Yelemiya 1:15 - IBAYIBOLO 2024

¹⁵ Indi papipi pakuzyitizya inko zyosi izya bumwene ubwa kumitu. Ane ne Mwene nanena. Abamwene babo bakwiza pakuvyikazya ivitengo vyabo ivya bumwene pamilyango iya kaya akakulu nkani aka Yelusalemu, sona bakwiza pakughazyungulila amalinga ghache nutwaya tosi utukulu nkani utwa Yuda.

Yelemiya 1:15 Iomraidhean Croise

Yesaya 22:7

Amakombe ghinyu amiza nkani ghizuye ningolo izya bwite, sona abendezya ifalasi bimiliye pamilyango iya twaya utukulu nkani,

Yelemiya 10:22

Teghelezya! Ipangwi lilyo likwiza. Ichongo ichikulu icha kumitu chikwiza. Chikwiza pakutupela utwaya utukulu utwa Yuda pakuba chisami, mumo mukwikalamo abakambwe.

Yelemiya 10:25

Pungulila ubukali bwako pa inko zizyo zitakumenye, pabantu babo batakukwiputa. Pakuti bamulya u Yakobo, bamulya nukumumalizya, sona bakanangannya akaya kache nukukapela pakuba nkolongo.

Yelemiya 13:20

“Mwee ba mu Yelusalemu, ennya, mubennye abalwani binyu aba kumitu. Nkimba umudimo ghugho ghukapeghiwa kukwinyu ghuli kwiyi, ing'ozi zizyo mukituvyikilamo zili ko kwiyi?

Yelemiya 25:28

Loli nanti bakukana pakupokela ulubako ukuti bang'wele, ubabuzye ukuti, “U Mwene Uwamaka Ghosi akuti, ‘Mubaghiye pakung'wela!’

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 33:10

“Umu momumo u Mwene akunenela: Mukubunena ubuzilo bunubu mukuti chisami sona abantu batalimo vyope ni vinyamana vitalimo. Loli pope bulo utwaya utukulu utwa mu Yuda ni misebo iya mu Yelusalemu vili vyene bulo, mukwiza pakwivwika

Yelemiya 34:1

Bo u Nebukadineza uwa ku Babiloni poka na basilikali bache bosi sona amabumwene ghosi ghagho akaghapota, na bantu bosi babo akabalaghilagha, bakulwa nu Yelusalemu sona nutwaya utukulu tuto tukabazyungulila, u Mwene akamubuzya u Yelemiya akati,

Yelemiya 34:22

“Nkwiza pakulamula nukubanyosezya sona mukaya akakulu nkani aka. Bakwiza pakulwa nako nukukafyula sona bakwiza pakukocha numoto. Nkwiza pakutupela utwaya utukulu utwa Yuda pakuba nkolongo nukuti mutakwiza pakwikalaghamo sona umuntu nayumoyumo. Ane ne Mwene nanena.”

Yelemiya 39:3

Po amakambala ghosi agha mwene uwa chisu icha Babiloni ghakinjila nukwikala pa Mulyango uwa Pakasikasi. Ghakaba gho agha: U Neligali Shalezala uwamu Samugala nu Nebo Salasekimu usongo nkani uwa basilikali nu Neligali Shalezala, ikambala ilya pamwanya poka na makambala ghosi aghanji agha mwene uwamu Babiloni.

Yelemiya 4:16

“Muzisoke inko, mufumusye mu Yelusalemu muti, ‘Abasilikali aba kuchisu icha kubutali bakwiza, pakulwa nutwaya utukulu nkani utwa Yuda.

Yelemiya 4:6

Kwezya indembela ku kaya aka Ziyoni! Chimbila lubilolubilo ukuti mupone, pakuti nkutuma intamyo izya kumitu sona nukunanganika ukukulu nkani.”

Yelemiya 43:10

Po ubabuzye ukuti, ‘U Mwene Uwamaka Ghosi, u Chala uwa Izilayeli akwiza pakumusenda umubombi wache u Nebukadineza, u mwene uwa chisu icha Babiloni, nkwiza pakubika ichitengo chache icha bumwene pamabwe ghagho naghafukila pano, sona akwiza pakuchikuzula ichisakasa chache icha bumwene pa mabwe ghala.

Yelemiya 44:6

Polelo, ubukali bwane ubwakoghofya bukaka ngati moto uwa muvuno pa twaya utukulu utwa Yuda sona napa misebo iya mu Yelusalemu. Utwaya tula tukaba visami ngati mumo tubeleye ilelo.”

Yelemiya 46:24

“Abantu aba mu Ijiputi isoni zikwiza pakubalema bakwiza pakubikiwa munyobe izya bantu aba kumitu.”

Yelemiya 5:15

U Mwene akuti, “Mwee ba Izilayeli, nkubizila ninko iya bantu aba kubutali nkani, iya kale sona yiyo yiliko, abantu babo ni neno yabo mutayimenye nalumolumo, sona mutangayivwa nakokuyivwa.

Yelemiya 6:22

U Mwene akuti, “Ennya, abasilikali aba kumitu bakwiza, uluko ulwamaka na bamwene abinji bakwiyannya pakulwa ubwite.

Yelemiya 9:11

U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Nkuto 5:11

Mu Yelusalemu abakolo balemiwe pamaka, sona mope mutwaya utwa Yuda abalindu balemiwe pamaka.

Ezekiyeli 32:30

“Amakambala ghosi agha kumitu na bantu aba mu Sidoni bosi bali kulakula, bakikila poka na bantu babo bakaghoghiwa bo isoni zibalemite, napapo bakaba bakoghofya nkani pachifukwa icha maka ghabo. Basyiliwe poka na babo batasilimuliwe, babo bakafwila kubwite, isoni zikabalemela poka na babo bakinjila mwipumpa.

Yoweli 2:20

“Nkwiza pakubachimbizizya kubutali nkani abasilikali abakumitu, nukubachimbizizya kuchisu ichumizu sona chicho chite ni mboto. Abantu bache babo balongoleye nkwiza pakubachimbizizya ku Nyanja Imfwe iyakubufumilo bwizuba, bope abakwisinda nkwiza pakubachimbizizya ku Nyanja iya Medeteleniya. Amabili ghabo ghakwiza pakununka, naloliloli nkwiza pakubanangannya, pachifukwa icha vintu ivikulu vivyo babomba.

Zekaliya 6:6

Ingolo yiyo yili ni falasi ifitu yikubuka kuchigaba ichakumitu, sona ingolo iya falasi iswepu yikubuka kuchigaba icha kubwinjililo bwizuba, yope ingolo iya falasi iyamabalamabala yikubuka ku chigaba icha kuntende.”