Yakobo 5:4 - IBAYIBOLO 2024

⁴ Abambombo babo bakinulagha mumaghunda ghinyu mutabalipiye. Teghelezya amilumbusyo ghabo. Inkuta iya binuli bala yivwika mumakutu agha Chala u Mwene Uwamaka Ghosi.

Ulufingo Ulupya

⁴ Abambombo babo bakinulagha mumaghunda ghinyu mutabalipiye. Teghelezya amilumbuzyo ghabo. Inkuta iya binuli bala yivwika mumakutu agha Chala u Mwene Uwamaka Ghosi.

Yakobo 5:4 Iomraidhean Croise

Ubwandilo 4:10

Po u Mwene akamulalusya sona u Kayini akati, “Nkimba choni chicho wabomba ichintu ichakoghofya ichi? Ibanda ilya muzuna wako likundilila mwitope.

Yobu 34:28

Bakakupela ukulila ukwa bapina ukufika pamaso pa Chala, umwakuti akivwa ukulila ukwa bantu abapotwe.

Yobu 7:2

Ngati muzya yuyo akunyonywa akazundila, pamo ngati waganyu yuyo ali pakulindilila amalipilo ghache,

Masalimo 9:12

Yuyo akutanizya abaghoghi akubakumbukagha abafwe, sona atakuluvyanga ukulila ukwa babo bali mumayimba.

Ukufuma 22:27

pachifukwa ichakuti umwenda ghunugho gho mwenda wene uwakuvwinka. Nkimba akwiza pakuvwinka ichoni? Nanti akundilila, nkwiza pakumwivwa, pakuti ne wachisa.

Ukufuma 3:9

Naloli nivwa inkuta iya ba Izilayeli, sona nkughennya amayimba ghagho aba Ijiputi bakubayivya nagho.

Yesaya 1:9

Nanti u Mwene Uwamaka Ghosi, atakabalekapo abantu bamo abakupona, ngali twaba ngati we Sodomu nu Gomola.

Yesaya 5:7

Umughunda uwa mampesya uwa Mwene Uwamaka Ghosi we Izilayeli, abantu aba mu Yuda vyo vibyalwa vyane vivyo nkuhoboka navyo. Akasubilagha ukuti babombaye ubwanaloli, loli akennyanga ibanda, akasubilagha ubugholosu, loli akivwanga ukulila ukwakuyiviwa kwene.

Yesaya 5:9

U Mwene Uwamaka Ghosi alamula bo nane nkwivwa ukuti, “Naloli inyumba inkulu nkani zikwiza pakuba visami, inyumba inkulu inyiza nkani zitakwiza pakuba na bantu.

Yelemiya 22:13

U Mwene akuti, “Chighune ku muntu yuyo akuzenga inyumba yache muzila zizyo te ngolosu, yuyo akuzenga ivipinda vyache ivya mumwanya mubuzimbuli, yuyo akubabombezya abantu pabulo, atakubalipila nakamokamo.

Aba Levi 19:13

“ ‘Utakamuzimbulaye umupalamani wako, pamo ukumwibila ukatundu wache. Utakasungaye amalipilo agha wambombo wako mupaka indabi yache.

Habakuku 2:11

Pakuti amabwe agha muvibumba ghakwiza pakulila, sona intatikilo zikwiza pakwamula.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Matayi 9:37

Po akababuzya abamanyili bache akati, “Inyinulo nkulu, loli abakwinula banandi.

Luka 18:7

Nkimba u Chala atakwiza pakubalongela akiza abantu bache, babo bakumulilila umusanya nu busiku? Nkimba akwiza pakuzyelazyela pakubavwa?

Aba Loma 9:29

Izi ziyanite bulo namumo umulaghuzi u Yesaya akanenela kale ukuti, “Nanti u Mwene Uwamaka Ghosi atakabalekapo abaluko bamo, ngali twaba ngati we Sodomu nu Gomola.”

Ukukumbusya Amalamulo 15:9

Muchebaye nkani ukuti mutakabe ni nyinong'ono imbibi mumoyo ghinyu nukuti, “Umwaka uwaseveni, ghugho mwaka uwakuzimya inkongole ghuli papipi,” umwakuti mutakamupelelaye ichisa uwamwinyu umupotwe pakusita ukumupa ichintu nachimochimo. Uwamwinyu yula akwiza pakumulilila u Mwene, po inongwa yikwiza pakuba pamitu yinyu.

Aba Kolosi 4:1

Mwe bamwene, mubapanje abazya binyu chicho chiza, sona ichenecho. Kumbuka ukuti namwe bulo muli nu Mwene winyu kumwanya.