Yelemiya 1:10 - IBAYIBOLO 2024

¹⁰ Ilelo nkukusala ukuti ubanje nu bulaghili panko izya bantu nu bumwene, pakunyunkula nukumongola, pakunangannya nukutagha sona nukuzenga nukubyala.”

Yelemiya 1:10 Iomraidhean Croise

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

1 Abamwene 19:17

U Yehu akwiza pakubaghogha abantu bosi babo batakaghoghiwa nu Hazayeli, sona u Elisha akwiza pakubaghogha abantu bosi babo batakaghoghiwa nu Yehu.

Umulumbilili 3:3

Pali akabalilo akakughoghela na kabalilo akakupozezya. Pali akabalilo akakumongolannya na kabalilo akakuzengela.

Yelemiya 1:5

“Bo inchili napakukupela mulwanda ulwa nyoko, nkaba nkumenye kale. Bo uchili pakupapiwa, nkakusala kale, nkakupaghula ukuti ubanje we mulaghuzi uwa inko.”

Yelemiya 24:6

Nkwiza pakubasungilila nukubabombela inyiza, sona nkwiza pakubanyosezya kuchisu chabo. Nkwiza pakubazenga sona ntakwiza pakubamongolannya. Nkwiza pakubabyala sona ntakwiza pakubanyunkulannya.

Yelemiya 25:13

Nkwiza pakubafunda abantu aba mu Babiloni nazyosi zizyo nanena, sona na zizyo zisimbiwe mwibuku ili, sona u Yelemiya akalaghula nizya kubasusya abantu aba inko zyosi zinizi.

Yelemiya 31:28

Ngati mumo nkabenelezyanga pakubanyunkulannya nukubazepulannya nukubapota nukubanangannya nukubawisizya intamyo, momumo nkwiza pakubenelezya pakuzenga nukubyala.

Yelemiya 31:40

Ikombe lyosi kuko imivimba yikusyiliwa sona kuko itoyi likutaghiwa, sona na maghunda ghosi ukwandila kwi Kombe ilya Kidiloni kubufumilo bwizuba mupaka kunkuto iya Mulyango uwa Falasi, likwiza pakuba lipaghuliwa kwa Mwene. Akaya akakulu nkani katakwiza pakunyunkuliwa pamo pakumongoliwa sona.”

Yelemiya 36:2

“Senda ibuku nukusimbamo amazyu ghosi ghagho nakubuzya nizya Izilayeli nu Yuda sona ninko zyosi izinji ukwandila pakabalilo kako nkandila pakunena nawe mubulaghili ubwa Yosiya mupaka ilelo.

Yelemiya 44:27

Nkwiza pakwenelezya ukuti imbabombele ichintu ichibibi, ntakwiza pakubabombela inyiza. Aba Yuda babo bali mu Ijiputi bakwiza pakuzimila nu bwite nizala mupaka bosi bananganike.

Yelemiya 45:4

U Mwene akuti, “Umubuzye u Baluki ukuti, ‘Nkwiza pakuchimongolannya chicho nkachizenga. Momumo nkwiza pakubombela ni chisu chosi.

Ezekiyeli 21:19

“Wee mwana uwa muntu, lanjizya imisebo mibili yiyo u mwene uwamu Babiloni angendamo nupanga wache, yosi mibili yibaghiye pakwanda muchisu choka. Bika ichimanyilo papo imisebo mibili yilekanite iyakubukila mukaya akakulu nkani.

Ezekiyeli 23:36

U Mwene akambuzya akati, “Wee mwana uwa muntu, nkimba ukwiza pakumulonga u Ohola nu Oholiba? Po ubasusye imbombo zyabo izya mwiko.

Ezekiyeli 32:18

“Wee mwana uwa muntu, chililile ichilundilo icha Ijiputi nukubatuma mwipumpa poka ninko izyamaka na babo bakubuka kwipumpa.

Ezekiyeli 36:36

Po inko zizyo zisyeteko umwakubazyungulila zikwiza pakumanya ukuti ane ne Mwene nazenga vivyo vikananganika nukubyalamo sona muchisu chicho chikaba chisami. U Mwene anena sona nkwiza pakuzibomba.’

Ezekiyeli 43:3

Ichisetuka chicho nkachennya chikaba ngati chicho nkachennya bo akwiza pakukanangannya akaya akakulu nkani aka Yelusalemu sona ngati chisetuka chicho nkachennya mulusoko ulwa Kebali, po nkawa ubukupama.

Hoseya 6:5

Polelo nkakudumulannya mutuvigaba, pakubombezya abalaghuzi bane, nkabaghogha na mazyu agha mumulomo wane, sona ubulongi bwane bukamesya ngati ko kamesya.

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.

Amosi 9:11

U Mwene akuti, “Pisiku lilalila nkwiza pakunyosezyamo ubumwene ubwa Devedi bubo buli ngati nyumba yiyo yighuye. Nkwiza pakuluzenga sona ulubumba lwache, nukuyannya sona mumo lwamongoka po nukuzenga sona ngati mumo lukabela kale,

Zekaliya 1:6

Loli abantu batakaghivwila amazyu ghane ni ndaghilo zyane, zizyo nkabapa ababombi bane abalaghuzi.’ “Po bakapinduka nukuti, ‘U Mwene Uwamaka Ghosi atubombela ukuyana ni zila zyitu sona ni mbombo zyitu.’ ”