Yelemiya 10:7 - IBAYIBOLO 2024

⁷ Wee Mwene uwa inko zyosi, nkimba wewenu yuyo atangakunyila? Pakuti zikubaghiye ukuti abantu bakunyilaye. Pakasi pa balongozi abamahala bosi aba inko sona mubumwene bwabo bosi, atalipo nayumoyumo yuyo ayanite nawe.

Yelemiya 10:7 Iomraidhean Croise

2 Abamwene 17:39

Loli mumwiputaye u Mwene, u Chala winyu, pakuti weyuyo akwiza pakubapoka munyobe izya balwani binyu bosi.”

1 Imbili 16:25

Pakuti u Mwene we mukulu, yuyo amapalo ghope ghamubaghiye nkani sona abantu bosi bamunyilaye ukubachila abachala abanji.

Esitele 1:13

Po u mwene akababuzikizya abantu abamahala, babo bakamanya namumo ivintu vikwendela ukuyana ni nyiho, pakuti lukaba lwiho ulwakuti u mwene anenezannyanje na bantu bosi, babo bakamanya nkani indaghilo ni nyiho,

Masalimo 147:5

U Mwene witu mukulu sona wamaka, amahala ghache ghate ni mpaka.

Masalimo 22:28

Pakuti u Mwene we mwene, sona akuzilaghila inko zyosi.

Masalimo 47:3

Akubapota abantu aba inko izinji pakuba pasi papitu, sona akulubika uluko ulunji kusi kunyayo zyitu.

Masalimo 72:11

Abamwene bosi bakwiza pakumufughamilila, sona bope abantu aba inko zyosi bakwiza pakumubombela.

Masalimo 76:7

Awe wemwene we wakoghofya. Nkimba wewenu angimilila pamaso papako, nanti ukalaye?

Masalimo 86:8

Wee Mwene pakasi paba chala atalipo nayumoyumo yuyo ayanite nawe. Zitalipo nazimozimo imbombo zizyo ziyanite ni zyako.

Masalimo 86:9

Wee Mwene inko zyosi zizyo wazipela, zikwiza pakukwiputa pamaso papako, po zikwiza pakulichindika itabwa lyako.

Masalimo 89:6

Nkimba wewenu mumwanya angayana nu Mwene? Nkimba wantumi wenu uwakumwanya yuyo ayanite nu Mwene?

Ukufuma 8:10

U Falabo akamula akati, “Indabi.” U Mozesi akati, “Nkwiza pakubomba vivyo walaba. Polelo awe ukwiza pakumanya ukuti atalipo u Chala uyunji uwakuyana nu Mwene, u Chala witu.

Ukufuma 9:14

Pakabalilo kanaka nkwiza pakukufunda awe, na makambala ghako, sona na bantu bako bulo, umwakuti umanye ukuti atalipo uyunji muchisu chosi ichapasi uwakuyana nane.

Yesaya 2:4

Akwiza pakulonga pakasi pa inko inyinji, pakasi pa bantu abinji,. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Yelemiya 10:6

Wee Mwene, atalipo nayumoyumo uwakuyana nawe, awe we mukulu nkani, sona itabwa lyako lyamaka nkani.

Yelemiya 5:22

Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.

Daniyeli 2:27

U Daniyeli akamula akati, “Atalipo nayumoyumo umuntu uwamahala nu wakunena ni mizimu nu wamayele nu mulaghuzi, yuyo angakulingannya izyakubusyefu zizyo ukulonda pakumanya.

Daniyeli 2:28

Loli aliko u Chala kumwanya, yuyo akuvumbula izyakubusyefu. Amulanjizya u mwene u Nebukadineza zizyo zikwiza pakubombiwa muntazi. Ichilota ni chisetuka vivyo ukavyennya bo ulambalaye pachitala chako vyo ivi:

Habakuku 3:2

Wee Mwene, nivuye nizya imbili yako, sona imbombo zyako zikumpelela ubogha. Po uzipelaye pakuba mpya mumasiku ghitu, sona zimanyikwanje pakabalilo kitu. Napapo ukalaye, loli utupelelaye ichisa.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Luka 12:5

Leka imbalanjizye yuyo mubaghiye pakumunyila. Mumunyilaye u Chala, yuyo nanti amufyula umuntu ubumi, ali nu bulaghili ubwakumusumbila mu Gehena. Naloli weyuyo mubaghiye pakumunyila!

1 Aba Kolinti 8:6

loli aswe u Chala alipo weka mpela, we Tata, yuyo mupeli uwa vintu vyosi, sona weyuyo naswe twenizyeko amaso. Alipo u Mwene weka mpela, u Yesu Kilisitu, yuyo ukwendela mumwache ivintu vyosi vikapeliwa, sona ukwendela mumwache aswe tuli nubumi.

Yoshwa 4:24

Akabomba bunubu umwakuti abantu bosi aba muchisu ichapasi baghamanye amaka amakulu agha Mwene, umwakuti mumunyilaye u Mwene u Chala winyu bwila na bwila.”

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”