Yakobo 5:9 - IBAYIBOLO 2024

⁹ Mwee bakamu bane, mutakalumbuzannyanje mwebenebene, umwakuti u Chala atakabalonge. Umulongi imiliye pamulyango.

Ulufingo Ulupya

⁹ Mwee bakamu bane, mutakalumbuzannyanje mwebenebene, umwakuti u Chala atakabalonge. Umulongi imiliye pamulyango.

Yakobo 5:9 Iomraidhean Croise

Ubwandilo 4:7

Nanti ukabombagha chicho chiza, nkimba ngali intakahoboka nawe? Loli pachifukwa ichakuti wabomba ichintu ichibibi, imbibi yinyonyotaye pamulyango ngati chinyamana ichikali. Yikulonda ukuti yikuleme, loli awe uyipotaye.”

Masalimo 59:15

Bakwendakwenda pakulonda ichakulya, loli nanti batikuta, bakukoloma.

Ezekiyeli 7:12

Akabalilo kafikila, isiku lyache lili papipi. Mutakamwitikizye uwakughula ukuti asekelaye, pamo uwakughulizya ukuti asulumannyanje, pakuti ubukali bwane buli pachilundilo chosi.

Aba Levi 19:18

“ ‘Utakatanizyanje ichibibi pa chibibi pamo ukubakalalila abantu abaluko lwako, loli umughanaye umupalamani wako ukuyana namumo wiyighaniye wemwenecho. Ane ne Mwene.

Matayi 24:33

Umwakuyana bulo, nanti mukwennya ivintu vinivi vikuboneka, manya bulo ukuti u Mwana uwa Muntu ali papipi, pamulyango.

Maliko 13:29

Umwakuyana bulo, nanti mukwennya ivintu vinivi vikuboneka, manya bulo ukuti u Mwana uwa Muntu ali papipi, pamulyango.

Maliko 6:19

Po u Helodiya akamubenga u Yohani, sona akalondagha pakumughogha, loli akapotwa pachifukwa icha Helodi.

1 Aba Kolinti 10:11

Ivintu vinivi vikababonekela pakuba chifwanikizyo, sona vikasimbiwa ukuti vitusoke. Pakuti tuli pakabalilo, kako ubumalilo buli papipi pakwiza.

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.

2 Aba Kolinti 9:7

Umuntu wesi apange bulo ukuyana namumo adumulila mumoyo wache, umwakusita ukwilamwa, pamo umwakusita kufyengiwa bulo, pakuti u Chala akumughana umuntu yuyo akupa umwakuhoboka.

Aba Galatiya 5:14

Pakuti Indaghilo zyosi zyimite pilamulo lyoka ili, “Umughane umupalamani wako ukuyana namumo wiyighaniye wemwenecho.”

Aba Galatiya 5:26

Tutakitutumulaye, pamo ukukalalizannya, pamo ukubikilana inkwini.

Yakobo 4:11

Mwee bakamu bane, mutakayebanaye. Umuntu wesi yuyo akumunena uwamwabo ububibi pamo ukumususya, kokuti akuzinena ububibi nukuzisusya Indaghilo izya Chala. Nanti ukuzilonga Indaghilo izya Chala, kokuti utakuzikonka, loli waba we mulongi.

Yakobo 4:12

U Chala mwene we mupandaghilo nu mulongi, sona weyuyo amenye pakupoka nukunangannya. Nkimba awe we ukumususya uwamwinyu, wewenu?

Yakobo 5:10

Mwee bakamu bane, mubakumbuke abalaghuzi babo bakanenela mwitabwa ilya Mwene pakuba chifwanikizyo icha bufisalyoyo mutubalilo utwa mayimba.

Yakobo 5:7

Mwee bakamu bane, mubanje bafisalyoyo mupaka u Mwene ize. Ennya mumo umulimi akulindilila ukuti umughunda wache wele ivikomwa ivyiza nukulindilila mubufisalyoyo mupaka apokela ivula iyakwanda ni yabumalilo.

1 Pitala 4:5

Loli abene bakwiza pakulingannya inongwa yabo pamaso pa Chala, yuyo iyanizye pakulonga abantu abumi na bantu abafwe.

1 Pitala 4:9

Mubapokelaye akiza abayeni munyumba zyinyu umwakusita ukwilumbusya.

Ubuvumbuli 3:20

Ennya, nimiliye pamulyango nkukong'osya, nanti umuntu ivwa izyu lyane nukwighula umulyango, ane nkwiza pakwinjila nukulya poka nawe, sona wepe akwiza pakulya poka nane.