Yelemiya 1:6 - IBAYIBOLO 2024

⁶ Ane nkati, “Wee, Mwene Uwamaka Ghosi, ane ne mwana munandi nukunena kope intamenye.”

Yelemiya 1:6 Iomraidhean Croise

Ukufuma 4:1

U Mozesi akamwamula u Mwene akati, “Buli nanti aba Izilayeli batakunsubila, pamo ukunteghelezya. Nkimba imbombe ichoni nanti bakuti, ‘U Mwene atakakubonekela’?”

Ukufuma 6:12

Loli u Mozesi akamwamula u Mwene akati, “Nanti aba Izilayeli abenecho batakunteghelezya, nkimba u Falabo anganteghelezya bulibuli? Pakuti ane ne muntu uwachilita.”

Ukufuma 6:30

Loli u Mozesi akamwamula u Mwene akati, “Wee Mwene, uzimenye akiza bulo ukuti ane ne wachilita. Po nkimba u Falabo anganteghelezya bulibuli?”

Yesaya 6:5

Po nkati, “Chighune kukwane! Nkufwa pachifukwa ane ne muntu uwa milomo iminyazu, sona nkwikala pakasi pabantu babo imilomo yabo minyazyu. Po namaso aghane na ghane na mwennya u Mwene, u Mwene Uwamaka Ghosi.”

Yelemiya 14:13

Loli ane nkati, “Wee Mwene Uwamaka Ghosi! Abalaghuzi bakubabuzya bakuti, ‘Mutakwiza pakubwennyamo ubwite, pamo izala muchisu chinyu loli mukwiza pakuba nu mutende muchisu ichi.’ ”

Yelemiya 32:17

“Wee Mwene Uwamaka Ghosi, umupeli uwakumwanya ni chisu ichapasi na maka ghako amakulu sona ninyobe yako iyamaka. Chitalipo nachimo ichipalapala ku kwako.

Yelemiya 34:6

Po u Yelemiya umulaghuzi yula akamubuzya u Zedekiya u mwene uwa ba Yuda, mu Yelusalemu zyosi zinizi,

Yelemiya 4:10

Po nkati, “Wee Mwene Uwamaka Ghosi, naloli wabazimbula abantu aba poka naba mu Yelusalemu! Ukababuzya ukuti, ‘Mukwiza pakuba nu mutende,’ loli bo upanga ali pasingo zyabo.”

Ezekiyeli 4:14

Po nkati, “Awe, Mwene Uwamaka Ghosi! Intinyazizyepo nalumolumo. Ukwanda kubunandi bwane mupaka ilelo intaliyepo ichinyamana ichakufwa chene pamo chicho ichinyamana chaghogha sona intaliyepo inyama inyazu.”

Zekaliya 2:4

Uwakwanda yula akamubuzya uyunji yula akati, “Chimbila, mubuzye umulumendo yula ukuti, ‘U Yelusalemu akwiza pakuba kaya kako katakwiza pakuba nu lupaso pachifukwa icha bwinji ubwa bantu sona ni vitekwa vivyo vikwikala mulamula.