Yelemiya 1:16 - IBAYIBOLO 2024

¹⁶ Nkwiza pakubapa inongwa iyakubasusya abantu bane pachifukwa icha mbibi zyabo nukundeka. Bakafukizya utwakununkila ku bachala abanji, nukwiputa ku vifwani vivyo bakapanga ni nyobe zyabo.

Yelemiya 1:16 Iomraidhean Croise

2 Abamwene 22:17

Pachifukwa ichakuti abantu bankana nukufukizya utwakununkila ku bachala abanji, nukunkalalizya ni vifwani vyabo vyosi vivyo bapangite ni nyobe zyabo, po ane nkwiza pakukakalalila akaya akakulu nkani kanaka, umwakuti ubukali bwane butakwiza pakutozoka nalumolumo.’

2 Imbili 15:2

Po akabuka pakukomana nu Asa nukumubuzya ukuti, “Wee Asa na mwebosi mwe bantu aba mu Yuda naba mu Benjamini ivwa kuno! U Mwene akuba namwe nanti mukuba nawe. Nanti mukumulondelezya, mukwiza pakumwagha, loli nanti mukumukana, wepe akwiza pakubakana.

2 Imbili 28:2

Akabombagha zizyo abamwene aba Izilayeli bakabombagha, akapanga ivifwani ivya chela ivya Baala ukuti bavyiputaye.

2 Imbili 34:25

Pachifukwa ichakuti abantu bankana nukufukizya utwakununkila ku bachala abanji nukunkalalizya pavyosi vivyo bapangite ni nyobe zyabo, po ane nkwiza pakukakalalila akaya akakulu nkani kanaka, umwakuti ubukali bwane butakwiza pakutozoka nalumolumo.

2 Imbili 7:19

“Loli nanti waghasula amalamulo ni ndaghilo zyane, zizyo nkupiye nukubabombela abachala abanji pakubiputa,

Yesaya 2:8

Ichisu chabo chizuye ni vifwani, sona bakuvyiputa pakuvifughamilila ivintu vivyo bavipangite ni nyobe zyabo, sona vivyo vimatiwe nu tufingwi twabo.

Yesaya 37:19

Babasumbila abachala babo mumoto nukubanangannya, pakuti batakaba bo bachala, loli bakaba bo bachala abamakwi na bamabwe, babo bakapangiwa ni nyobe izya bantu.

Yesaya 44:15

Po umuntu akulibombezyako pakuba nkwi, akusendako isamba zimo pakuba zyakota, isamba izinji akubombezya pakupiyila ivibama, Loli akubiza u chala nukwanda pakumwiputa, akuyannya ichifwani nukuchifughamilila.

Yesaya 65:3

abantu babo bakwendelela pakunkalalizya, pakubika ivyakwiyipa mumaghunda, nukocha utwa kununkila pachighemo icha njelwa,

Yelemiya 10:15

Vite nimbombo nayimoyimo, pakuti imbombo yabo yabuzimbuli mpela, sona pakabalilo aka lufundo lwabo bakwiza pakuzimila.

Yelemiya 10:3

Mutakazikonkaye inyiho izya bulo izya bantu aba inko izinji, bakudumula ikwi mumusitu, sona ufundi akulibiza ni mbiso.

Yelemiya 11:12

Utwaya utukulu utwa Yuda sona na bantu aba mu Yelusalemu bakwiza pakubuka pakubalilila abachala abanji babo bakababikilagha ivyakwiyipa ivyakufukizya, loli batakwiza pakubapoka napo panandi pa kabalilo akantamyo.

Yelemiya 11:17

U Mwene Uwamaka Ghosi yuyo akababika muchisu, alamula ukuti, intamyo yikwiza pakubawila pachifukwa icha mbibi zizyo mwabomba mweba Izilayeli naba Yuda. Mwamukalalizya pakubika ichakwiyipa icha kocha kwa Baala.

Yelemiya 15:6

U Mwene akuti, “Mwankana, mwanyokela mwisinda. Po nane nkwiza pakugholosya inyobe yane nukubanangannya, sona nalita pakubahobokela.

Yelemiya 16:11

Po awe ubamule uti, ‘Pachifukwa ichakuti abanyenya binyu bakandeka, po bakabakonka abachala abanji nukubabombela sona bakanda pakubiputa. Bakankana sona batakazisunga indaghilo zyane.

Yelemiya 17:13

Wee Mwene we lusubilo ulwa ba Izilayeli, abantu bosi babo bakukukana bakwiza pakukoziwa isoni. Babo bakukuleka bakwiza pakusyiliwa mulufumbi pachifukwa ichakuti bamukana u Mwene, imbwibwi iya mizi amumi.

Yelemiya 18:15

Loli pope bulo abantu bane banduvizye, bakochela utwakufukizya ku bachala babo bate nimbombo nayimoyimo, bakwipunula muzila zyabo izyakale. Bakwenda mutuzila utwa mwisote, na mumisebo yiyo yitalimiwepo nalumolumo.

Yelemiya 19:4

Nkwiza pakuchibomba ichi pachifukwa ichakuti abantu bandeka, sona babunyazya ubuzilo ubu pakubika ivyakwiyipa ku bachala babo abayeni, babo abene pamo abanyenya babo batabamenye nalumolumo, pamo abamwene aba muchisu icha Yuda. Babwizuzya ubuzilo bunubu nibanda ilya bantu babo bate ninongwa nayimoyimo.

