Yelemiya 10:6 - IBAYIBOLO 2024

⁶ Wee Mwene, atalipo nayumoyumo uwakuyana nawe, awe we mukulu nkani, sona itabwa lyako lyamaka nkani.

Yelemiya 10:6 Iomraidhean Croise

2 Samuweli 7:22

“Wee Mwene Uwamaka Ghosi, we mukulu nkani. Ukuyana namumo twivwila na makutu ghitu, atalipo nayumoyumo yuyo ayanite nawe, sona atalipo u Chala uyunji, loli awe we mwene mpela.

1 Imbili 16:25

Pakuti u Mwene we mukulu, yuyo amapalo ghope ghamubaghiye nkani sona abantu bosi bamunyilaye ukubachila abachala abanji.

Nehemiya 4:14

Loli bo nabwennya ubogha bwabo, nkimilila nukubabuzya abalongozi na makambala sona na bantu bosi nkati, “Mukatabanyilaye abantu banaba. Loli mumukumbukaye u Mwene, yuyo mukulu nu wakoghofya. Mubalwile ubwite abakamu binyu na bana binyu abalumendo na balindu na bachi binyu sona nutwaya twinyu.”

Nehemiya 9:32

“Polelo wee Chala witu, we wamaka nkani sona nu wakoghofya, wewe ukusunga ulufingo lwako ulwa lughano, utakitikizyanje ukuti amayimba ghitu ghanagha ghabonekaye mapepe kukwako. Amayimba ghatuwila aswe na bamwene bitu na balongozi bitu na baputi bitu na balaghuzi bitu na banyenya bitu sona na bantu bako bosi ukwandila pakabalilo aka bamwene aba mu Asiliya mupaka nilelo bulo.

Masalimo 145:3

U Mwene we mukulu, sona amapalo ghamubaghiye, Atalipo umuntu nayumoyumo yuyo angabwivwisya ubukulu bwache.

Masalimo 147:5

U Mwene witu mukulu sona wamaka, amahala ghache ghate ni mpaka.

Masalimo 35:10

Nu moyo wane ghosi nkwiza pakunena ukuti, “Wee Mwene, nkimba wewenu ayanite nawe? Ukubapoka abapina munyobe izya bantu abamaka ukubachila, sona ukubapoka abapina na bapotwe munyobe izya bantu babo bakubafyula ivintu vyabo.”

Masalimo 48:1

U Mwene mukulu nkani, yuyo amapalo ghamubaghiye. Tumupalaye mukaya kache akakulu nkani bo ali pighamba lyache izelu.

Masalimo 96:4

Pakuti u Mwene we mukulu, yuyo amapalo ghope ghamubaghiye nkani, sona abantu bosi bamunyilaye ukubachila abachala abanji.

Ukufuma 15:11

“Wee Mwene, nkimba alipo u chala uyunji, yuyo ayanite nawe? Nkimba wewenu ayanite nawe, we muchindikiwa sona we muzelu? Nkimba wewenu angayana nawe, pakupela ivyika ni viswigho?

Ukufuma 8:10

U Falabo akamula akati, “Indabi.” U Mozesi akati, “Nkwiza pakubomba vivyo walaba. Polelo awe ukwiza pakumanya ukuti atalipo u Chala uyunji uwakuyana nu Mwene, u Chala witu.

Ukufuma 9:14

Pakabalilo kanaka nkwiza pakukufunda awe, na makambala ghako, sona na bantu bako bulo, umwakuti umanye ukuti atalipo uyunji muchisu chosi ichapasi uwakuyana nane.

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Yesaya 40:18

Nkimba u Chala tungamufwanikizya nu wenu? Nkimba chifwani choni chicho tungamufwanikizya nacho?

Yesaya 40:25

“Nkimba mungamfwanikizya nu wenu? Pamo wenu yuyo ayanite nane?” Umuzelu anena.

Yesaya 46:5

Nkimba mungamfwanikizya nuwenu, pamo ukunkolannya? Nkimba alipo yumo yuyo nkolanite nawe, uwakuti ningayana nawe?

Yesaya 46:9

Kumbuka ivintu ivyakale, ivyakwanda. Ane ne Chala, ataliko uyunji, yuyo akolanite nane.

Yelemiya 10:16

U Chala uwa Yakobo atayanite nabo, pakuti we mupeli uwa vintu vyosi, Aba Izilayeli bantu bache babo akabasala, itabwa lyache we Mwene Uwamaka Ghosi.

Yelemiya 32:18

Ubalanjizye ulughano abantu amasabuzani loli ubafunde abantu pachifukwa icha mbibi izya bapapi babo. Wee Chala umukulu sona uwamaka ghosi, itabwa lyako we Mwene Uwamaka Ghosi,

Daniyeli 4:3

Mwee, naloli ivimanyilo vyache vikulu nkani, sona iviswigho vyache vyamaka nkani! Ubumwene bwache bwa bwila na bwila, bope ubulaghili bwache bukubangako inkulilo ni nkulilo.

Daniyeli 4:34

Bo pachilapo akabalilo kala, ane ne Nebukadineza, nkennya kumwanya po ubuntu bwane bukanyokelamo. Nkamupala u Chala uwakumwanya nkani, sona nkamukwezya nukumuchindika u Chala yuyo aliko bwila na bwila ukuti: Ubulaghili bwache bwa bwila na bwila, sona ubumwene bwache bukubangako inkulilo zyosi.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

1 Aba Kolinti 8:6

loli aswe u Chala alipo weka mpela, we Tata, yuyo mupeli uwa vintu vyosi, sona weyuyo naswe twenizyeko amaso. Alipo u Mwene weka mpela, u Yesu Kilisitu, yuyo ukwendela mumwache ivintu vyosi vikapeliwa, sona ukwendela mumwache aswe tuli nubumi.

Ukukumbusya Amalamulo 32:31

Abalwani babo bazimenye ukuti ilyalabwe lyabo litayanite ni Lyalabwe lyitu.

Ukukumbusya Amalamulo 33:26

“Atalipo nayumo u chala uyunji uwakuyana nu Chala uwa Izilayeli, yuyo akwenda mubuchindamu mumwanya, sona yuyo akukwela pamabingu nukwiza pakukwavwa.