Yakobo 5:3 - IBAYIBOLO 2024

³ Ugolide winyu nu siliva vyawa uluzima. Uluzima lunulu lo lulo lukwiza pakuba we kaboni uwakubasusya, sona lukwiza pakunangannya umubili winyu ghosi ngati gho moto. Mwilundikila ubukabi mumasiku aghabumalilo agha.

Ulufingo Ulupya

³ Ugolide winyu nu siliva vyawa uluzima. Uluzima lunulu lo lulo lukwiza pakuba we kaboni uwakubasusya, sona lukwiza pakunangannya ubumi bwinyu bosi ngati gho moto. Mwilundikila ubukabi mumasiku aghabumalilo agha.

Yakobo 5:3 Iomraidhean Croise

Ubwandilo 31:48

U Labani akamubuzya u Yakobo akati, “Ichibunga ichi chikwiza pakuba chikumbusyo pakasi papako nane.” Ichi cho chifukwa ubuzilo bula akabwita ukuti Galedi.

Ubwandilo 31:52

Ivintu vyosi vibili vinivi: Ichibunga nibwe ili cho chikumbusyo papako nane. Ntakwiza pakunyela nalumo ichibunga ichi pakwiza kukwako pakukubombela ichintu ichibibi, sona nawe utakanyele nalumo ichibunga ichi pakwiza kukwane pakumbombela ichintu ichibibi.

Ubwandilo 49:1

Bo u Yakobo amusaya u Efulayimu nu Manase, akabitizya abana bache nukuti, “Mubungane poka mwebosi, umwakuti imbabuzye zizyo zikwiza pakubabonekela muntazi.

Yobu 16:8

Wandema, po waba we mulwani wane, ukusimkizya ukuti nananga. Ane nasyala mafupa ghene, po bakunena ububibi pabuzelu.

Yesaya 2:2

Mumasiku aghabumalilo, ighamba ilya Nyumba iya Mwene, likwiza pakuba litali nkani pakasi pamaghamba ghosi. Likwiza pakuboneka pamwanya pamaghamba ghosi, sona inko zyosi zikwiza pakuchimbilila kulakula.

Yelemiya 19:9

Nkwiza pakubafyenga abantu banaba ukuti balye imibili iya bana babo abalumendo na balindu sona bakwiza pakulyana benebene pakabalilo akakoghofya bo bazyunguliliwe na balwani babo sona na babo bakulonda pakubaghogha.’

Mika 3:3

Amwe mwe mukulya inyama iya bantu bane, nukughakasa amabili ghabo, sona bakughapyolannya amafupa mutunanditunandi. Amwe mwe mukughapyolannya mutugabatugaba amafupa ghabo nukughadumulannya ukuti mughakazinge sona ukuti baghapiye musonta ngati yo nyama.”

Mika 4:1

Mumasiku aghabumalilo, ighamba ilya Nyumba iya Mwene likwiza pakuba litali nkani pakasi pamaghamba ghosi. Likwiza pakuboneka pamwanya pamaghamba ghosi, sona inko zikwiza pakuchimbilila kulakula.

Imbombo 2:17

‘U Chala akati: Izi zyo zizyo nkwiza pakubomba mumasiku aghabumalilo, nkwiza pakupungulila Umuzimu wane pabantu bosi. Abana binyu abalumendo na balindu bakwiza pakulaghula, abaghosi bakwiza pakulota ivilota, bope abalumendo bakwiza pakwennya ivisetuka.

Aba Loma 2:5

Loli pachifukwa icha bukafu ubwa moyo wako, sona nu moyo wako umusita kupinduka nukuzileka imbibi, ukwilundikila wemwene ubukali ubwa Chala, pisiku lilyo ubulongi bwache ubugholosu bukwiza pakuvumbuliwa.

2 Timoti 2:17

Ivimanyisyo vyabo ivi vikunyeka ngati cho chilonda icha nkonko. Mubantu banaba muli u Himenaya nu Fileta,

Yoshwa 24:27

Po akababuzya abantu bosi bala akati, “Ibwe ili we kaboni witu. Ibwe ili lyivwa vyosi vivyo u Mwene anena naswe. Ibwe linili we kaboni uwakubasusya nanti mukumusambukila u Chala winyu.”

2 Pitala 3:3

Ichakwanda pavyosi, mubaghiye pakwivwisya ukuti mumasiku aghabumalilo abantu abalobezyo bakwiza pakuboneka babo bakukonka ivinyonywa vyabo ivibibi.

Ubuvumbuli 17:16

Impembe 10 zizyo ukazyennya ni chinyamana chila vikwiza pakumubenga umukolo umalaya yula. Bakwiza pakumufyula vyosi vivyo ali navyo nukumuleka bwazi. Bakwiza pakughunangannya umubili wache nukumulungulizya numoto.

Ubuvumbuli 20:15

Umuntu wesi yuyo itabwa lyache litakasimbiwamo mwibuku ilya bumi, akasumbiwanga munyanja iya moto.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”