Yelemiya 10:10 - IBAYIBOLO 2024

¹⁰ Loli u Mwene we Chala uwanaloli, we Chala umumi, u Mwene uwa bwila na bwila. Bo akalala, ichisu ichapasi chikutetema, inko zitangajimba nu bukali bwache.

Yelemiya 10:10 Iomraidhean Croise

Ubwandilo 21:33

Po mu Belisheba mulamula u Abulahamu akabyalamo ikwi ilya mupandapanda nukumwiputa u Mwene, u Chala uwa bwila na bwila.

1 Abamwene 18:39

Bo abantu bosi bennya zinizi bakafughama, bo ivyeni vyabo vikotamiye pasi nukulila ukuti, “U Mwene we Chala! U Mwene we Chala!”

1 Abamwene 8:60

umwakuti abantu bosi aba pachisu ichapasi bamanye ukuti u Mwene we Chala, sona nukuti ataliko uyunji.

1 Imbili 29:11

Awe we Mwene we mukulu nkani, sona we wamaka nu wabuchindamu sona we mupoti. Pakuti ivintu vyosi ivya kumwanya ni vya pachisu ichapasi vyosi vyako. Wee Mwene, wemwenecho uwa vintu vyosi ivya pachisu ichapasi.

2 Imbili 15:3

Aba Izilayeli bikala akabalilo akatali nkani pakusita ukuba nu Chala uwanaloli nu muputi uwakubamanyisya sona na basita ndaghilo.

Yobu 9:6

Akuchineng'ennya ichisu ichapasi na kasenyenta, po impanda zyache zikuneng'ena.

Masalimo 10:16

U Mwene weyuyo akulaghila bwila na bwila, Inko zikwiza pakuzimila muchisu chache.

Masalimo 100:3

Muzimanye ukuti u Mwene we Chala, weyuyo akatupela, po twe bantu bache. Twe bantu bache, ing'ozi izya mudimo wache.

Masalimo 100:5

Pakuti u Mwene mwiza, sona ulughano lwache lwa bwila na bwila. Akubanga musubiliwa mupaka inkulilo zyosi.

Masalimo 104:32

Nanti ennya pachisu ichapasi, ichisu chila chikutetema. Nanti aghapalamasya bulo amaghamba, amaghamba ghala ghakusukagha ilyosi.

Masalimo 114:7

Wee chisu ichapasi, tetemagha pamaso pa Mwene, yuyo we Chala uwa Yakobo.

Masalimo 145:13

Ubumwene bwako bo bumwene ubwa bwila na bwila, sona ubulaghili bwako bukubangako inkulilo zyosi. U Mwene akukwanilisya vyosi vivyo akulayizya sona avighanite nkani vyosi vivyo akavipela.

Masalimo 146:6

umupeli uwakumwanya ni chisu ichapasi, poka ni nyanja na vyosi vivyo vili mulamula u Mwene musubiliwa bwila na bwila.

Masalimo 18:7

Ichisu ichapasi chikatetemagha nukukayingana, sona ulwalo ulwamaghamba lukayinganagha, pachifukwa ichakuti akakalala.

Masalimo 29:10

U Mwene ikaye pachitengo chache icha bumwene pamizi aghakwizula, sona ikaye pachitengo chache icha bumwene bwila na bwila.

Masalimo 31:5

Wee Mwene Chala wanaloli, nkughubika umuzimu wane munyobe zyako, umpoke.

Masalimo 42:2

Umoyo wane ghuli ni nyota nu Chala, u Chala umumi. Po nkimba nkwiza pakubuka liyi pakumwiputa u Chala?

Masalimo 68:11

U Chala akunena amazyu, po ichilundilo icha babo bakalumbilila zinizi chikaba chikulu nkani.

Masalimo 68:8

Po ichisu ichapasi chikayingana, sona kumwanya kukatimizya ivula, pamaso pa Chala, yuyo we Chala uwa lighamba ilya Sinayi, sona pamaso pa Chala uwa ba Izilayeli.

Masalimo 74:12

Loli awe Chala we mwene wane ukwanda kale, wewe ukwiza nu bupoki pachisu.

Masalimo 76:7

Awe wemwene we wakoghofya. Nkimba wewenu angimilila pamaso papako, nanti ukalaye?

Masalimo 76:8

Ukafumusya ubulongi bwako Ukufuma kumwanya, Sona ichisu ichapasi chikanyilagha, nukuba bulo myee,

Masalimo 77:18

Ukupaya kwako kukivwika mukankungu, kope akamesya kakanyampana pachisu ichapasi, po ichisu ichapasi chikatetema nukuyingana.

Masalimo 84:2

Umuzimu wane ghukulusamba sona ghukululonda nkani ulubinjilo ulwa Mwene. Umoyo nu mubili wane vikumwimbila nu lusekelo u Chala uwa bumi.

Masalimo 9:8

Akwiza pakuchilonga ichisu ichapasi mubugholosu, sona akwiza pakubalaghila abantu mubwanaloli.

