Yelemiya 1:14 - IBAYIBOLO 2024

¹⁴ U Mwene akambuzya akati, “Ichintu ichibibi nkani icha kumitu chikwiza pakubawila abantu bosi aba muchisu ichi.

Yelemiya 1:14 Iomraidhean Croise

Yesaya 14:31

Mwee, milyango lilagha! Wee kaya akakulu nkani lilagha! Mwe ba Filisiti mwebosi mutetemaye nubogha, ibingu ilya lyosi ilya kumitu likwiza, po atalipo nayumo pababwite bache yuyo akuleghuka.

Yesaya 41:25

“Nkamunyamusya weka kuchisu ichakumitu, po akiza, weka kubufumilo bwizuba yuyo akwiputa itabwa lyane. Akubakanyankila pasi abalongozi ngati litope, ngati mumo umumata isonta akubombela.

Yelemiya 10:22

Teghelezya! Ipangwi lilyo likwiza. Ichongo ichikulu icha kumitu chikwiza. Chikwiza pakutupela utwaya utukulu utwa Yuda pakuba chisami, mumo mukwikalamo abakambwe.

Yelemiya 11:17

U Mwene Uwamaka Ghosi yuyo akababika muchisu, alamula ukuti, intamyo yikwiza pakubawila pachifukwa icha mbibi zizyo mwabomba mweba Izilayeli naba Yuda. Mwamukalalizya pakubika ichakwiyipa icha kocha kwa Baala.

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 31:8

Nkwiza pakubefyako kuchisu icha kumitu nukubabungannya ukufumila kubumalilo ubwa chisu. Pakasi papabo pakwiza pakubapo abafwamaso na balemazu, abakolo babo bakaba ni nyanda na bakolo babo bakaba papipi pakusayiwa. Ichilundilo icha bantu chikwiza pakunyokako.

Yelemiya 4:6

Kwezya indembela ku kaya aka Ziyoni! Chimbila lubilolubilo ukuti mupone, pakuti nkutuma intamyo izya kumitu sona nukunanganika ukukulu nkani.”

Yelemiya 46:20

“Ichisu icha Ijiputi mpampali iyakuboneka akiza nkani loli amasasi agha kumitu ghakwiza pakuyiluma impampali yila.

Yelemiya 47:2

“Umu momumo u Mwene akunenela: Ennya namumo amizi agha kumitu ghakwizulila, ghakwiza pakuba ngati zyo soko zizyo zyizuye nukusata. Ghakwiza pakusata muchisu chosi nukuchibizya chosi chicho chilimo, nutwaya utukulu sona na bantu bosi babo bakwikalamo. Abantu bakwiza pakulila, sona bosi babo bakwikala mulamula bakwiza pakufwifwitila.

Yelemiya 50:41

“Ennya! Abasilikali aba kumitu bakwiza, uluko ulwamaka na bamwene abinji bakwiyannya pakulwa ubwite.

Yelemiya 50:9

Pakuti nkwiza pakunyamusya ichilundilo icha inko izyamaka izya kumitu. Bakwiza pakubamba ukuti balwe ubwite ni chisu icha Babiloni nukuchifyula. Utulasilo twabo tukwiza pakuba ngati basilikali, babo bamenye pakulwa ubwite, sona batakubwela nyobe zyene.

Yelemiya 6:1

Mwe baluko ulwa Benjamini, chimbila nkani ukuti mupone! Epamo mukaya aka Yelusalemu! Lizya ipati mu Tekowa! Kwezya indembela mu Beti Hakelemu! Pakuti ichintu ichibibi nukunanganika ukukulu nkani vikufuma kuchigaba icha kumitu.

Yelemiya 6:22

U Mwene akuti, “Ennya, abasilikali aba kumitu bakwiza, uluko ulwamaka na bamwene abinji bakwiyannya pakulwa ubwite.

Ezekiyeli 1:4

Nkatalankannya, po nkennya impepo iyamaka yikufuma kumitu sona ni bingu ikulu lilyo likazyunguliliwa nukumesya ukwa tumesya sona kakazyunguliliwa nulukozyo. Pakasi pamoto pakaboneka ngati chela chicho chikusunguluka,

Ezekiyeli 24:3

Ubabuzye abantu babo basambukiye, ubabuzye ichili chane uti u Mwene Uwamaka Ghosi akuti, ‘Ikazya isonta pamoto, nukupungulilamo amizi.

Yoweli 2:20

“Nkwiza pakubachimbizizya kubutali nkani abasilikali abakumitu, nukubachimbizizya kuchisu ichumizu sona chicho chite ni mboto. Abantu bache babo balongoleye nkwiza pakubachimbizizya ku Nyanja Imfwe iyakubufumilo bwizuba, bope abakwisinda nkwiza pakubachimbizizya ku Nyanja iya Medeteleniya. Amabili ghabo ghakwiza pakununka, naloliloli nkwiza pakubanangannya, pachifukwa icha vintu ivikulu vivyo babomba.

Zekaliya 6:6

Ingolo yiyo yili ni falasi ifitu yikubuka kuchigaba ichakumitu, sona ingolo iya falasi iswepu yikubuka kuchigaba icha kubwinjililo bwizuba, yope ingolo iya falasi iyamabalamabala yikubuka ku chigaba icha kuntende.”