Yelemiya 12:12 - IBAYIBOLO 2024

¹² Abakunangannya bakwiza mubuzilo bosi ubwapamwanya bubo buli munkolongo. Pakuti ubwite ubwa Mwene bukwiza pakuchinangannya ichisu ukwandila kubwandilo mupaka kubumalilo, sona atalipo nayumoyumo uwakupona.

Yelemiya 12:12 Iomraidhean Croise

Yesaya 34:6

U panga uwa Mwene oghite mwibanda, ali mafuta ghene agha mwana uwa ng'ozi nagha mbuzi, amafuta agha figho agha dubi. Pakuti u Mwene abika ichakwiyipa mukaya akakulu nkani aka Bozila, sona baghoghiwa abantu abinji nkani muchisu icha Edomu.

Yesaya 57:21

U Chala akuti, “Umutende naghumo pabantu ababibi.”

Yelemiya 15:2

Sona nanti bakukulalusya bakuti, ‘Nkimba tubukaye kwiyi?’ ubabuzye uti: U Mwene akuti, ‘Babo ubufwe bubabaghiye, bafwanje, babo upanga ababaghiye, bafwanje nupanga, babo izala yibabaghiye, bafwanje nizala, babo ubuzya bubabaghiye, babukaye kubuzya.’ ”

Yelemiya 16:5

U Mwene akuti, “Mutakinjilayemo munyumba mumo muli ichililo. Mutakalilaye pamo ukulanjizya ichitima, pakuti nefyamo umutende wane nu lughano lwane sona ni chisa chane mubantu banaba.

Yelemiya 25:11

Ichisu chosi ichi chikwiza pakuba nkolongo ni chisami, sona inko zinizi zikwiza pakumubombela u mwene uwa Babiloni amaka 70.

Yelemiya 3:2

Ennya pamwanya pamaghamba. Nkimba buzilo boni bubo utabombeyepo ubwamalaya? Ukabalindilila abaghaniwa bako mulubazu muzila, ukikala mulubazu ulwa musebo ngati mu Alabu yuyo avwamiliye. Wachinyazya ichisu nu bwamalaya sona nu bubibi bwako.

Yelemiya 3:21

Ichongo chikwivwika pamwanya pamaghamba, aba Izilayeli bakulila nukulaba ichisa, pachifukwa icha mbibi zyabo, sona bamuluvizye u Mwene u Chala wabo.

Yelemiya 30:5

U Mwene akuti, “Nivwa amazyu agha nkuto, amazyu aghakoghofya ghagho te ghamutende, awe.

Yelemiya 34:17

Polelo, u Mwene akuti, “Mukanite pakunyivwila, mutafumusizye ubwabuke ubwakuti mukwiza pakubasatula abakamu binyu na bapalamani binyu. Po ilelo ane nkubafumusizya ubwabuke: Ubwabuke ubwakufwila kubwite, ichiwaya nizala. Nkwiza pakubapela pakuba bantu abakoghofya ku inko izya pachisu ichapasi.

Yelemiya 4:27

U Mwene akuti, “Ichisu chosi chikwiza pakuba chisami, napapo ntakwiza pakuchinangannya zila.

Yelemiya 46:10

Loli isiku lila ilya Mwene Uwamaka Ghosi, isiku ilya kutanizya, akubatanizya abalwani bache. U panga wache akwiza pakubanangannya, nukung'wela ibanda mupaka ikute. Pakuti u Mwene Uwamaka Ghosi akwiza pakubika ichakwiyipa, muchisu icha kumitu papipi nu lusoko ulwa Yufuleti.

Yelemiya 47:6

“Amwe mukumulila mukuti, ‘Wee panga uwa Mwene, nkimba ukwiza pakutuzya liyi? Nyokela munyambi yako, ikala munumo nukutuzya.’

Yelemiya 48:2

U Mowabu atakwiza pakupaliwa sona, abalwani bakabatika pakukafyula akaya akakulu aka Heshiboni bakati, ‘Zagha tulumale uluko ulwa bantu.’ Namwe bulo, mwe bantu aba Madimeni, mukwiza pakwighaliliwa imilomo, ubwite bukwiza pakubakonka.

Yelemiya 8:15

Tukalondagha umutende loli ivintu vitakatwendela akiza tukalondagha ukupoziwa loli kukabako ukoghofya kwene.

Nkuto 3:17

Ane inte nu mutende naghumoghumo mumoyo wane, sona induvizye ukuti ubuhobosu cho choni.

Ezekiyeli 14:17

“Pamo nanti ni ngiza nu bwite muchisu chila nukuti, ‘Leka ubwite busate ichisu chosi,’ nukubaghoghamo abantu ni vinyamana,

Ezekiyeli 21:28

“Wee mwana uwa muntu, laghula nukunena ukuti, ‘Izi zyo zizyo u Mwene Uwamaka Ghosi akunena ukuyana nizya ba Amoni sona nintuko zyabo ubabuzye amazyu aghakuti: Upanga, upanga, awesiwa ukuti aghoghe abantu, akumesya ukuti anangannye sona akunyezimila ngati kamesya!

Ezekiyeli 21:4

Pachifukwa ichakuti nkwiza pakubaghogha mwebosi abagholosu na babibi, sona nkwiza pakuwesa upanga munyambi yache nukubaghogha abantu bosi aba kuntende naba kumitu.

Ezekiyeli 21:8

U Mwene akambuzya akati,

Ezekiyeli 21:9

“Wee mwana uwa muntu, laghula ukuti, ‘U Mwene akuti: U panga, u panga apyasiwe sona akunyezimila,

Ezekiyeli 5:2

Bo isiku ilya kuzyunguliliwa kwako lyamala, ocha ichigaba chako ichabutatu icha isisi mo mukasi mukaya akakulu nkani. Senda sona ichigaba ichabutatu nukudumula nupanga ukuzyungulila akaya akakulu nkani. Uchipupuzye mumpepo ichigaba ichabutatu. Pakuti nkwiza pakubachimbizya nupanga.

Aba Levi 26:33

Nkwiza pakubanyampanizizya pakasi pabantu aba inko injeni nukubanangannya nupanga wane. Ichisu chinyu chikwiza pakuba nkolongo, sona utwaya twinyu utukulu nkani tukwiza pakuba visami.”

Amosi 9:4

Napapo bangalemiwa pakuba bazya na balwani babo, kulakula nkwiza pakulamula ukuti baghoghiwe nupanga. Nkwiza pakubalolotela ukuti imbabombele ichintu ichibibi, ntakwiza pakubabombela ichiza.”

Zefaniya 2:12

“Namwe bulo, mwe bantu aba mu Etiyopiya mukwiza pakughoghiwa nupanga wane.” U Mwene anena.

Ukukumbusya Amalamulo 32:42

Utulasilo twane tukwiza pakuba chee ni banda lyabo, sona upanga wane akwiza pakubabolannya. Upanga wane akwiza pakung'wela ibanda ilya babo baghoghiwe, sona akwiza pakudumula imitu iya balongozi aba balwani bane.

Ubuvumbuli 6:4

Po ifalasi iyinji inchesamu yikaboneka. Uwakukwelapo akapeghiwa amaka aghakulwila ubwite pachisu ichapasi, umwakuti abantu baghoghanaye benebene, sona akapeghiwa upanga umukulu nkani.