Yelemiya 12:11 - IBAYIBOLO 2024

¹¹ Naloliloli baghupela pakuba nkolongo, ghukundilila sona ghuli wene bulo, Ichisu chosi chipela chisami pamaso papane, pachifukwa ichakuti atalipo nayumoyumo uwakughulindilila.

Yelemiya 12:11 Iomraidhean Croise

Umulumbilili 7:2

Chizapo nkani pakubuka kunyumba kuko kuli ichililo ukuchila pakubuka kunyumba kuko kuli ulusekelo, pakuti ubumalilo ubwa muntu wesi bo bufwe.

Yesaya 42:25

Akapungulila ubukali bwache papabo, sona nu bukali ubwa bwite bwache. Ghukabocha umwakuzyungulila, loli pope batakivwanga, ghukabalungulizya, loli pope batakachibikila kumoyo.

Yesaya 57:1

Abagholosu bakufwa, sona atalipo nayumo umuntu yuyo akupasyapo, abantu abasubiliwa bakusendiwa, sona atalipo nayumo yuyo akwivwisya, ukuti abagholosu bakusendiwa, ukuti ububibi butakabawile.

Yelemiya 10:22

Teghelezya! Ipangwi lilyo likwiza. Ichongo ichikulu icha kumitu chikwiza. Chikwiza pakutupela utwaya utukulu utwa Yuda pakuba chisami, mumo mukwikalamo abakambwe.

Yelemiya 10:25

Pungulila ubukali bwako pa inko zizyo zitakumenye, pabantu babo batakukwiputa. Pakuti bamulya u Yakobo, bamulya nukumumalizya, sona bakanangannya akaya kache nukukapela pakuba nkolongo.

Yelemiya 14:2

“Aba Yuda bakulila, utwaya utukulu tukutamiwa, abantu bakughalaghata pasi nukuchililila ichisu, sona ukulila kukwivwika mu Yelusalemu.

Yelemiya 19:8

Nkwiza pakukapela akaya akakulu kanaka pakuba chakoghofya nkani sona umuntu wesi yuyo akudumusannyapo palapala akwiza pakuba nubogha sona ni chiswigho pachifukwa icha kunanganika kwache.

Yelemiya 23:10

Ichisu chizuye na balowe, pachifukwa icha chighune, abantu aba muchisu bakulila, sona lyope nisote ilyakudimamo munkolongo lyumiye. Bope abalaghuzi bakukonka ububibi sona batakubombela mubugholosu.

Yelemiya 25:11

Ichisu chosi ichi chikwiza pakuba nkolongo ni chisami, sona inko zinizi zikwiza pakumubombela u mwene uwa Babiloni amaka 70.

Yelemiya 4:20

Intamyo zikwiza pamwanya pantamyo; ichisu chosi chipela pakuba chisami. Lubilolubilo ivisakasa vyane vyananganika, pakabalilo akapimpa bulo, umwenda uwakuzighila ghukazepunkana.

Yelemiya 4:27

U Mwene akuti, “Ichisu chosi chikwiza pakuba chisami, napapo ntakwiza pakuchinangannya zila.

Yelemiya 4:28

Polelo ichisu chikwiza pakulila sona kope kumwanya kukwiza pakuba chisi chene, pachifukwa ichakuti ane ne Mwene nanena sona ntakwiza pakwandula inyinong'ono zyane, nadumula mpela, ntakwiza pakunyokela kwisinda.”

Yelemiya 6:8

Wee Yelusalemu, sendapo ichimanyilo, ukuti intakepukeko kukwako nukukuleka pakuba chisami, ichisu chicho atalipo nayumo umuntu angikalamo.”

Yelemiya 9:10

Nkwiza pakukolomoka nukughalilila amaghamba sona nkwiza pakuyifwifwitila inkolongo, pachifukwa ichakuti ukwakudimako kwananganika. Kwaba chisami sona batakwendako ukumota ukwavitekwa kutakwivwikako. Iviyuni ni vinyamana vyachimbilamo.

Yelemiya 9:11

U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Yelemiya 9:9

Nkimba ningaleka pakubafunda pa zinizi? Nkimba ntangalutanizya uluko lunulu?” Ane ne Mwene nanena.

Yoweli 1:10

Amaghunda ghananganika, sona chope ichisu chumiye. Ingano yananganika, amampesya ghumiye, sona imisyunguti yafoka.

Aba Levi 26:32

Nkwiza pakuchinangannya ichisu chinyu, umwakuti abalwani binyu babo bakwikalamo bakwiza pakuchiswigha bulo.

Zekaliya 7:5

“Balalusye abantu bosi aba muchisu poka na baputi ukuti, ‘Nkimba bo ukutuzya pakulya nukufwifwitila, mumwezi uwafayivi nu mwezi uwaseveni amaka 70 ghagho ghachilapo, nkimba mukatuzya pakulya pachifukwa icha ane?

Malaki 2:2

Nanti mutakunyivwila, sona nanti mutakulichindika itabwa lyane, nkwiza pakubaghuna, nkwiza pakulughuna ulusayo lwinyu. Naloli invighunite kale pachifukwa ichakuti mutaghateghelezya amazyu ghane.

Aba Loma 8:22

Pakuti tuzimenye ukuti mupaka pakabalilo aka ivipeliwa vyosi vikukoloma nu bubavu ngati mukolo pakabalilo akakusayiwa.