Yelemiya 1:17 - IBAYIBOLO 2024

¹⁷ “Loli awe Yelemiya, wiyannye. Nyamuka, ubabuzye zyosi zizyo nkukulamula. Utakabanyilaye pamo ukuti ningakoghofya pamaso papabo.

Yelemiya 1:17 Iomraidhean Croise

1 Abamwene 18:46

U Mwene akamupa u Eliya amaka, akavunga inkazo nukuyipinya nu lamba wache nukuchimbila nkani, mupaka akafika ku Yezileli, bo u Ahabu atafikite.

2 Abamwene 1:15

Uwantumi uwa Mwene yula akamubuzya u Eliya akati, “Bukagha nawe, utakamunyilaye.” Po u Eliya akanyamuka nukubuka kwa mwene poka nu kapitawa yula.

2 Abamwene 4:29

U Elisha akamulamula u Gehazi akati, “Vunga inkazo yako nukuyipinya nu lamba mumusana wako, lubilolubilo senda indisa yane. Nanti ukukomana nu muntu muzila utakamulamukaye, sona nanti yumo akukulamuka, utakamwamulaye. Gholoka bulo kunyumba, uyilambalike indisa yane pacheni icha mwana.”

2 Abamwene 9:1

Pakabalilo kalakala umulaghuzi u Elisha akamwitizya umuntu yumo uwa mukabukatila aka balaghuzi, nukumubuzya ukuti, “Vunga inkazo yako nukuyipinya nu lamba. Senda ibotolo ilya mafuta agha misyunguti ubuke ku Lamoti Giliyadi.

Yobu 38:3

Banga we mwanavuli nkulalusye, po unyamule.

Ukufuma 3:12

Po u Chala akamwamula akati, “Nkwiza pakuba nawe. Ichi cho chimanyilo ichakuti naloli nene nakutuma. Bo wabefyamo abantu bane mu Ijiputi, mukwiza pakunyiputa pighamba ili.”

Ukufuma 7:2

Mubuzye u Aloni amazyu ghosi ghagho nakulamula, po u Aloni amulamule u Falabo ukuti abitikizye aba Izilayeli pakwepamo muchisu chache.

Yelemiya 1:18

Ilelo nakupela pakuba we kaya akakulu nkani akakuzyunguliliwa ni linga, ni mpanda iya chela, sona nulubumba ulwa mukuba, umwakuti utakachinyilaye ichisu chosi, abamwene bosi aba mu Yuda pamo amakambala ghache pamo abaputi bache sona na bantu aba muchisu chilachila.

Yelemiya 17:18

Leka abalwani bane bakoziwanje isoni, loli ane intakakoziwanje isoni, leka ubogha bubaleme, loli ane butakanyaghaye. Ubatumile intamyo, ubanangannye, sona nako kuboneka batakabonekaye.

Yelemiya 23:28

“Muleke umulaghuzi yuyo alota asanusye ichilota chache, loli umulaghuzi yuyo ali na mazyu ghane aghanenele mubusubiliwa. Nkimba amapeta ghayanite bulo ni ngano? Ane ne Mwene nanena.

Yelemiya 26:12

Po u Yelemiya akaghabuzya amakambala ghosi na bantu bosi akati, “U Mwene weyuyo akantuma ukuti indaghule ububibi ubwa nyumba iyi nakaya akakulu nkani aka na mazyu ghosi ghagho mwaghivwa.

Yelemiya 26:2

“Buka wimilile palubinjilo ulwa Nyumba iya Mwene nukubabuzya abantu bosi aba mutwaya utukulu utwa Yuda babo bakwiputila mu Nyumba iya Mwene. Ubabuzye zyosi zizyo nkukulamula, utakalilekayepo nizyu nalimolimo.

Yelemiya 36:8

U Baluki umwana uwa Neliya akabomba zyosi zizyo umulaghuzi u Yelemiya akamubuzya ukuti azibombe. Akaghabelenga amazyu agha Mwene mu Nyumba iya Mwene ghagho ghakasimbiwa mwibuku.

Nkuto 3:57

Bo nakwitizya ukapalamila, po ukambuzya ukati, ‘Utakanyilaye.’

Yona 3:2

“Bukagha ku Ninive, kukaya akakulu nkani kala, pakulumbilila amazyu ghagho nkukubuzya.”

Luka 12:35

“Mubanje bakwiyannya pachosi chicho chikwiza, sona mukozye inyale zyinyu ukuti zilamaye.

Imbombo 20:20

Muzimenye ukuti intakafisapo nachimochimo chicho chingaba chakubavwa. Nkalumbilila nukumanyisya pabuzelu, sona na munyumba zyinyu.

Imbombo 20:27

Pakuti intakafisapo nachimochimo kukwinyu, loli nkalumbilila zyosi zizyo u Chala akulonda.

1 Aba Kolinti 9:16

Loli bo nkulumbilila Amazyu Amiza, intakwituvikizyamo pakuti u Mwene akandamula pakubomba bunubu. Chighune kukwane nanti intakulumbilila Amazyu Amiza.

1 Aba Tesalonika 2:2

Muzimenye namumo tukayimbila nukusamuliwa mu Filipi. Loli pakuti u Chala akatwavwa, tukajimba nkani pakulumbilila Amazyu ghache Amiza, napapo kukabako ukususyiwa ukukulu nkani.

1 Pitala 1:13

Polelo yannya amoyo ghinyu pakubomba imbombo. Mubanje maso, sona mubikayepo ulusubilo lwinyu losi palusayo lulo mukwiza pakupokela, bo u Yesu Kilisitu avumbuliwa.