Yakobo 5:5 - IBAYIBOLO 2024

⁵ Mwizuzya ubumi bwinyu pachisu ichapasi ni vyakubahobosya. Mwiyinisya mwebene ngati yo ng'ombe yiyo bakabuka nayo pakuyibola.

Ulufingo Ulupya

⁵ Mwizuzya ubumi bwinyu pachisu ichapasi ni vyakubahobosya. Mwiyinisya mwebene ngati yo ng'ombe yiyo bakabuka nayo pakuyibola.

Yakobo 5:5 Iomraidhean Croise

Masalimo 17:14

Wee Mwene na maka ghako, mpoka munyobe izya bantu banaba. Mpokagha munyobe izya bantu aba muchisu ichapasi, babo umuvwalo wabo ghuli mubumi bunubu. Ubafundaye ni vyakubaba vivyo ubasungiye. Abana babo babanje navyo ivyinji nkani, ukuti vibakwanaye abana babo.

Masalimo 73:7

Imbatiko imbibi zikufuma munyinong'ono zyabo, mumoyo ghabo mukufuma ububibi bwene.

Ivyili 17:1

Chizapo pakulya ubwika ubumizu papo pali umutende, ukuchila pakuba nu lusekelo munyumba mumo muli ivyongo.

Ivyili 7:14

“Ilelo nabika ichakwiyipa kunyumba yane, sona nakwanilisya ichilapo chane.

Umulumbilili 11:9

Wee mulumendo, uhobokaye bo uchili we mulumendo. Bombagha zizyo umoyo wako ghukulonda sona vivyo amaso ghako ghakuvyennya. Loli ukumbukaye ukuti u Chala akwiza pakukulonga pa zyosi zizyo ukubomba.

Yesaya 22:13

Loli ennya, kuli ulusekelo nu buhobosu, baghogha ing'ombe nukubola ing'ozi, ukulya inyama nukung'wela uvinyo! Nukunena ukuti, “Leka tulyanje nukung'wela uvinyo, pachifukwa ichakuti indabi tukwiza pakufwa!”

Yesaya 3:16

U Mwene akuti, “Abakolo aba mu ziyoni bakwikwezya, bo bagholosizye isingo zyabo, bakutalankannya kuno na kuno, nukwenda kwabo ukwa kwituvya, bo bapinyiliye muvinama vyabo utujomvu.

Yesaya 47:8

Po ilelo, teghelezya, awe we wighanite ivya chisu, awe we ukwikala ukusita kwisungilila, we ukuti mumoyo wako, ‘Nene nemwene mpela atalipo uyunji sona. Ntakwiza pakubapo ne mufwilwe, sona abana bane batakwiza pakufwa.’

Yesaya 56:12

Abaching'wela banaba bakuti, ‘Zagha, tung'wele uvinyo! Zagha tukolwe ubwalwa! Indabi yikwiza pakuba ngati ilya ilelo, lumo likwiza pakuchilapo panapa.’ ”

Yelemiya 12:3

Loli pope bulo awe wee Mwene ummenye nkani, Ukunyennya nukuzipima nyinong'ono zyane namumo nkughaniye. Ubawesele kubutali abantu ababibi banaba ngati yo ng'ozi yiyo yikwiza pakughoghiwa. Ubapaghule ukuti balindililaye isiku ilya kughogheliwa.

Yelemiya 25:34

Mwee badimi, mulilaye nukufwifwitila nkani. Mwee balongozi aba bantu bane, mughalaghataye mulufumbi. Pakuti akabalilo kinyu akakughogheliwa kafika, sona mukwiza pakughoghiwa ngati bo badubi.

Ezekiyeli 16:49

Iyi yikaba mbibi iya muyemba wako u Sodomu, umwene na bana bache bakwituvya pachifukwa icha vyakulya ivyinji, bo abapina na bakusobelwa bakuyimba.

Ezekiyeli 39:17

“Wee mwana uwa muntu, u Mwene Uwamaka Ghosi akuti: Itizya uluko ulwa viyuni vyosi ni vinyamana vyosi ivya munkolongo, mwize nukubungana poka ukufuma kunkuto zyosi kulusekelo ulwa chakwiyipa ichikulu chicho nkubayanizizya pamaghamba agha Izilayeli. Palapala mukwiza pakulya inyama nukung'wela ibanda.

Amosi 6:1

Chighune ku mwe mufwasite mu Ziyoni, mwe muli mumutende mwighamba ilya Samaliya! Chighune ku mwe baluko ulumanyikwe, kuko aba Izilayeli bakubukako ukuti bavwiliziwe!

Luka 16:19

“Kukabako umuntu yumo yuyo akavwalagha amenda agha pamwanya nukwikala mubumi ubwakwihobosya amasiku ghosi.

Luka 16:25

Loli u Abulahamu akati, ‘Mwana wane, kumbuka ukuti pakabalilo aka bumi bwako ukapeghiwa ivintu ivyiza vyosi, bo u Lazalo akutamiwa. Loli ilelo akusekela mwene, po awe uli pakutamiwa nkani.

Aba Loma 13:13

Zagha tulanjizye inkalo inyiza ukuyana na bantu babo bakwenda mu lukozyo ulwa musanya. Tutakabe bantu bapafu pamo baching'wela, tutakabe bamalaya pamo bapopo, tutakabe balombwa pamo bakabini.

1 Timoti 5:6

Loli umukolo umufwilwe yuyo akwihobosya mwene ni vintu ivya muchisu ichapasi, afuye kale, napapo mumi.

2 Timoti 3:4

Batakwiza pakuba basubiliwa, bakwiza pakuba bapopo, na bamituvyo, na bakughana ivyakwihobosya, mubuzilo ubwa kumughana u Chala,

2 Pitala 2:13

nukufundiwa ukuyana nu bubibi bwabo. Chicho chizapo kukwabo ko kubomba izyakughahobosya amabili ghabo pamusanya. Abene bayanite ni vintu ivinyazu, sona bakukozya isoni pakuti bakuhoboka nkani pakubazimbula, bo mukulya poka nabo.

Yuda 1:12

Abantu banaba bakunyazya ulusekelo lwinyu ulwa bupoka. Bakulya poka namwe umwakusita isoni, sona bapafu. Bayanite bulo na mabingu ghagho ghakuputiwa ni mpepo, loli ghatakwiza ni vula. Bayanite bulo na makwi ghagho ghatakwela ivikomwa napapo kabalilo kache, sona ghagho ghanyunkuliwe nukufwila zila.

Ubuvumbuli 18:7

Mumuyivye nkani nukumupelela intamyo inkulu nkani ukuyana nu buchindamu bwache nubumi bwache ubwakwilagha. Pakuti akwituvya mumoyo wache akuti, ‘Nkwikala pano ngati we mwene umukolo. Ane inte ne mufwilwe, sona ntakwiza pakusulumannyapo nalumo.’

1 Samuweli 25:36

Bo u Abigelo anyokela kwa Nabali, u Nabali akaba munyumba bo ali nu lusekelo ulukulu nkani ngati ulwa mwene. U Nabali akahoboka nkani, pakuti akakolwa nkani. U Abigelo atakamubuzyapo nachimochimo mupaka indabi yache.

1 Samuweli 25:6

Mumubuzye muti u mwene u Devedi akukulamuka akuti, ‘Umutende ubanje nawe, poka na bamunyumba yako bosi, sona ni vintu vyosi vivyo uli navyo.