Yakobo 5:16 - IBAYIBOLO 2024

¹⁶ Polelo mwilatilanaye imbibi zyinyu sona nukwiputilana, umwakuti mupole. Ulwiputo ulwa mugholosu lwamaka, sona lukubomba ivintu ivikulu nkani.

Ulufingo Ulupya

¹⁶ Polelo mwilatilanaye imbibi zyinyu sona nukwiputilana, umwakuti mupole. Ulwiputo ulwa mugholosu lwamaka, sona lukubomba ivintu ivikulu nkani.

Yakobo 5:16 Iomraidhean Croise

Ubwandilo 19:29

Bo u Chala anangannya utwaya utwa mwikombe tula, akamukumbuka u Abulahamu, akamupoka u Loti kuluzimilo lula lulo lukanangannya utwaya tuto u Loti akikalaghamo.

Ubwandilo 20:17

U Abulahamu akamwiputila u Abimeleki, pachifukwa icha zizyo zikabombiwa, po u Chala akamupozya. Akamupozya sona umuchi wache poka na bakolo abazya ukuti impapo zyabo zyighuke sona,

Ubwandilo 20:7

Loli ilelo kamunyosekezye umwanavuli yula umuchi wache. Umulume wache we mulaghuzi, po akwiza pakukwiputila, umwakuti utakafwe. Loli nanti utakumunyosekezya umwanavuli yula umuchi, nkukusoka ukuti awe poka na bantu bako bosi mukwiza pakufwa.”

Ubwandilo 32:28

Umuntu yula akati, “Ukwanda ilelo itabwa lyako litakwiza pakuba sona we Yakobo. Watoba nu Chala, sona na bantu nukubapota. Polelo itabwa lyako likwiza pakuba we Izilayeli.”

2 Samuweli 19:19

nukumubuzya ukuti, “Wee mwene wane unhobokele. Utakakumbukaye imbibi yiyo ne wambombo wako nkakunangila pisiku lilyo ukepelaghamo mu Yelusalemu. Wee mwene wane utakabanje nazyo kusingo.

1 Abamwene 13:6

U mwene akamubuzya umulaghuzi yula akati, “Wee undambilizizyeko kwa Mwene u Chala wako, sona unyiputile ukuti inyobe yane yipole.” Umulaghuzi yula akamulambilizizya kwa Mwene, po inyobe yache yikapola.

2 Imbili 30:20

Po u Mwene akamwivwa u Hezekiya nukubahobokela abantu.

Yobu 42:8

Polelo senda inkambaku seveni na bana abang'ozi, mubuke ku mubombi wane u Yobu nukubika ichakwiyipa ichakocha pachifukwa ichamwemwe. U Yobu umubombi wane akwiza pakubiputila, po ane nkwiza pakwivwa ulwiputo lwache sona ntakwiza pakubomba ukuyana nubupunganu bwinyu. Pachifukwa ichakuti mutanenite ubwanaloli pamaso papane ngati mumo akabombela umubombi wane u Yobu.”

Masalimo 34:15

Amaso agha Mwene ghakubennyanga abantu abagholosu, sona amakutu ghache ghakuteghelezya ukulila kwabo.

Ukufuma 17:11

Nanti u Mozesi akwezezya mumwanya inyobe zyache, aba Izilayeli bakapotagha. Loli nanti isya pasi inyobe zyache, aba Amaleki bakapotagha.

Ukufuma 9:33

U Mozesi akepapo pamaso pa Falabo nukwepamo mukaya akakulu nkani kala. Akagholosezya inyobe zyache mumwanya nukwiputa kwa Mwene. Ukupaya ni vula iya mabwe yila vikaleka, po yitakatima sona pachisu ichapasi.

Ivyili 15:29

U Mwene akuba kubutali nu muntu umubibi, loli akwivwa ulwiputo ulwa muntu umugholosu.

Ivyili 15:8

U Mwene achibengite ichakwiyipa icha muntu umubibi, loli ulwiputo ulwa muntu umugholosu lukumuhobosyanga.

Ivyili 28:9

Nanti umuntu atakuzikonka indaghilo, zyope inyiputo zyache zitakumuhobosyanga u Mwene.

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yelemiya 33:3

‘Laba kukwane po Ane nkwiza pakukwamula nukukubuzya ivintu vivyo vyibizu nkani sona utavimenyemo.’

Yelemiya 42:2

bakamubuzya umulaghuzi bakati, “Twalamba, utulabileko kwa Mwene u Chala witu aswe twe bakusyalako. Ngati mumo ukutwenezya, napapo tukaba binji nkani, loli ilelo twasyala banandi bulo.

Ukubelengiwa 11:2

Abantu bakamulilila u Mozesi, po u Mozesi akiputa kwa Mwene, sona umoto ghula ghukazima.

Matayi 21:22

Nanti mukusubila, mukwiza pakupokela chosi chicho mukulaba munyiputo.”

Matayi 3:6

Bakilata imbibi zyabo nukoziwa nu Yohani mulusoko ulwa Yolodani.

Maliko 1:5

Abantu bosi aba muchigaba icha Yudeya naba mu Yelusalemu bakiza kukwache. Bakilata imbibi zyabo nukoziwa nu Yohani mulusoko ulwa Yolodani.

