Yelemiya 1:9 - IBAYIBOLO 2024

⁹ Po u Mwene akagholosezya inyobe yache pa mulomo nukughupalamasya. Po akati, “Ivwa, nkubika amazyu ghane mumulomo wako.

Yelemiya 1:9 Iomraidhean Croise

Yesaya 49:2

Akaghupela umulomo wane pakuba ngati wepanga yuyo akwete kosikosi. Ninyobe iyache ni yache akanvighilila ane. Akampela ane pakuba ngati ne kalasilo kako bakayannya pakubombezya.

Yesaya 50:4

U Mwene Uwamaka Ghosi amanyisya izya kunena, umwakuti imbasangalusye babo balitite. Indabi yili yosi akunyamusya, akwighula amakutu ghane, ukuti nivwanje zizyo akulonda pakumanyisya.

Yesaya 51:16

Naghabika amazyu ghane mumulomo wako, nukukufisa nu muzyezye uwa nyobe yane. Ane nkabika ichisu icha kumwanya mubuzilo bwache, nkala ulwalo ulwa ichisu ichapasi, yuyo akumubuzya u Ziyoni ukuti, “Mwe bantu bane.”

Yesaya 59:21

U Mwene akuti, “Kukwane, ulu lo lufingo lwane lulo nkufingana nabo. Umuzimu wane, ghugho ghuli papako, sona na mazyu ghane ghagho nabika mumulomo wako ghatakwiza pakwepamo mumilomo yinyu, pamo mu mamolomo agha bana binyu, pamo mumalomo agha baluko lwinyu ukwanda pakabalilo aka mupaka bwila na bwila.”

Yelemiya 15:19

U Mwene akamula akati, “Nanti mwapinduka, nkwiza pakubapokela ukuti mumbombelaye. Nanti mukunena vivyo vibaghiye, amazyu agha mwalwemwalwe awe, po mukwiza pakuba mwe balaghuzi bane. Baleke abantu banaba banyokele kukwako, loli awe utakanyokelaye kukwabo.

Yelemiya 34:6

Po u Yelemiya umulaghuzi yula akamubuzya u Zedekiya u mwene uwa ba Yuda, mu Yelusalemu zyosi zinizi,

Yelemiya 36:2

“Senda ibuku nukusimbamo amazyu ghosi ghagho nakubuzya nizya Izilayeli nu Yuda sona ninko zyosi izinji ukwandila pakabalilo kako nkandila pakunena nawe mubulaghili ubwa Yosiya mupaka ilelo.

Yelemiya 5:14

Polelo izi zyo zizyo u Mwene u Chala Uwamaka Ghosi akunena, “Pachifukwa ichakuti abantu banena amazyu ghanagha, nkwiza pakughapela amazyu agha mumulomo wako pakuba moto ghugho ghukwiza pakubocha abantu banaba ngati nkwi.”

Ezekiyeli 3:10

Po akambuzya akati, “Wee mwana uwa muntu, teghelezya nkani amazyu ghosi nukughasunga mumoyo, ghagho nkukubuzya.

Daniyeli 10:10

Inyobe yikampalamasya nukunyamusya, bo ivimpevu ni nyobe vikutetema.

Daniyeli 10:16

Po yumo yuyo akabonekagha ngati muntu, Akapalamasya imilomo yane nukunyighula umulomo, po nkanda pakunena. Nkamubuzya yuyo akimilila pamaso papane ukuti, “Wee songo, ivintu vivyo navyennya muchisetuka vyambaba nkani mumoyo, sona inte na maka.

Ukubelengiwa 23:5

U Mwene akamubuzya u Balamu amazyu, nukumutuma ukuti, “Nyokela kwa Balaki umubuzye amazyu ghanagha.”

Matayi 10:19

Loli bo babasitaka, mutakapasyanje ukuti, ‘Nkimba tukwiza pakunena ichoni?’ Pamo ukuti, ‘Nkimba tukwiza pakwiyimila bulibuli.’ Bo akabalilo kala kakwana, mukwiza pakupeghiwa amazyu aghakunena.

Maliko 7:33

Po u Yesu akamwefyapo pachilundilo pala nukubuka nawe palubazu. Akinjizya utufingwi mumakutu agha umuntu yula. Akafwina amati nukupalamasya ululimi lwache.

Luka 12:12

Pakuti u Muzimu Umuzelu akwiza pakubamanyisya ichakunena pakabalilo kalakala.”

Luka 21:15

pakuti nkwiza pakubapa amazyu na mahala aghakuti nayumo uwa balwani binyu akwiza pakukana pamo ukususya zizyo mukunena.

Ukukumbusya Amalamulo 18:16

Pisiku lilyo mukabungana pighamba ilya Sinayi mukalaba ukuti, “Tutakulonda pakwivwa sona izyu ilya Mwene u Chala witu pamo ukwennya sona umoto umukulu ghunughu lumo tungafwa.”

Ukukumbusya Amalamulo 18:17

Po u Mwene akambuzya akati, “Zyosi zizyo abantu bakunena nyiza bulo.

Ukukumbusya Amalamulo 18:18

Nkwiza pakubatumila umulaghuzi uwakuyana nawe uwakufuma pakasi pabantu babo. Ane nkwiza pakumubuzya amazyu aghakuti anene, po akwiza pakubabuzya abantu zyosi zizyo nkumulamula.