Yelemiya 10:8 - IBAYIBOLO 2024

⁸ Bosi bate namahala naghamoghamo sona bapunganu, bakumanyisiwa ni vifwani ivya makwi vivyo vite ni mbombo nayimoyimo.

Yelemiya 10:8 Iomraidhean Croise

Masalimo 115:8

Abantu babo bakuvipanga ivifwani vinivi bayanite navyo, sona na bosi babo bavisubiye.

Masalimo 135:18

Abantu babo bakuvipanga, bayanite bulo navyo, sona na wesi yuyo akuvisubila.

Yesaya 41:29

Ennya, bosi bamyasi! Imbombo zyabo zyabulo, ivifwani vyabo vili ngati mpepo iya bulo.”

Yesaya 44:18

Batachimenye nachimochimo, sona batakwivwisya nachimochimo, amaso ghabo ghighaliliwe, po batangennya, inyinong'ono zyabo zighaliliwe, umwakuti batangivwisya.

Yesaya 44:19

Atalipo nayumo yuyo alekite pakwinong'ona, nayumo umuntu yuyo ali nu bumanyi, pamo ukwivwisya nukunena ukuti, “Ichigaba chimo nkuchibombezya pakuba nkwi, po amazimwa ghache nkupiyila ichibama, nkocha inyama nukulya. Nkimba ichigaba ichakusyalako ningayanizizya ichintu ichamwiko? Nkimba ningachifughamila ichizinka?”

Yelemiya 10:14

Umuntu wesi mupunganu, sona ate na mahala naghamoghamo, umusyani wesi uwa golide akukoziwa isoni ni vifwani vyache vivyo apanga. Ivifwani vyache vyabumyasi, vite nubumi nabumobumo.

Yelemiya 2:27

Bakunena kwikwi bakuti, ‘Awe we tata wane,’ sona na kumabwe bakuti, ‘Wewe ukampapa.’ Bampiye inkonto, sona batakunyennya, loli mukabalilo kabo akantamyo, bakuti, ‘Zagha utupoke!’

Yelemiya 3:9

Pakuti u Yuda akachennya chintu chipepe pakubomba ubwamalaya, akachinyazya ichisu, akalowa pakughiputa amabwe sona na makwi.

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 5:4

Po nkati, “Banaba bo bantu abapina, bate na mahala naghamoghamo, pakuti batayimenye izila iya Mwene sona batachimenye chicho u Chala akuchilonda.

Hoseya 4:12

Bakubuzikizya ku chifwani icha ikwi, sona bakulaghula ni indisa yikubamula. Umuzimu uwa bwamalaya wabasovya, umwakuti batakusubiliwa kwa Chala.

Yona 2:8

Abantu babo bakwiputa ivifwani, balekite pakubika ulusubilo lwabo papako.

Habakuku 2:18

“Nkimba ichifwani chili na mbombo yoni pakuti umuntu yuyo akachibiza? Pamo ichifwani chicho chikumanyisya ubumyasi? Pakuti umuntu yuyo akuchibiza, akuchisubila chicho apangite ni nyobe zyache, sona akupanga ivifwani vivyo vitakunena.

Zekaliya 10:2

Ivifwani vikunena ubumyasi, bope abalaghuzi bakwennya ivisetuka ivyabumyasi, bakunena ivilota ivyabumyasi, ukusangalusya kwabo kwabulo. Polelo abantu bakwendakwenda bulo ngati ng'ozi izyakuyivyiwa zizyo zite nu mudimi.