Yelemiya 11:17 - IBAYIBOLO 2024

¹⁷ U Mwene Uwamaka Ghosi yuyo akababika muchisu, alamula ukuti, intamyo yikwiza pakubawila pachifukwa icha mbibi zizyo mwabomba mweba Izilayeli naba Yuda. Mwamukalalizya pakubika ichakwiyipa icha kocha kwa Baala.

Yelemiya 11:17 Iomraidhean Croise

2 Samuweli 7:10

Nkwiza pakubapa ubuzilo abantu bane aba Izilayeli, sona nkwiza pakubikazya, umwakuti babanje nakaya akabo na kabo, nukubazighilila kubalwani babo. Abantu ababibi batakwiza pakubayivya sona, ngati mumo bakabombelagha pakwanda pala,

2 Imbili 28:25

Akazenga ubuzilo ubwapamwanya ubwakwiputilapo ivifwani mutwaya tosi utwa Yuda ubwakubikilapo ivyakwiyipa ku bachala abanji, po akamukalalizya u Mwene, u Chala uwa banyenya bache.

Masalimo 44:2

Ukabachimbizya abantu aba inko izinji, nukubikazya abanyenya bitu mulamula. Ukabayivya abantu aba uluko ulunji, nukubitikizya abanyenya bitu ukuti ivintu vibendelaye akiza.

Masalimo 80:15

Imigululuzi inyobe yako indilo yikabyala umwana yuyo wamulela wemwene.

Masalimo 80:8

Ukalunyunkulamo ulutabo lwamampesya mu Ijiputi, ukabefyamo abantu aba inko izinji nukulubyala mulamula.

Yesaya 5:2

Akaghudibula nukufumyamo amabwe, akabyalamo amampesya amiza nkani. Akaghuzengela ichitembe nukukumba ichiliba ichakukanyilamo amampesya. Akalindilila pakuyaba amampesya amiza, loli amampesya ghala ghakababagha.

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Yelemiya 1:14

U Mwene akambuzya akati, “Ichintu ichibibi nkani icha kumitu chikwiza pakubawila abantu bosi aba muchisu ichi.

Yelemiya 11:11

Polelo u Mwene akuti, ‘Nkubizila nintamyo yiyo batabaghiye pakuyichimbila. Napapo bangandilila, pope bulo ntakwiza pakubivwa napo panandi.

Yelemiya 11:13

Wee Yuda, abachala bako binji nkani babo bayanite bulo nutwaya twinyu utukulu sona vyope ivighemo vivyo muzengite ivya kumochelapo utwakununkila u chala winyu u Baala, vyinji nkani ngati misebo iya mu Yelusalemu.’

Yelemiya 12:2

Wewe ukubyala makwi sona amagululuzi ghache ghakwisimika ghakukula nukwela ivikomwa. Bakukunena akabalilo kosi, loli amoyo ghabo ghali kubutali nawe.

Yelemiya 18:15

Loli pope bulo abantu bane banduvizye, bakochela utwakufukizya ku bachala babo bate nimbombo nayimoyimo, bakwipunula muzila zyabo izyakale. Bakwenda mutuzila utwa mwisote, na mumisebo yiyo yitalimiwepo nalumolumo.

Yelemiya 18:8

po nanti uluko ulwa bantu lulo nalusoka lukupinduka nukubuleka ububibi bwache, po nane ntakwiza pakulunangannya ukuyana namumo nkinong'onelagha.

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 2:21

Loli nkakubyala ngati mampesya amiza ghagho ghafumite mwikwi ilyiza. Po nkimba ukandeka bulibuli nukwipela pakuba mampesya agha mwisote?

Yelemiya 24:6

Nkwiza pakubasungilila nukubabombela inyiza, sona nkwiza pakubanyosezya kuchisu chabo. Nkwiza pakubazenga sona ntakwiza pakubamongolannya. Nkwiza pakubabyala sona ntakwiza pakubanyunkulannya.

Yelemiya 26:13

Ilelo yannya akendele kinyu ni mbombo zyinyu nukumwivwila u Mwene u Chala winyu, po u Mwene akwiza pakubahobokela ichibibi chicho alondagha pakubabombela.

Yelemiya 26:19

“Nkimba u Hezekiya u mwene uwa chisu icha Yuda na bantu bosi bakamughogha u Mika? Nkimba u Hezekiya atakamunyila u Mwene nukulaba uluhobokelo? Nkimba u Mwene atakabahobokela, umwakuti atakabapa ulufundo lulo akati akwiza pakubafunda nalo? Loli aswe twebene tuli papipi pakwisendela intamyo impalapala nkani!”

