Yakobo 5:7 - IBAYIBOLO 2024

⁷ Mwee bakamu bane, mubanje bafisalyoyo mupaka u Mwene ize. Ennya mumo umulimi akulindilila ukuti umughunda wache wele ivikomwa ivyiza nukulindilila mubufisalyoyo mupaka apokela ivula iyakwanda ni yabumalilo.

Ulufingo Ulupya

⁷ Mwee bakamu bane, mubanje bafisalyoyo mupaka u Mwene iza. Ennya mumo umulimi akulindilila ukuti umughunda wache wele ivikomwa inyiza nukulindilila mubufisalyoyo mupaka apokela ivula iyakwanda ni yabumalilo.

Yakobo 5:7 Iomraidhean Croise

Yelemiya 5:24

Batakunena mumoyo ghabo ukuti, ‘Zagha tumunyilaye u Mwene u Chala witu, yuyo akutupa ivula iya chizimyalupya pakabalilo kache, sona ni vula iyamaka pakabalilo kache, sona atwimikiye amasiku aghakutuzikizya nagha nyinulo.’

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Yoweli 2:23

Mwee bantu aba mu Ziyoni hobokagha, sona sekelagha mwa Mwene u Chala winyu, pakuti abapa ivula iyakwanda, sona abapa ivula inyinji, ivula iya chisiku niya lupepo ngati yakale.

Zekaliya 10:1

Mulabaye ivula kwa Mwene pakabalilo aka chisiku, yuyo akutuma amabingu aghavula, sona akubapa abantu ivula iyakusalasata, akumezya ivibyalwa mumaghunda agha muntu wesi.

Matayi 16:27

Pakuti u Mwana uwa Muntu ali papipi pakwiza mubuchindamu ubwa Wise poka na bantumi bache, po akwiza pakumupa umuvwalo umuntu wesi ukuyana ni mbombo zyache.

Matayi 16:28

Naloli nkubabuzya ukuti balipo abantu bamo pano, babo bate bakafwe mupaka bamwennya u Mwana uwa Muntu akwiza pakuba we Mwene.”

Matayi 24:27

Pakuti u Mwana uwa Muntu akwiza ngati ko kamesya kako kakumesya kumwanya ukwandila ko kubufumilo bwizuba mupaka kubwinjililo bwache.

Matayi 24:44

Po namwe bulo mwiyannye pachifukwa ichakuti u Mwana uwa Muntu akwiza pakabalilo kako mwiyekeye.

Luka 18:8

Nkubabuzya ukuti akwiza pakubalongela akiza, sona akwiza pakubomba umwalubilolubilo. Loli bo u Mwana uwa Muntu akwiza, nkimba akwiza pakulwagha ulwitiko pachisu ichapasi?”

Luka 21:27

Po abantu bakwiza pakumwennya u Mwana uwa Muntu akwiza mumabingu na maka nu buchindamu ubukulu.

Luka 8:15

Imbeyu zizyo zikawila pitope ilyiza zikwimilila abantu babo bakwivwa amazyu nukughasunga mumoyo umwiza nu bwanaloli. Sona bakujimba mupaka bape ivikomwa.”

Yohani 21:22

U Yesu akamwamula akati, “Nanti nkulonda ukuti uyu abanje nubumi mupaka nize sona, nkimba uli nazyo ni mbombo yoni? Nkonka!”

Yohani 21:23

Po ipangwi linili likasata kubakamu ukuti umumanyili uyu atakwiza pakufwa. Loli u Yesu atakanenapo ukuti atakwiza pakufwa. Akati, “Nanti nkulonda ukuti uyu abanje nubumi mupaka nize sona, nkimba uli nazyo ni mbombo yoni?”

Aba Loma 15:4

Pakuti chosi chicho chikasimbiwa kale mu Masimbo, chikasimbiwa pakutumanyisya aswe, umwakuti tungaba nu lusubilo ukwendela mu bufisalyoyo nu lukazyo, lulo Amasimbo ghakutumanyisya.

