Yelemiya 11:11 - IBAYIBOLO 2024

¹¹ Polelo u Mwene akuti, ‘Nkubizila nintamyo yiyo batabaghiye pakuyichimbila. Napapo bangandilila, pope bulo ntakwiza pakubivwa napo panandi.

Yelemiya 11:11 Iomraidhean Croise

2 Abamwene 22:16

‘U Mwene ati: Nkwiza pakukawisizya intamyo akaya akakulu nkani kanaka, poka na bantu babo bakwikala mulamula, ukuyana na vyosi vivyo visimbiwe mwibuku lilyo u mwene uwamu Yuda alibelengagha.

2 Imbili 34:24

‘U Mwene ati, nkwiza pakukawisizya intamyo akaya akakulu nkani kanaka, poka na bantu babo bakwikala mulamula, kokuti ivighune vyosi vivyo visimbiwe mwibuku lilyo likabelengiwa pamaso pa mwene uwamu Yuda.’

Yobu 35:13

Naloli u Chala atakuteghelezya ukulambilizya kwabo kwa bulo; Uwamaka Ghosi atakubikilaghako umoyo.

Masalimo 18:41

Bakalilagha ukuti abavwe, loli patakabapo nayumoyumo umuntu uwakubapoka. Bakalilagha kwa Mwene, loli atakabamula.

Masalimo 66:18

Nanti intakazilatagha imbibi zyane nukuzifisa mumoyo wane, ngali u Mwene atanteghelezizye.

Ivyili 1:28

“Po bakwiza pakunyitizya, loli ntakwiza pakwamula, bakwiza pakundondelezya, loli batakwiza pakunyagha.”

Ivyili 29:1

Umuntu yuyo akuba nu moyo umukafu bo achemeliwa akinji bulo, naloli lubilolubilo akunanganika umwakusita kupola.

Yesaya 1:15

Bo mukukwezya inyobe zyinyu mumwanya pakwiputa, nkwiza pakwighalila amaso ghane. Napapo inyiputo zyinyu zingaba ntali, loli ane ntakwiza pakuziteghelezya, pachifukwa ichakuti inyobe zyinyu zyizuye ni banda.

Yesaya 24:17

Ivyakoghofya, ivibwina nivitegho vikulindiliye awe, mwee bantu ba pachisu chosi ichapasi.

Yelemiya 11:14

“Yelemiya, utakabiputilaye abantu banaba pamo ukubalabila, pachifukwa ichakuti ntakwiza pakubivwa bo bakunyitizya pakabalilo akantamyo.

Yelemiya 11:17

U Mwene Uwamaka Ghosi yuyo akababika muchisu, alamula ukuti, intamyo yikwiza pakubawila pachifukwa icha mbibi zizyo mwabomba mweba Izilayeli naba Yuda. Mwamukalalizya pakubika ichakwiyipa icha kocha kwa Baala.

Yelemiya 14:12

Napapo bangatuzya pakulya, ntakwiza pakwivwa ukulila kwabo, napapo bangabika ivyakwiyipa ivyakocha sona ni vyakwiyipa ivya busu pope bulo ntakwiza pakubapokela. Mubuzilo bwache, nkwiza pakubanangannya nupanga, nizala sona ni chiwaya.”

Yelemiya 14:2

“Aba Yuda bakulila, utwaya utukulu tukutamiwa, abantu bakughalaghata pasi nukuchililila ichisu, sona ukulila kukwivwika mu Yelusalemu.

Yelemiya 15:2

Sona nanti bakukulalusya bakuti, ‘Nkimba tubukaye kwiyi?’ ubabuzye uti: U Mwene akuti, ‘Babo ubufwe bubabaghiye, bafwanje, babo upanga ababaghiye, bafwanje nupanga, babo izala yibabaghiye, bafwanje nizala, babo ubuzya bubabaghiye, babukaye kubuzya.’ ”

Yelemiya 18:11

“Po ilelo buka ubabuzye abantu aba muchisu icha Yuda na babo bakwikala mu Yelusalemu uti, ‘U Mwene akuti: Nkwinong'ona pakubabombela ichintu ichibibi, sona nkwiyannya nukubatika zizyo nkwiza pakubabombela. Po umuntu wesi anyokeko ku zila zyache imbibi naku mbombo zyache zizyo akuzibomba. Leka inkalo zyinyu imbibi ni mbombo zyinyu.’

