Yelemiya 10:5 - IBAYIBOLO 2024

⁵ Ivifwani vyabo viyanite bulo ni vyakoghofekezya ivinyamana mumughunda uwa ving'wela amizi, ivifwani vyabo vitanganena, vikunyamuliwa bulo pakuti vitangenda. Mutakavinyilaye, pakuti vitangabavulazya. Vite namaka naghamoghamo aghakubombela inyiza.”

Yelemiya 10:5 Iomraidhean Croise

1 Abamwene 18:26

Po bakasenda inkambaku yiyo bakayisala nukuyibola. Bakamwitizya u Baala ukwandila pandabindabi mupaka pamusanya ukuti abakozezye umoto. Bakatinji, “Wee Baala, twamule.” Loli atakabapo nayumoyumo uwakubamula, kukaba bulo myee. Bakimbagha umwakuzyungulila ichighemo chicho bakazenga.

2 Imbili 25:15

U Mwene akamukalalila u Amaziya, po akamutumila umulaghuzi pakumulalusya ukuti, “Nkimba choni chicho ukababuzikizya abachala aba abantu banaba, babo bakapotwa pakubapoka abantu babo munyobe zyako?”

Yesaya 16:12

Bo u Mowabu akwilanjizya pabuzilo bwache ubwapamwanya, akwilitizya bulo mwene, nanti akubuka kunyumba zyache izya kwiputilako abachala bache, vitakubendelagha akiza.

Yesaya 45:20

Mubungane poka nukwiza, amwe inko izya bantu. Mupalamile papipi, mwe mukapona ku bantu aba inko izinji. Abapunganu bo babo bakunyamula ivifwani ivya kubiza, babo bakwiputa kuvifwani vivyo vitangabapoka.

Yesaya 46:1

U Belo akafughamila pasi, u Nebo akawisya icheni pasi, vikwiza pakuba we katundu uwa pampunda. Ivifwani vivyo vinyamuliwe ving'wamite, we katundu pavinyamana vivyo vilitite.

Yesaya 46:7

Bakuchinyamula muvipunko vyabo, nukuchibika pabuzilo bwache, po chikwimilila palapala. Chitangenda pabuzilo bwache bula. Napapo yumo angachiputa chitakwamula, chitangamupoka muntamyo zyabo.

Yelemiya 10:14

Umuntu wesi mupunganu, sona ate na mahala naghamoghamo, umusyani wesi uwa golide akukoziwa isoni ni vifwani vyache vivyo apanga. Ivifwani vyache vyabumyasi, vite nubumi nabumobumo.

Habakuku 2:19

Aghuniwanje umuntu yuyo akuchibuzya ichifwani ichakubiza akuti, nyamuka! Pamo akulibuzya ibwe lilyo lite nubumi akuti, ‘Lamusya!’ Nkimba chingalongozya? Chipakiwe nu golide nu siliva loli chite nu muyi.”

1 Aba Kolinti 12:2

Muzimenye ukuti, bo muchili mwe bantu abakuzi, bakabasobezya ukuti mwiputaye ivifwani vivyo vitakunena.

1 Aba Kolinti 8:4

Polelo nizya vyakulya vivyo vyabikiwa ku vifwani ukuti chibanje chakwiyipa, tuzimenye ukuti ichifwani kate kantu napo panandi, sona tuzimenye ukuti atalipo u Chala uyunji, loli weka mpela.

Ukukumbusya Amalamulo 4:28

Kulakula mukwiza pakubiputa abachala aba makwi, naba mabwe abakupangiwa ni nyobe izya bantu, babo batangennya, pamo ukwivwa, pamo ukunusya.