Aba Loma 2:7

Abantu babo bakwendelela pakubomba ubwiza nu buchindamu, umuchizi nubumi, u Chala akwiza pakubapa ubumi ubwa bwila na bwila.

1 Aba Kolinti 1:7

umwakuti mutakusobelwapo ichabupi icha buzimu, bo mukulindilila ukuti u Mwene witu u Yesu Kilisitu avumbuliwe.

Aba Galatiya 5:5

Pakuti aswe tuli nu lusubilo ulwakuti u Chala adumula ukuti tute ninongwa nayimoyimo, sona ichi cho chicho tukulindilila na maka agha Muzimu Umuzelu ukwendela mu lwitiko lwitu.

Aba Galatiya 6:9

Po mutakalitaye pakubomba ivyiza, pakuti pakabalilo kache akiza tukwiza pakwinula nanti tutakuwa amaka.

Ukukumbusya Amalamulo 11:14

po ane nkwiza pakubatumila ivula muchisu chinyu pakabalilo aka lupepo na pachisiku, umwakuti mwinule ingano, nukuba nu vinyo umupya, na mafuta agha misyunguti aminji nkani.

Aba Kolosi 1:11

Tukwiputa sona ukuti u Chala abakazye na maka ghache ghosi agha buchindamu, umwakuti mubanje bajivu nkani, na bafisalyoyo, sona na bahobosu.

1 Aba Tesalonika 1:3

Pakuti bwila bulo tukukumbuka pamaso pa Chala nu Tata witu, nizya lwitiko lwinyu, mumo mukiyulila ukulanjizya ulughano lwinyu, sona namumo ulusubilo lwinyu lwimiye nkani mwa Mwene witu u Yesu Kilisitu.

1 Aba Tesalonika 2:19

Pakuti nayumo umuntu, loli mwemwe mwebene, babo bakwiza pakuba lusubilo lwitu nu buhobosu bwitu, sona ni mpumpu yitu iyakulanjizya ubupoti bwitu pamaso pa Mwene witu u Yesu, bo akwiza sona.

1 Aba Tesalonika 3:13

Bunubu akwiza pakughakazya amoyo ghinyu umwakuti mubanje bantu abasita chilema nachimochimo, sona na bazelu pamaso pa Chala u Tata witu, bo u Mwene witu u Yesu Kilisitu akwiza sona poka na bantu abache na bache abazelu.

Aba Hebeli 6:15

U Abulahamu alindilila mubufisalyoyo, pisinda pache akanda pakapokela zizyo u Chala akamulayizya.

Yakobo 4:11

Mwee bakamu bane, mutakayebanaye. Umuntu wesi yuyo akumunena uwamwabo ububibi pamo ukumususya, kokuti akuzinena ububibi nukuzisusya Indaghilo izya Chala. Nanti ukuzilonga Indaghilo izya Chala, kokuti utakuzikonka, loli waba we mulongi.

Yakobo 5:10

Mwee bakamu bane, mubakumbuke abalaghuzi babo bakanenela mwitabwa ilya Mwene pakuba chifwanikizyo icha bufisalyoyo mutubalilo utwa mayimba.

Yakobo 5:3

Ugolide winyu nu siliva vyawa uluzima. Uluzima lunulu lo lulo lukwiza pakuba we kaboni uwakubasusya, sona lukwiza pakunangannya umubili winyu ghosi ngati gho moto. Mwilundikila ubukabi mumasiku aghabumalilo agha.

2 Pitala 3:4

Bakwiza pakubobezya ukuti, “Nkimba u Mwene atakalayizya ukuti akwiza sona? Po ilelo fwandi, ali ko kwiyi? Abanyenya bitu bakafwa kale, loli ivintu vyosi vichili vili bulabula mumo u Chala akavipelela ukwandila ko kubwandilo.”