Yelemiya 10:25 - IBAYIBOLO 2024

²⁵ Pungulila ubukali bwako pa inko zizyo zitakumenye, pabantu babo batakukwiputa. Pakuti bamulya u Yakobo, bamulya nukumumalizya, sona bakanangannya akaya kache nukukapela pakuba nkolongo.

Yelemiya 10:25 Iomraidhean Croise

Yobu 18:21

Naloli momumo zibeleye, inyumba izya bantu ababibi, momumo bubeleye ubuzilo ubwa yuyo atamumenye u Chala.”

Masalimo 14:4

Fwandi ababomba imbibi bate na mahala? Bo babo bakubalya abantu bane ngati po bakulya chibama, sona bo babo batakumwiputa u Mwene.

Masalimo 147:20

Atababombeyepo zinizi abantu aba uluko ulunji, sona batazimenye indaghilo zyache. U Mwene apaliwanje.

Masalimo 27:2

Nanti ababomba mbibi bakwiza pakughunangannya umubili wane, nanti abalwani bakundema, bakwiza pakwipunula nukuwa.

Masalimo 69:24

Ubapungulilaye ubukali bwako, sona ubukali bwako ubwakwaka bubalungulizyanje.

Yesaya 43:22

“Wee Yakobo, mutanyiputitepo, wee Izilayeli, walita nane.

Yesaya 64:7

Patalipo nayumo yuyo akwiputila mwitabwa lyako, pamo ukwiyula ukuti akakatiye kukwako, pakuti watufisa icheni chako, sona watupela pakuba, bazya abambibi zyitu.

Yesaya 9:12

U Siliya kubufumilo bwizuba, nu Filisiti kubwinjililo bwizuba bamumila u Izilayeli na malomo ghabo, pa zyosi zinizi ubukali bwache butakutozoka, inyobe yache yigholokite bulo

Yelemiya 11:1

U Mwene akamubuzya u Yelemiya akati,

Yelemiya 30:16

“Loli nkwiza pakubanangannya bosi babo bakubanangannya, abalwani binyu bosi bakwiza pakusendiwa pakuba bazya. Bosi babo bakubafyula ivintu vyinyu, bope ivintu vyabo vikwiza pakufyuliwa. Bosi babo bakubayivya bakwiza pakuyinviwa

Yelemiya 50:17

U Mwene akuti, “Aba Izilayeli bali ngati zyo ng'ozi zizyo zinyampanite bulo, zizyo inkalamu zyazichimbizya. U mwene uwa ku Asiliya weyuyo akaba wakwanda pakubaghogha. Nebukadineza u mwene uwa ku Babiloni weyuyo akaba wabumalilo pakughamemena amafupa ghabo.

Yelemiya 50:7

Umuntu wesi yuyo akabagha akabalya, abalwani babo bakati, ‘Aswe tute ninongwa nayimoyimo, pakuti bakamunangila u Mwene, yuyo pakudimapo apanaloli, yuyo lusubilo ulwa banyenya babo.’

Yelemiya 8:16

Abalwani bitu binjiye kale mukaya akakulu nkani aka Dani, Bo ifalasi zyabo zikulila, ichisu chosi chikutetema. Abalwani bizite pakunangannya ichisu chitu, poka na vyosi vivyo vili mumo, akaya akakulu nkani sona na bantu babo bakwikala mulamula.”

Nkuto 2:22

“Ukabitizya abalwani bane kunkuto zyosi ngati mumo ukubitizizya abantu kulusekelo. Pisiku lilyo u Mwene akakalala, atakabapo nayumoyumo uwakupona pamo uwakusyala mumi. Bosi babo nkabapakatapo nukubalela, abalwani bakabaghogha.”

Zefaniya 1:6

Nkwiza pakubanangannya abantu babo bakukana pakumukonka u Mwene sona babo batakumulondelezya pamo pakumubuzikizya u Mwene.”

Zefaniya 3:8

Mundindilile pisiku lilyo nkwiza pakubikila ubwakaboni pakuti nadumula pakuzibungannya inko, nukububungannya ubumwene. Pakubapungulila ubukali bwane ubwakoghofya. Ichisu chosi ichapasi chikwiza pakulungulila numoto uwa buzuba bwane.” U Mwene anena.

Zekaliya 1:15

loli inzikalaliye nkani inko zizyo zili pamutende. Nazikalaliye panandi bulo, loli ilelo babafunda nkani abantu bane.’

Yohani 17:25

Wee Tata umugholosu, abantu aba muchisu ichapasi batakumenye awe, loli ane nkumenye, sona aba bazimenye ukuti awe wewe ukantuma.

Imbombo 17:23

Pakuti bo nkwendakwenda mukaya kinyu akakulu nkani aka nukwennya mubuzilo bwinyu ubwakwiputilamo, nkachagha ichighemo chicho pakasimbiwapo ukuti, ‘Kwa Chala umusita kumanyikwa.’ Po yuyo mukumwiputa ukusita ukumumanya, weyuyo ilelo nkulumbilila kukwinyu.

1 Aba Kolinti 15:34

Nyokelamo munyinong'ono zyinyu, sona muleke pakubomba imbibi, pachifukwa ichakuti balimo bamo mumwinyu babo batamumenye u Chala. Nkunena zinizi ukuti zibakozye isoni.

1 Aba Tesalonika 4:5

Mutakabanje ni vinyonywa ivinyazu ukuyana namumo bakubombela abantu abakuzi, babo batamumenye u Chala.

2 Aba Tesalonika 1:8

Akwiza pakubafunda abantu babo bakumukana u Chala, sona na babo batakwivwila Amazyu Amiza aghakunena nizya Mwene witu u Yesu.

Ubuvumbuli 16:1

Po nkivwa izyu ilyamaka mu Nyumba iya Chala likunena na bantumi seveni bala likuti, “Kakupulile pachisu ichapasi ubukali ubwa Chala, bubo buli mumbako seveni zila.”