Yelemiya 10:3 - IBAYIBOLO 2024

³ Mutakazikonkaye inyiho izya bulo izya bantu aba inko izinji, bakudumula ikwi mumusitu, sona ufundi akulibiza ni mbiso.

Yelemiya 10:3 Iomraidhean Croise

Masalimo 115:4

Loli ivifwani vyabo vya siliva nu golide, vivyo vipangiwe ni nyobe izya muntu.

Yesaya 45:20

Mubungane poka nukwiza, amwe inko izya bantu. Mupalamile papipi, mwe mukapona ku bantu aba inko izinji. Abapunganu bo babo bakunyamula ivifwani ivya kubiza, babo bakwiputa kuvifwani vivyo vitangabapoka.

Yelemiya 1:16

Nkwiza pakubapa inongwa iyakubasusya abantu bane pachifukwa icha mbibi zyabo nukundeka. Bakafukizya utwakununkila ku bachala abanji, nukwiputa ku vifwani vivyo bakapanga ni nyobe zyabo.

Yelemiya 10:8

Bosi bate namahala naghamoghamo sona bapunganu, bakumanyisiwa ni vifwani ivya makwi vivyo vite ni mbombo nayimoyimo.

Yelemiya 14:22

Nkimba alimo yumo u chala umumyasi, pakasi pa inko izinji yuyo angapela ivula? Nkimba mumwanya mungapela ivula? Wee Mwene u Chala witu, awe wewe wemwene. Pakuti tukusubiye wenewe mpela pakuti wewe ukuzibomba zyosi zinizi.”

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yelemiya 2:5

U Mwene akukulalusya akuti, “Nkimba bubibi boni bubo abanyenya binyu bakabwagha mumwane, ukuti banchimbile? Bakavyiputa ivifwani ivya mwalwemwalwe nukwipela pakuba bamwalwemwalwe.

Aba Levi 18:30

Po mukonkaye indaghilo zyane, sona mutakabombaye ivintu ivyamwiko vivyo abantu bala bakabombagha, bo amwe muchili nukufikamo. Mutakinyazyanje mwebene ni vintu vinivi. Ane ne Mwene u Chala winyu.

Matayi 6:7

“Bo mukwiputa, mutakapyanizyanje amazyu ghokaghoka ukuyana namumo bakubombela abantu abakuzi, babo bakwinong'ona ukuti u Chala akwiza pakwivwa inyiputo zyabo intali.

Imbombo 19:26

Ilelo mukwennya nukwiyivwila mwebene zizyo uwamwitu u Pabuli ali pakubomba. Akunena ukuti abachala abakupangiwa ni nyobe izya bantu bate bo bachala napo panandi, sona akubadeba nukubapetula abantu abinji muno mu Efeso, sona na muchigaba bulo chosi icha Asiya.

Aba Loma 1:21

Napapo bakamumanya u Chala, loli batakamuchindika, pamo ukumupalizya. Loli inyinong'ono zyabo zikaba zyamwalwe, sona amoyo ghabo ghakizula ni chisi.

1 Pitala 1:18

Pakuti muzimenye ukuti mukasatuliwa kunkalo zyinyu imbibi zizyo mukapyana ku banyenya binyu. Amwe mutakasatuliwa ni vintu vimo vivyo vikunanganika ngati we siliva pamo ugolide.