Yelemiya 1:13 - IBAYIBOLO 2024

¹³ U Mwene akandalusya sona akati, “Nkimba ukwennya ichoni?” Nkamula nkati, “Nkuyennya isonta yili na mizi aghakusebukila, yisendamiye kumitu.”

Yelemiya 1:13 Iomraidhean Croise

Ubwandilo 41:32

Pakulota ivilota akabubili kukung'anamula ukuti ichintu ichi chikabatikiwa nu Chala, sona u Chala akwiza pakuchibomba lunulu.

Yesaya 55:11

Momumo amazyu ghane ghagho nkunena ghakwiza pakubela. Ghatakwiza pakunyokela kukwane pabulo, loli ghakwiza pakukwanilisya zizyo nkulonda, nukukwanilisya zizyo nkaghatumila.

Yelemiya 24:3

Po u Mwene akandalusya akati, “Nkimba ukwennya ichoni, Yelemiya?” Nkamwamula nkati, “Amakuyu. Ivikomwa ivyiza, vyiza nkani, loli vibibi, vibibi nkani ukuchilapo umwakuti vitabaghiye pakulyewa.”

Ezekiyeli 11:3

Bakuti, ‘Nkimba akabalilo akakuzengela inyumba kate papipi?’ Akaya aka, sonta iya kupiyilamo, sona aswe twe nyama.

Ezekiyeli 11:7

“Polelo u Mwene Uwamaka Ghosi akuti: Imivimba yiyo mwayisumbila mumisebo yo nyama sona akaya aka yo sonta, loli nkwiza pakuyefyamo.

Ezekiyeli 12:28

“Polelo ubabuzye ukuti, u Mwene Uwamaka Ghosi akuti, ‘Te mazyu ghane ghagho ghakwiza pakukabapo lumo, zyosi zizyo nkunena zikwiza pakukwanilisiwa, u Mwene Uwamaka Ghosi anena.’ ”

Amosi 8:2

U Mwene akalalusya akati, “Amosi nkimba ukwennya ichoni?” Nkamula nkati, “Nkwennya ichidudunga icha vikomwa ivitonu.” Po u Mwene akambuzya akati, “Ubumalilo ubwa bantu bane aba Izilayeli bwafikila. Ntakwiza pakubaleka bulo.”

Zekaliya 4:2

Akandalusya akati, “Nkimba ukwennya ichoni?” Nkamwamula nkati, “Nkwennya ichakubikapo inyale icha golide, pamwanya pakaba akabeseni. Palapala pakabapo inkozyo seveni, inyale yosi yili nubutambi seveni.