Masalimo 90:11

Nkimba wewenu yuyo abumenye ubukalale ubwa maka ghako? Nkimba wewenu akumenye ukunyila ukwa bukali bwako?

Masalimo 90:2

Bo amaghamba ghatapapiwe, pamo bo utachipelite ichisu ichapasi, awe we Chala bwila na bwila.

Masalimo 93:2

Ichitengo chako icha bumwene chikalanite ukufuma kale bulo, ukwandila po pakwanda, awe we bwila na bwila.

Masalimo 97:4

Akamesya kache kakuchilamizya ichisu ichapasi, sona ichisu ichapasi chikukennya nukutetema.

Yesaya 37:17

Wee Mwene tegha ikutu lyako, wivwe, wee Mwene ighula amaso ghako, po wennye sona teghelezya amazyu ghosi agha Senakelibu ghagho atuma pakukusamula awe we Chala umumi.

Yesaya 37:4

Lumo zingaba ukuti u Mwene u Chala winyu akwiza pakwivwa amazyu agha songo uwa basilikali yuyo mulongozi wache, u mwene wamu Asiliya, abatuma pakumusamula u Chala umumi, sona akwiza pakumuchemela pachifukwa icha mazyu ghagho u Mwene u Chala winyu ivuye. Polelo mubiputilaye abakusyalako babo bachili bumi.”

Yesaya 40:15

Naloli inko zili ngati akatonyelwa akamizi musonta, sona ghakupimiwa ngati lufumbi pachipimilo, akupima utusungo ngati lufumbi ulutinye.

Yesaya 40:28

Nkimba mutazimenye? Nkimba mutivuye? U Mwene we Chala uwa bwila na bwila, umupeli uwa bumalilo ubwa chisu. Atakulita pamo ukudedebala, atalipo nayumo yuyo angaghamanya amahala ghache.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 65:16

Wesi yuyo akulaba ulusayo muchisu, akwiza pakulwaghila mwa Chala uwa bwanaloli, wesi yuyo akulapa ichilapo muchisu, akwiza pakulapila mwa Chala uwa bwanaloli. Pakuti intamyo izyakale zikwiza pakuluviwa, nukufisiwa pamaso papane.

Yelemiya 23:36

Loli mutakayitambulaye intamyo iya Mwene, pachifukwa ichakuti izyu ilya muntu wesi likuba ntamyo, po mukughannyongannya amazyu agha Chala umumi, u Mwene Uwamaka Ghosi, u Chala witu.

Yelemiya 4:2

nanti mukulapa nu bwanaloli na mubugholosu, naloli nu Mwene umumi inko zikwiza pakusayiwa na yuyo, sona mumwache mukwiza pakuba ubuchindamu.”

Yelemiya 4:24

Nkennya kumaghamba, nkagha ukuti ghakaneng'enagha, sona utughamba tosi tukatetemagha.

Yelemiya 50:46

Ichisu ichapasi chikwiza pakutetema, pachifukwa ichakuti u Babiloni afyuliwa. Ukulila kwache kukwiza pakwivwika pakasi pa inko.

Yelemiya 51:29

Ichisu chikutetema nukunyongoloka, pachifukwa icha bubavu, pakuti chicho u Mwene akamubatikila u Babiloni chikwiza pakubombiwa, pakuchipela ichisu icha Babiloni pakuba chisami, umwakuti atakwiza pakubamo nayumoyumo uwakwikalamo.

Daniyeli 4:3

Mwee, naloli ivimanyilo vyache vikulu nkani, sona iviswigho vyache vyamaka nkani! Ubumwene bwache bwa bwila na bwila, bope ubulaghili bwache bukubangako inkulilo ni nkulilo.

Daniyeli 4:34

Bo pachilapo akabalilo kala, ane ne Nebukadineza, nkennya kumwanya po ubuntu bwane bukanyokelamo. Nkamupala u Chala uwakumwanya nkani, sona nkamukwezya nukumuchindika u Chala yuyo aliko bwila na bwila ukuti: Ubulaghili bwache bwa bwila na bwila, sona ubumwene bwache bukubangako inkulilo zyosi.

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Daniyeli 6:27

Akumwimila umuntu sona akumupoka, akupela iviswigho ni vyika, kumwanya na pachisu ichapasi. Amupoka u Daniyeli kumaka agha nkalamu.”

Daniyeli 7:14

Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Mika 1:4

Amaghamba ghakusunguluka muntende mwa Mwene. Ghope amakombe ghakulepunkana, ngati mpula pamoto, sona ngati mizi aghakwika pighamba.

Nahumu 1:5

Amaghamba ghakuneng'ena pamaso papache, sona utumaghamba tukusunguluka. Ichisu chikutetema pamaso papache, ichisu chosi ichapasi sona na babo bakwikala mulamula.

Nahumu 1:6

Nkimba wewenu yuyo angimilila bo akalaye? Nkimba wewenu yuyo angajimba ubukali bwache ubwakoghofya? Ubukali bwache bukwaka ngati moto, sona ilyalabwe likulepunkana pamaso papache.

