Yelemiya 1:5 - IBAYIBOLO 2024

⁵ “Bo inchili napakukupela mulwanda ulwa nyoko, nkaba nkumenye kale. Bo uchili pakupapiwa, nkakusala kale, nkakupaghula ukuti ubanje we mulaghuzi uwa inko.”

Yelemiya 1:5 Iomraidhean Croise

Masalimo 139:15

Bo amafupa ghane ghamatiwa mubusyefu ghatakafisiwa ku kwako, bo nkukula pasi pachisu,

Masalimo 139:16

amaso ghako ghakennya umubili wane bo ghutamatiwe. Ukaghasimba mwibuku lyako amasiku ghagho nkwiza pakuba nubumi, bo isiku lyoka ilya ghanagha litachilite.

Ukufuma 33:12

U Mozesi akamubuzya u Mwene akati, “Wambuzya ukuti, ‘Ubalongolele abantu aba ukubuka nabo kuchisu chila,’ loli utambuzizye umuntu yuyo ukwiza pakumutuma nane. Loli wanena ukuti, ‘Ummenye akiza nkani, sona uhobokite nane.’

Ukufuma 33:17

U Mwene akamubuzya u Mozesi akati, “Nkwiza pakuvibomba vivyo wandaba, pachifukwa ichakuti nkumenye nkani, sona nukuti inhobokite nawe.”

Yesaya 44:2

Momumo akunenela u Mwene yuyo akakupela, nukukumata mulwanda, weyuyo akwiza pakukwavwa, wee Yakobo, utakanyilaye we mubombi wane, u Yeshulani yuyo imusalite.

Yesaya 49:1

Nteghelezya amwe mwe bantu mwe mukwikala mulubazu ulwa nyanja, namwe mwe bantu mwe mukwikala kubutali, ivwa zinizi! Bo inchili napakupapiwa, u Mwene akanyitizya pakuba ne mubombi wache. Bo inchili mulwanda akanyita itabwa lyane.

Yesaya 49:5

Bo inchili napakupapiwa, u Mwene akamata mulwanda, ikuti imbanje ne mubombi wache, pakumunyosezya u Yakobo kukwache, nukubabungannya aba Izilayeli. Nkuchindikiwa pantazi pa Mwene, u Chala we maka ghane.

Yelemiya 1:10

Ilelo nkukusala ukuti ubanje nu bulaghili panko izya bantu nu bumwene, pakunyunkula nukumongola, pakunangannya nukutagha sona nukuzenga nukubyala.”

Yelemiya 1:4

U Mwene akambuzya akati,

Yelemiya 20:15

Aghuniwanje umuntu yuyo akiza na mazyu amiza kwa tata, nukumupela pakuba walusekelo bo akumubuzya ukuti, “Kunyumba yako kwapapiwa umwana umulumendo!”

Yelemiya 25:13

Nkwiza pakubafunda abantu aba mu Babiloni nazyosi zizyo nanena, sona na zizyo zisimbiwe mwibuku ili, sona u Yelemiya akalaghula nizya kubasusya abantu aba inko zyosi zinizi.

Yelemiya 36:2

“Senda ibuku nukusimbamo amazyu ghosi ghagho nakubuzya nizya Izilayeli nu Yuda sona ninko zyosi izinji ukwandila pakabalilo kako nkandila pakunena nawe mubulaghili ubwa Yosiya mupaka ilelo.

Yelemiya 50:34

Loli pope bulo Umutabuli wabo ali na maka nkani, itabwa lyache we Mwene Uwamaka Ghosi. Akwiza pakubimila pa nongwa, umwakuti abike umutende pachisu chosi ichapasi, loli abantu aba ku Babiloni batakwiza pakuba nu mutende naghumoghumo.

Luka 1:15

Akwiza pakuba muntu uwapamwanya pamaso pa Mwene. Atakang'welepo nalumolumo uvinyo, pamo ichakung'wela chicho angakolwa nacho. Ukwandila pisiku lilyo apapiwa, akwiza pakwizula nu Muzimu Umuzelu

Luka 1:41

Bo u Elizabeti ivwa bulo ukulamuka ukwa Maliya, umwana akasakata mulwanda lwache. U Elizabeti akizula nu Muzimu Umuzelu

Luka 1:76

Wee mwana wane, ukwiza pakwitiziwa mulaghuzi uwa Chala Uwakumwanya Nkani. Ukwiza pakulongolela kuntazi ukwa Mwene pakumuyanizya umusebo wache.

Yohani 10:36

Ane, u Tata akansala nukuntuma muchisu ichapasi. Po nkimba munganena bulibuli ukuti nkumusamula u Chala bo nkanena ukuti ne Mwana uwa Chala?

Aba Loma 1:1

Ane ne Pabuli, umubombi uwa Kilisitu u Yesu, nene nitiziwa nu Chala pakuba mutumiwa, sona nukupaghuliwa pakulumbilila Amazyu Amiza.

Aba Loma 8:29

Pakuti abantu babo u Chala akabasala kale, akabapaghula pakuba ngati we Mwana wache, umwakuti u Mwana wache abanje ngati we katote mu bakamu abinji.

1 Aba Kolinti 8:3

Loli umuntu yuyo amughanite u Chala, amanyikitwe nu Chala.

Aba Efeso 1:22

U Chala akavibika ivintu vyosi pasi panyayo izya Kilisitu, sona akamwikazya pamwanya pavintu vyosi pakuba mutu uwa chipanga.