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 19:3

Ubabuzye uti, ‘Mwee bamwene aba mu Yuda, na bosi babo bakwikala mu Yelusalemu, ivwa ku zizyo ane ne Mwene Uwamaka Ghosi, u Chala uwa Izilayeli nkunena: Nkwiza nintamyo impalapala nkani pabuzilo ubu umwakuti wesi yuyo akwivwa akwiza pakuswigha bulo.

Yelemiya 23:12

“Polelo izila zyabo zizyo bakwendamo zikwiza pakuba zya butyelele, bakwiza pakuchimbiziwa ku chisi, sona bakwiza pakuwila kulakula. Nkwiza pakubizila nintamyo, sona akabalilo aka lufundo kakwiza. Ane ne Mwene nanena.

Yelemiya 25:35

Abadimi batakwiza pakuba nukwakuchimbilila, abalongozi batakwiza pakuba nukwakuponelako.

Yelemiya 35:17

“Polelo, u Mwene u Chala Uwamaka Ghosi, u Chala uwa Izilayeli akuti, ‘Teghelezya! Nkwiza pakubanangannya aba Yuda na bantu bosi babo bakwikala mu Yelusalemu, pachifukwa ichakuti batakanyivwila bo nkunena nabo, batakanyamula bo nkubitizya.’ ”

Yelemiya 36:31

Nkwiza pakumufunda poka nabaluko lwache sona na makambala ghache pachifukwa icha bubibi bwabo. Nkwiza pakubizila nintamyo abantu babo bakwikala mu Yelusalemu na mu Yuda pachifukwa ichakusita kwivwila.’ ”

Yelemiya 6:19

Wee chisu ichapasi, teghelezya, nkwiza nintamyo pabantu aba, nkwiza ni vikomwa ivya mbombo zyabo, pachifukwa ichakusita kwivwila amazyu ghane, sona balukanite ululaghilo lwane.

Nkuto 2:22

“Ukabitizya abalwani bane kunkuto zyosi ngati mumo ukubitizizya abantu kulusekelo. Pisiku lilyo u Mwene akakalala, atakabapo nayumoyumo uwakupona pamo uwakusyala mumi. Bosi babo nkabapakatapo nukubalela, abalwani bakabaghogha.”

Ezekiyeli 14:3

“Wee mwana uwa muntu, abantu aba babika amoyo ghabo pavifwani nukubika ichipunulo ichibibi pantazi papabo. Nkimba bakwinong'ona ukuti nkwiza pakubamula?

Ezekiyeli 7:5

U Mwene Uwamaka Ghosi akuti, “Ukunanganika! Ukunanganika! Ennya ukunanganika kwafika.

Ezekiyeli 8:18

Polelo, ntakwiza pakubaleka bulo, ntakwiza pakubapelela ichisa pamo ukubaleka bumi. Napapo bakukolomoka mumakutu ghane, ntakwiza pakubateghelezya.”

Amosi 5:19

Likwiza pakuba ngati po umuntu akuchimbila inkalamu, nukukomana nu labwe. Likwiza pakuba ngati po umuntu injiye munyumba yache nukweghamizya inyobe zyache palubumba, nukulumiwa ni njoka.

Mika 3:4

Po bakwiza pakumulilila u Mwene, loli atakwiza pakubamula. Pakabalilo kalakala akwiza pakubapa inkonto, pachifukwa icha bubibi bubo babombite.

Zekaliya 7:13

“U Mwene Uwamaka Ghosi akuti, ‘Bo nkubitizya batakivwanga, bo bope bakunyitizya, intakabateghelezya.

1 Aba Tesalonika 5:3

Bo abantu bakunena ukuti, “Pali umutende, vyosi vili akiza bulo”, panapo ukumongoka kukwiza pakubawila lubilolubilo. Chikwiza pakubachenusya bulo ukuyana nu bubavu bubo umukolo akwivwa pakupapa, po bate bakalyeghe napo panandi.

Aba Hebeli 1:3

U Mwana ko kulama ukwa buchindamu ubwa Chala, sona ichifwani ichenecho icha Chala. Umwene achilemite ichisu chosi na mazyu ghache aghamaka. Bo efya imbibi izya bantu, akikala pachitengo ichamuchizi kunyobe indilo iya Chala Uwamaka Ghosi.