Habakuku 3:10

Amaghamba ghakakwennya nukutetema, nukusata ukufuma kumwanya, ubwibizu ubwanyanja bukazumagha ichongo, nukughakwezya amayigha ghache mumwanya.

Habakuku 3:6

Akimilila, nukuchineng'ennya ichisu ichapasi, akennya po inko izya bantu zikatetema. Amaghamba aghakale ghakalepunkana, sona utumaghamba utwakale tope tukamongonkana. Izila zyache zya bwila na bwila.

Malaki 3:2

Nkimba wewenu yuyo angajimba pisiku ilyakwiza kwache? Nkimba wewenu yuyo angima nanti aboneka? Pakuti akwiza pakuba ngati moto uwa mumuvuno ghugho ghukusunguluzya ichela, sona ngati muntu yuyo akuchapila isopo.

Matayi 16:16

U Simoni Pitala akamula akati, “Awe we Kilisitu, u Mwana uwa Chala umumi.”

Matayi 26:63

Loli u Yesu akaba myee. Umuputi usongo akamubuzya sona akati, “Nkukulamula mwitabwa ilya Chala umumi ukuti ulape nanti we Kilisitu, u Mwana uwa Chala.”

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

Imbombo 14:15

“Mwebaya mwee, choni chicho mukubomba zinizi? Aswe twe bantu bulo ngati mwemwe! Tuli pano pakulumbilila kukwinyu Amazyu Amiza, ukuti muvileke ivintu ivibibi nukumukonka u Chala umumi, yuyo akapela kumwanya, ni chisu ichapasi, ni nyanja, sona na vyosi vivyo vili mulamula.

Ukukumbusya Amalamulo 32:4

U Mwene we Lyalabwe, sona imbombo zyache zyakufikapo, izila zyache zyosi ngolosu. U Chala we musubiliwa, yuyo atakubombapo nayimoyimo imbibi, sona we Chala umugholosu nu wanaloli.

Ukukumbusya Amalamulo 5:26

Nkimba alipo umuntu yuyo akendelela pakuba nubumi, bo amwivwa u Chala umumi akunena mumoto?

1 Aba Tesalonika 1:9

Pakuti abene bakunena nizya mumo mukatupokelela akiza, sona namumo mukavileghukila ivifwani nukumubombela u Chala umumi, sona nu wanaloli.

1 Timoti 1:17

Ubuchindamu nu muchizi vipeghiwanje kwa Chala bwila na bwila. We Mwene uwa bwila na bwila, umusita kufwa, sona nu musita kuboneka, yuyo mwene we Chala. Ameni.

1 Timoti 6:17

Ubabuzye babo bakabi muchisu ichapasi ukuti batakituvyanje, pamo ukubika ulusubilo lwabo mu bukabi ubwa muchisu ichapasi, bubo butakumanyikwa bwiza. Loli babike ulusubilo lwabo mwa Chala, yuyo akutupa ivintu vyosi umwakusita ukumamilizya ukuti twilaghaye navyo.

Aba Hebeli 10:31

Ukuwila munyobe izya Chala umumi, cho chintu chimo ichakoghofya nkani.

Yoshwa 3:10

Bunubu mukwiza pakuzyaghannya ukuti u Chala umumi ali pakasi papinyu sona nukuti naloli akwiza pakubachimbizya pamaso papinyu abalwani binyu aba Kenani naba Hiti naba Hivi naba Pelezi naba Giligashi naba Amoli sona naba Yebusi.

1 Yohani 5:20

Tuzimenye ukuti u Mwana uwa Chala iza, nukutupa amahala aghakivwisizye, umwakuti tumumanye yuyo wanaloli. Aswe tukwikala mukumamatilana poka nu Chala wanaloli, sona nu Mwana wache u Yesu Kilisitu. U Yesu Kilisitu we Chala wanaloli, we bumi ubwa bwila na bwila.

Ubuvumbuli 20:11

Po nkennya ichitengo icha bumwene ichikulu ichiswepu, sona na yuyo akikalapo. Ichisu ichapasi na kumwanya vikachimbila pantazi papache, sona vitakaboneka sona.

Abalongi 5:4

Wee Mwene, bo wepapo pighamba ilya Seyili, sona bo wiza muchisu icha Edomu, ichisu ichapasi chikaneng'ena, sona ivula yikatima. Eee, amabingu ghakasunguluka kumwanya nukupungulila amizi.

1 Samuweli 17:26

U Devedi akabalalusya abantu babo bakaba papipi nawe akati, “Nkimba akwiza pakumubombela ichoni umuntu yuyo angamughogha umu Filisiti yunuyu nukubefya isoni aba Izilayeli? Nkimba umu Filisiti umusita kusilimuliwa uyu wewenu, ukuti abasamule abasilikali aba Chala umumi?”

1 Samuweli 17:36

Ane ne wambombo wako naghoghapo inkalamu na balabwe, po umu Filisiti umusita kusilimuliwa uyu nkwiza pakumughogha ngati mumo nkavighoghelagha ivinyamana vila, pachifukwa ichakuti akubasamula abasilikali aba Chala umumi.