Yelemiya 11:4 - IBAYIBOLO 2024

⁴ ulufingo lulo nkafingana na banyenya binyu bo nkubefyamo mu Ijiputi, muchiliba ichakwaka umoto. Nkati, ‘Munyivwile nukubomba chosi chicho nkubalamula, po mukwiza pakuba bantu bane, sona nkwiza pakuba ne Chala winyu.

Yelemiya 11:4 Iomraidhean Croise

Ubwandilo 17:8

Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”

1 Abamwene 8:51

Pakuti banaba bantu bako, sona mpyana yako, babo ukabefya mu Ijiputi mumuvuno uwa moto.

2 Abamwene 18:6

U Hezekiya akamumamatila u Mwene, sona atakalekapo lumo pakumwivwila. Loli akakonkagha amalamulo ghagho u Mwene akamupa u Mozesi.

Ukufuma 20:6

“Loli imbaghanite abantu amasabuzani agha nkulilo izya bantu babo banganite nukughakonka amalamulo ghane.

Yesaya 30:6

Agha gho mazyu aghabulaghuzi ghagho ghakunena nizya vinyamana ivya munkolongo iya Negebu, muchisu icha ntamyo nicha mayimba, ichisu icha nkalamu inyanavuli ninkolo zizyo zikubuluma, uchipili ni nyivwila, intumi zikanyamula ubukabi bwabo panyuma pampunda inyanavuli, sona bakanyamula ivyuma vyabo panyuma pangamila, ukubuka navyo ku luko ulwa bantu babo batangabavwa,

Yesaya 48:10

Ennya, mumo nabaswefezya, loli ate ngati we siliva awe, nabayezya mumuvuno uwa mayimba.

Yelemiya 11:7

Pakuti nkabasoka abanyenya binyu kabilikabili nu moyo wane ghosi pakabalilo kako nkabefya muchisu icha Ijiputi mupaka ilelo nu moyo wane ghosi nukunena ukuti, ‘Munyivwilaye.’

Yelemiya 24:7

Nkwiza pakubapa u moyo uwakuzimanya ukuti ne Mwene. Bakwiza pakuba bantu bane, nane nkwiza pakuba ne Chala wabo, pakuti bakwiza pakunyokela kukwane nu moyo wabo ghosi.

Yelemiya 26:13

Ilelo yannya akendele kinyu ni mbombo zyinyu nukumwivwila u Mwene u Chala winyu, po u Mwene akwiza pakubahobokela ichibibi chicho alondagha pakubabombela.

Yelemiya 30:22

Polelo amwe mukwiza pakuba mwe bantu bane sona nane nkwiza pakuba ne Chala winyu.”

Yelemiya 32:28

Polelo u Mwene akuti: Indi papipi pakukabika akaya akakulu nkani aka munyobe izya Nebukadineza u mwene uwa chisu icha Babiloni yuyo akwiza pakukafyula.

Yelemiya 38:20

U Yelemiya akamwamula akati, “Batakwiza pakukubika munyobe zyabo. Awe umwivwilaye bulo u Mwene pakubomba zyosi zizyo nkukubuzya. Po vyosi vikwiza pakukwendela akiza, sona ukwiza pakubupoka ubumi bwako.

Ezekiyeli 11:20

Po bakwiza pakusunga indaghilo zyane nukughivwila akiza amalamulo ghane. Bakwiza pakuba bantu bane sona nkwiza pakuba ne Chala wabo.

Ezekiyeli 14:11

Po abantu aba mu Izilayeli batakwiza pakwepako kukwane pamo ukwinyazya bene ni mbibi zyabo. Bakwiza pakuba bantu bane, sona nane nkwiza pakuba ne Chala wabo, u Mwene Uwamaka Ghosi anena.’ ”

Ezekiyeli 36:28

Mukwiza pakwikala muchisu chicho nkabapa abanyenya binyu, mukwiza pakuba bantu bane sona ane nkwiza pakuba ne Chala winyu.

Ezekiyeli 37:23

Batakwiza pakwinyazya nivifwani vyabo sona ivintu ivyamwiko pamo ukunanga kwabo, pakuti nkwiza pakubapoka kububibi ubwa kunyokela mwisinda, nukubaswefya. Bakwiza pakuba bantu bane, nane nkwiza pakuba ne Chala wabo.

Ezekiyeli 37:27

Inyumba yane yikwiza pakuba pakasi papabo. Nkwiza pakuba ne Chala wabo sona abene bakwiza pakuba bantu bane.

Daniyeli 3:26

Panapo na panapo u mwene u Nebukadineza akapalamila kumulyango ku moto uwa muvuno ghula nukwitizya ukuti, “Mwe babombi aba Chala uwakumwanya nkani, Shadiliki nu Meshaki nu Abedinego, epamo! Zagha kuno!” U Shadilaki nu Meshaki nu Abedinego bakepamo mu muvuno ghula.

Aba Levi 26:12

Nkwiza pakuba pakasi papinyu, nkwiza pakuba ne Chala winyu, sona amwe mukwiza pakuba mwe bantu bane.

Aba Levi 26:3

“Nanti mukughakonka amalamulo ghane ni ndaghilo zyane,

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Zekaliya 6:15

Abantu bosi babo bali kubutali, bakwiza pakwavwa pakuzenga Inyumba iya Mwene, po bakwiza pakumanya ukuti u Mwene Uwamaka Ghosi antuma pakasi papabo. Zinizi zikwiza pakubombiwa nanti naloli mukughivwila amazyu agha Mwene u Chala winyu.”

Zekaliya 8:8

Nkwiza pakubanyosezya sona ukuti bikalaye mu Yelusalemu. Bakwiza pakuba bantu bane, ane nkwiza pakuba musubiliwa sona mugholosu kukwabo pakuba ne Chala wabo.”

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

2 Aba Kolinti 6:16

Nkimba Inyumba iya Chala yingayana bulibuli ni vifwani? Pakuti aswe twe Nyumba iya Chala umumi, ukuyana namumo u Chala umwenecho akanenela akati, “Nkwiza pakwikalana mumwabo, sona nukwikala pakasi papabo. Nkwiza pakuba we Chala wabo, po abene bakwiza pakuba bantu bane.”

Ukukumbusya Amalamulo 11:27

Nanti mukughakonka amalamulo agha Mwene u Chala winyu, mukwiza pakupokela ulusayo lulo nkubapa amwe ilelo.

Ukukumbusya Amalamulo 4:20

Loli ukunena nizya amwe, u Mwene akabefyamo mu Ijiputi, muchiliba ichakwaka umoto, umwakuti mubanje mwe bantu abache na bache. Umu momumo mubeleye ilelo.

Ukukumbusya Amalamulo 5:6

“Ane ne Mwene u Chala winyu, ne nkabefyamo mu Ijiputi mumo mukaba mwe bazya.

Aba Hebeli 5:9

Bo aba wakufikapo, akaba mbwibwi iya bupoki ubwa bwila na bwila ubwa bantu bosi babo bakumwivwila.

1 Samuweli 15:22

Loli u Samuweli akati, “Nkimba u Mwene akuhoboka ni vyakwiyipa ivyakocha, sona ni vyabupi pamo ukughivwila amazyu ghache? Ukwivwila chintu chizapo ukuchila ichakwiyipa, ukughakonka amalamulo ghache chizapo, ukuchila ichakwiyipa icha mafuta agha dubi.