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Yelemiya 2:17

Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 2:28

Po nkimba abachala babo mukipangila mwebene bali ko kwiyi? Baleke bize nanti bangabapoka bo muli muntamyo! Pakuti awe, we Yuda, uli nabachala abinji nkani ngati mumo ubeleye nutwaya utukulu.

Yelemiya 4:12

Nkubatumila impepo iya maka nkani. Nene nkwiza nu bulongi papabo.”

Yelemiya 4:28

Polelo ichisu chikwiza pakulila sona kope kumwanya kukwiza pakuba chisi chene, pachifukwa ichakuti ane ne Mwene nanena sona ntakwiza pakwandula inyinong'ono zyane, nadumula mpela, ntakwiza pakunyokela kwisinda.”

Yelemiya 44:17

Nubwanaloli bosi tukwiza pakubomba chosi chicho tukanena ukuti tukwiza pakuchibomba. Tukwiza pakumochela utwakununkila u Mwene Umukolo Uwakumwanya nukumubikila ichakwiyipa icha vinyo ngati mumo aswe na banyenya na bamwene bitu na makambala ghitu tukabombela mutwaya utukulu utwa Yuda sona na mumisebo iya Yelusalemu. Pakabalilo kalakala tukaba ni chakulya ichinji nkani, sona tukaba akiza nkani, yitakabapo intamyo nayimoyimo.

Yelemiya 5:29

Nkimba ningaleka pakubafunda pa vintu vinivi? Nkimba ningaleka bulibuli pakulutanizya uluko ngati lunulu?” U Mwene anena.

Yelemiya 5:9

Ane ne Mwene nanena. “Nkimba intangabafunda pachifukwa icha zinizi? Nkimba intangalutanizya uluko ngati lunulu?

Yelemiya 51:17

Umuntu wesi mupunganu, sona ate na mahala naghamoghamo, umusyani wesi uwa golide akukoziwa isoni ni vifwani vyache vivyo apanga. Ivifwani vyache vyabumyasi, vite nubumi nabumobumo.

Yelemiya 7:17

Nkimba utakuzyennya zizyo bakubomba mutwaya utukulu nkani utwa Yuda sona na mumisebo iya mu Yelusalemu?

Yelemiya 7:18

Abana abanandi bakutenya inkwi, abanavuli bakupemba u moto, po abakolo bakukantannya ubusu ukuti bapiyile utuvibama utwakwiyipila kwa Mwene Umukolo Uwakumwanya. Bakupungula u vinyo wabo pakuba chakwiyipa ku bachala abanji ukuti bankalalizye.

Yelemiya 7:9

“ ‘Amwe mukwiba, mukughogha, mukulowa, mukulapa, mukumochela u Baala utwakununkila sona mukubakonka abachala babo mutabamenyemo nalumolumo.

Ezekiyeli 16:18

Ukasenda amenda ghako aghakulabiwa nukuvivwika ivifwani vyako, sona nukwiyipa amafuta ghane nutwakununkila pantazi papabo.

Ezekiyeli 24:14

“ ‘Ane ne Mwene nanena. Akabalilo kanfikila akakuti imbombele imbombo, sona ntakwiza pakunyokela kwisinda pamo pakukupelela ichisa pamo pakukuhobokela. Ukwiza pakulongiwa ukuyana ni nkalo yako sona ni mbombo zyako, u Mwene Uwamaka Ghosi anena.’ ”

Hoseya 11:2

Napapo nkamwitizya u Izilayeli akinji bulo, loli akepaghako nkani kukwane. Bakabika ivyakwiyipa kwa Baala, sona bakafukizya utwakununkila ku vifwani.

Hoseya 8:6

Nkimba ichifwani chinichi chitafuma mu Izilayeli? Chapangiwa nabafundi bulo. Te we Chala, awe, ichifwani ichakubiziwa mu Samaliya chila, chikwiza pakutiziwa mutuvigaba.

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Imbombo 7:41

Palapala bakapanga ichifwani chicho chikaboneka ngati ngwata, bakabika ivyabupi ku chifwani chila nukuba nu lusekelo ulwakuchindikila zizyo abene bakapanga ni nyobe zyabo.

Ukukumbusya Amalamulo 28:20

Nanti mukunanga pakumukana u Mwene, akwiza pakubawisizya ichighune nukuvulungana, sona nintamyo pambombo zyinyu zyosi, mupaka mwebosi munanganike nukufwa pakabalilo akapimpa bulo.

Ukukumbusya Amalamulo 31:16

U Mwene akamubuzya u Mozesi akati, “Uli papipi pakufwa, loli bo wafwa abantu banaba bakwiza pakulunangannya ulufingo lulo nkafingana nabo. Bakwiza pakubadepukila abachala abanji nukubiputa muchisu chicho bakubuka pakwikalamo.

Yoshwa 24:20

Nanti mwamukana u Mwene nukubabombela abachala abanji, po wepe akwiza pakubakana nukubatumila intamyo, sona akwiza pakubazimizya, napapo kale akababombela ivyiza.”

Ubuvumbuli 9:20

Abantu bosi abanji babo batakaghoghiwa ni viwaya vilavila, pope bulo batakapinduka nukuvileka vivyo bakabombagha ni nyobe zyabo. Batakaleka pakwiputa imizimu imibibi ni vifwani ivya golide nivya siliva nivya mabwe nivya ikwi vivyo vitangennya pamo ukwivwa pamo ukwenda, awe.