Yelemiya 32:29

Abantu aba ku Babiloni babo bakulwa nakaya akakulu nkani aka bakwiza pakukocha numoto poka ni nyumba zyosi kuko abantu bakankalalizya bo bakumochela u Baala utwakununkila pamwanya pachisonje sona nukupungulila ichakwiyipa icha vinyo ku bachala abanji.

Yelemiya 32:30

“Pakuti ukwandila po pa bwana bwabo, aba Izilayeli naba Yuda batabombitepo nazimozimo inyiza loli bo bubibi bwene pamaso papane, imbombo yabo yakunkalalizya ni mbombo zyabo imbibi.

Yelemiya 35:17

“Polelo, u Mwene u Chala Uwamaka Ghosi, u Chala uwa Izilayeli akuti, ‘Teghelezya! Nkwiza pakubanangannya aba Yuda na bantu bosi babo bakwikala mu Yelusalemu, pachifukwa ichakuti batakanyivwila bo nkunena nabo, batakanyamula bo nkubitizya.’ ”

Yelemiya 36:7

Lumo inyiputo zyabo zingafika pamaso agha Mwene nukuti wesi akwiza pakunyokako kumbombo zyache imbibi, pakuti ubukalale nu bukali ubwa Mwene bwaba bukulu nkani.”

Yelemiya 40:2

Bo umulongozi uwa balindilili amwagha u Yelemiya, akamubuzya akati, “U Mwene u Chala wako akanena nizya chintu ichibibi chicho chikwiza pakukawila akaya aka.

Yelemiya 40:3

Sona ilelo u Mwene achikwanilisya. Abomba ngati mumo akanenela ukuti akwiza pakuchibomba. Chosi ichi chikabombiwa pachifukwa ichakuti mwe bantu mukamubombela imbibi u Mwene sona mutakamwivwila.

Yelemiya 42:10

Nanti mukwikala muchisu chinichi, ntakwiza pakubanyampannya awe, loli nkwiza pakubazenga, ntakwiza pakubanyunkulannya awe, loli nkwiza pakubabyala, pakuti nanyokako kuchintu ichibibi chicho nkababombela.

Yelemiya 44:5

Loli batakivwa pamo ukuteghelezya napo panandi. Batakalondagha pakubuleka ububibi bwabo pamo pakubika ivyakwiyipa ku bachala abanji.

Yelemiya 44:8

Nkimba choni chicho mukunkalalizya ni mbombo zyinyu izya kubiputa abachala abanji sona mukubika ivyakwiyipa vyinyu ku bachala aba mukaya aka Ijiputi mumo mukwikala? Nkimba mukubomba zinizi ukuti mwinangannye mwebene, umwakuti inko izya muchisu ichapasi zibapele pakuba bantu abakusekiwa sona naba kughuniwa?

Yelemiya 45:4

U Mwene akuti, “Umubuzye u Baluki ukuti, ‘Nkwiza pakuchimongolannya chicho nkachizenga. Momumo nkwiza pakubombela ni chisu chosi.

Yelemiya 7:18

Abana abanandi bakutenya inkwi, abanavuli bakupemba u moto, po abakolo bakukantannya ubusu ukuti bapiyile utuvibama utwakwiyipila kwa Mwene Umukolo Uwakumwanya. Bakupungula u vinyo wabo pakuba chakwiyipa ku bachala abanji ukuti bankalalizye.

Yelemiya 7:9

“ ‘Amwe mukwiba, mukughogha, mukulowa, mukulapa, mukumochela u Baala utwakununkila sona mukubakonka abachala babo mutabamenyemo nalumolumo.

Ezekiyeli 17:5

Likasenda imbeyu zimo izya muchisu chako nukuzibyala mwitope ilya muvundo mulubazu ulwa lusoko. Likabyala ngati likwi ilya mungwina papipi na mizi aminji.

Hoseya 10:1

Aba Izilayeli bakaba ngati lo lutabo ulwa mampesya, lulo lukwela ivikomwa vyache. Bo ivikomwa vyache vikubala, bope bakazenga ivighemo ivyinji nkani. Bo ivintu vyabo vikubendela akiza muchisu, bope bakavighana nkani ivikumbusyo ivya mabwe amapaghuliwa.