Yelemiya 10:18 - IBAYIBOLO 2024

¹⁸ U Mwene akuti, “Nkwiza pakubataghila abantu aba kubutali ni chisu, nkwiza pakubizila nintamyo umwakuti bivwisye.”

Yelemiya 10:18 Iomraidhean Croise

Yesaya 22:17

Awe we muntu uwamaka, u Mwene akwiza pakukusumba akabibi nkani.

Yelemiya 16:13

Po nkwiza pakubasumbila kuzi kuchisu ichi, muchisu chicho amwe poka na banyenya binyu mutachimenye, mulamula momumo mukwiza pakubabombela abachala abanji pamusanya na pabusiku pakuti ntakwiza pakuba namwe ni chisa nachimochimo.’ ”

Yelemiya 22:26

Nkwiza pakukusumbila kuchisu ichinji, awe poka nu nyoko yuyo akakupapa, kuko mwebosi mutakapapiliwa, po mukwiza pakufwila kulakula.

Yelemiya 23:20

Ubukali ubwa Mwene butakwiza pakunyokako awe mupaka bwize bubombe nukuzimalizya zizyo u Mwene inong'onite pakuzibomba. Po pisinda pache mukwiza pakuzimanya akiza.”

Ezekiyeli 6:10

Po bakwiza pakumanya ukuti ane ne Mwene. Intakaboghofya pabulo ukuti imbawisizye intamyo zinizi.

Zefaniya 1:17

“Nkwiza pakubawisizya abantu intamyo sona bakwiza pakwenda ngati bafwamaso, pachifukwa ichakuti bamunangila u Mwene. Ibanda lyabo likwiza pakukupuka ngati lufumbi sona imivimba yabo yikwiza pakuba ngati vintu ivinyazu.”

Zekaliya 1:6

Loli abantu batakaghivwila amazyu ghane ni ndaghilo zyane, zizyo nkabapa ababombi bane abalaghuzi.’ “Po bakapinduka nukuti, ‘U Mwene Uwamaka Ghosi atubombela ukuyana ni zila zyitu sona ni mbombo zyitu.’ ”

Ukukumbusya Amalamulo 28:52

Bakwiza pakutuzyungulila utwaya twinyu tosi utukulu nkani muchisu chinyu mupaka amalinga amatalitali ghinyu ghagho mukughasubila ghamongoke ghosi. Bakwiza pakutuzyungulila utwaya twinyu tosi utukulu nkani muchisu chicho u Mwene u Chala winyu akubapa.

1 Samuweli 25:29

Nanti abantu bakusambukiye nukukulondelezya ukuti bakughoghe, u Mwene u Chala wako akwiza pakukupoka. Loli akwiza pakubusumba ubumi ubwa balwani bako ngati libwe mu fyata.