nkwiza pakubabungannya ukufuma muvyisu vyosi nukwiza namwe muchisu chinyu.

Ezekiyeli 36:5

U Mwene Uwamaka Ghosi akuti, “Nkunena nubukalale sona nu moyo wakabini ku inko zyosi, sona naba Edomu bosi, babo bakisendela bene ichisu chane numoyo uwa kuhoboka nkani sona nuwa lobezyo, bakanfyula ichisu chane ukuti chibe chabo, umwakuti bafyule apakudimapo ivitekwa.”

Ezekiyeli 37:21

po ubabuzye uti, ‘U Mwene Uwamaka Ghosi akuti: Nkwiza pakubefyapo aba Izilayeli pakasi pa inko kuko bakabuka. Nkwiza pakubabungannya pakufuma mu nkuto zyosi folo nukwiza nabo muchisu ichabo ni chabo.

Hoseya 1:11

Abantu aba mu Yuda, naba mu Izilayeli bakwiza pakuba poka. Bakwiza pakusala umulongozi weka, sona ivintu vikwiza pakubendela akiza muchisu chabo, pakuti isiku ilya Yezileli likwiza pakuba likulu nkani.

Zekaliya 1:15

loli inzikalaliye nkani inko zizyo zili pamutende. Nazikalaliye panandi bulo, loli ilelo babafunda nkani abantu bane.’

Zekaliya 2:8

Pakuti chinichi cho chicho u Mwene umuchindamu nkani Uwamaka Ghosi anena ati, “Inko zyosi zizyo zyababombela abantu bane ububibi zyambombela nane bulo ububibi.

Ukukumbusya Amalamulo 28:63

Ukuyana namumo chikamuhobosezya u Mwene pakubapela ukuti ivintu vibendelaye akiza, sona nukuti mubanje mwe binji nkani, po chikwiza pakumuhobosya u Mwene pakubanangannya nukubazimizya. Akwiza pakubanyunkulamo muchisu chicho mukubuka pakwikalamo.

Ukukumbusya Amalamulo 30:3

u Mwene u Chala winyu akwiza pakubanyosya nukubapepela ichisa. Akwiza pakubabungannya mwebosi muvyisu vyosi vivyo akabanyampanikizizyako.