Luka 9:6

Abamanyili bala bakabuka nukwenda mutwaya tosi, pakulumbilila Amazyu Amiza nukupozya abantu kosi na kosi.

Yohani 9:31

Aswe tuzimenye ukuti u Chala atakwamula inyiputo izya bambibi, loli akwamula inyiputo izya bantu babo bakumuchindika nukubomba zizyo akulonda.

Imbombo 10:38

Muzimenye izya Yesu uwamu Nazaleti, sona namumo u Chala akamupakazya nu Muzimu Umuzelu na maka. Akabuka kosi na kosi, akabomba inyiza nukupozya abantu bosi babo bakaba pasi pabulaghili ubwa Satana, pakuti u Chala akaba nawe.

Imbombo 19:18

Abinji aba babo bakasubila bakiza, bakitika nukwilata imbibi zyabo zyosi zizyo bakabomba.

Imbombo 8:24

U Simoni akanena kwa Pitala nu Yohani akati, “Napela, munyiputilaye kwa Mwene ukuti nachimochimo icha vintu vivyo mwanena chitakambonekele.”

Aba Loma 3:10

Pakuti Amasimbo ghakuti, “Nayumo umuntu yuyo mugholosu, awe atalipo nayumoyumo.

Aba Loma 5:19

Pakuti ukuyana namumo abantu abinji bakabila bambibi pachifukwa ichakusita kwivwila ukwa muntu weka, umwakuyana bulo, abantu abinji bakwiza pakuneniwa ukuti bagholosu pamaso pa Chala pachifukwa icha kwivwila ukwa muntu weka.

Aba Kolosi 1:9

Pachifukwa ichi, ukwandila mumo tukivwila, tutakalekapo nalumolumo pakubiputila. Tukumulaba u Chala ukuti abizuzye amwe na mahala, sona na kivwisizye aka ivintu vivyo u Muzimu Umuzelu akupa, umwakuti mwivwisye vivyo akulonda.

1 Aba Tesalonika 5:17

sona mwiputaye akabalilo kosi.

1 Aba Tesalonika 5:23

U Chala umwenecho uwa mutende abapelaye pakuba bazelu muvintu vyosi. Umuzimu winyu ghosi nu moyo winyu ghosi, sona nu mubili winyu ghosi, vitakabanje ni chilema nachimochimo pakwiza ukwa Mwene witu u Yesu Kilisitu.

1 Aba Tesalonika 5:25

Bakamu bitu, mutwiputilaye.

Aba Hebeli 11:4

Lukaba lwitiko lulo lukamupela u Abeli akubika ichakwiyipa ichiza nkani kwa Chala ukuchila icha Kayini. Ukwendela mu lwitiko lwache u Chala akamunena pakuba mugholosu pantazi papache, pakuti u Chala akitikizya ivyabupi vyache. Sona pachifukwa icha lwitiko lwache, u Abeli achili akunena napapo afuye.

Aba Hebeli 11:7

Lukaba lwitiko lulo lukamupela u Nowa ukuti asokiwe nu Chala nizya vintu vivyo vikaba vichili vitabonekite. U Nowa akivwila nukubiza ubwato bubo umwene poka ni mbumba yache bakaponelamo. Pachifukwa icha ulwitiko lwache, u Nowa akalanjizya ukuti abantu aba muchisu ichapasi banangite, po akapokela ichilingo icha bugholosu, chicho u Chala akubapa abantu babo bakumusubila.

Aba Hebeli 12:13

Muyannye izila izyakukanyamo inyayo zyinyu, umwakuti ichigaba chicho chilemaye chitakavyughuke, loli ukuti chipole.

Aba Hebeli 13:18

Mutwiputilaye pakuti tuli nu bwanaloli ubwakuti umabyebye witu mwiza, pachifukwa ichakuti tukulonda pakubomba chicho chigholosu akabalilo kosi.

Yoshwa 10:12

Pisiku lilyo u Mwene akababika aba Amoli munyobe izya ba Izilayeli, u Yoshwa akanena nu Mwene pamaso paba Izilayeli akati, “Wee lizuba, wime bulo pa Gibeyoni. Wee mwezi, wime bulo po pikombe ilya Ayaloni.”

1 Pitala 2:24

U Yesu Kilisitu umwenecho akanyamula imbibi zyitu mumubili wache pachipinjika, umwakuti aswe tufwe kumbibi nukuba bumi pakubomba ubugholosu. Mwapola pachifukwa icha vilonda vyache.

1 Yohani 3:22

Polelo tukupokela chosi chicho tukumulaba pachifukwa ichakuti tukukonka amalamulo ghache nukubomba vivyo vikumuhobosya.

1 Samuweli 1:12

Bo akwendelela pakumwiputa u Mwene bulabula, u Eli akawenelezya umulomo wache.

1 Samuweli 12:17

Nkimba aka te kabalilo akakwinulila ingano? Pope bulo nkwiza pakwiputa, sona u Mwene akwiza pakubajilimizizya nukubawisizya ivula. Po mukwiza pakuzyaghannya ukuti mukabomba imbibi inkulu nkani pamaso pa Mwene pakumulaba ukuti abape u mwene.”

1 Samuweli 12:18

U Samuweli akiputa kwa Mwene, po pisiku lilalila Mwene akabajilimizizya nukubawisizya ivula, umwakuti abantu bosi bakamunyila nkani u Mwene, poka nu Samuweli.