Yakobo 5:13 - IBAYIBOLO 2024

¹³ Nkimba alipo umuntu yumo mumwinyu yuyo ali mumayimba? Iputaye. Fwandi, alipo yumo yuyo ahobokite? Imbaye inyimbo izyakumupala u Chala.

Ulufingo Ulupya

¹³ Nkimba alipo umuntu yumo mumwinyu yuyo ali mumayimba? Iputaye. Fwandi, alipo yumo yuyo ahobokite? Imbaye inyimbo izyakumupala u Chala.

Yakobo 5:13 Iomraidhean Croise

1 Imbili 16:9

Mumwimbilaye u Mwene, mumwimbilaye inyimbo izya mapalo, muzifumusyanje imbombo zyache izyakuswighisya.

Yobu 33:26

Akwiputa kwa Chala po akumupelela ichisa, akwennya icheni icha Chala nukuhoboka. U Chala akumunyosezyamo pakuba mugholosu.

Masalimo 105:2

Mumwimbilaye u Mwene, mumwimbilaye inyimbo izya mapalo, muzifumusyanje imbombo zyache izyakuswighisya.

Masalimo 118:5

Bo indi muntamyo, nkamulilila u Mwene, po akanyefyezya intamyo zyane zyosi.

Masalimo 18:6

Bo indi mumayimba, nkamwitizya u Mwene, sona nkamulililagha u Chala wane ukuti anyavwe. Akanyivwanga bo ali mu Nyumba yache, sona ukulila kwane kukivwikagha mumakutu ghache.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 91:15

Bo akunyitizya, ane nkwiza pakumwamula. Nkwiza pakuba nawe muntamyo zyache zyosi, nkwiza pakumupoka nukumuchindika.

Masalimo 95:2

Zagha tufikaye pamaso papache ukuti tumupalizye, sona pakumwimbila inyimbo izyakupalizikizya.

Yesaya 65:14

Ababombi bane bakwiza pakwimba, nukuhoboka mumoyo, loli amwe mukwiza pakulila, pachifukwa icha kubaba mumoyo, pachifukwa icha kuyimba ukwa mumuzimu.

Daniyeli 5:4

Bo bakung'wela uvinyo bakabapalagha abachala aba golide naba siliva naba mukuba naba chela naba makwi sona naba mabwe.

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Yona 2:2

“Wee Mwene bo indi muntamyo inkulu nkani nkakwitizya, po ukanyamula. Bo indi mukasi muchisu icha bantu abafwe, nkakulilila ukuti unyivwe, po ukanyivwa.

Yona 2:7

Bo nennya ukuti nkufwa nkakukumbuka awe, wee Mwene, po mu Nyumba yako izelu ukivwa ulwiputo lwane.

Mika 4:5

Inko zyosi zikumuchindika, nukumwivwila u chala wabo, loli aswe tukwiza pakumwiputa nukumwivwila u Mwene u Chala witu bwila na bwila.

Matayi 26:30

Po bakimba ulwimbo ulwakumuchindika u Chala nukubuka Pighamba ilya Misyunguti.

Luka 22:44

U Yesu akayimba nkani mumoyo wache nukwiputa umwakufikapo. Amafuku ghache ghakatonyela pasi ngati lyo libanda.

Luka 23:42

Po akati, “Yesu, unkumbuke nanti wafika mu Bumwene bwako!”

1 Aba Kolinti 14:15

Po, nkimba imbombe choni? Nkwiza pakwiputa nu muzimu wane, loli nkwiza pakwiputa sona ni nyinong'ono zyane bulo. Nkwiza pakwimba nu muzimu wane, loli nkwiza pakwimba sona ni nyinong'ono zyane bulo.

1 Aba Kolinti 14:26

Mwee bakamu bane, nkimba po tungati choni? Bo mukukomana pakwiputa, umuntu yumo ali nu lwimbo, uyunji ni chimanyisyo, uwamwabo ali nu buvumbuli ubwakufuma kwa Chala, uyunji ukunenela mundimi injeni, sona uwamwabo akusanusya zizyo zikuneniwa. Zyosi zinizi zibaghiye pakubombiwa ukuti ichipanga chizengiwe.

Aba Efeso 5:19

Mwangalilanaye na mazyu agha masalimo, ni nyimbo izyakumupala u Chala, sona ni nyimbo izya buzimu. Po mumwimbilaye u Mwene inyimbo nukumupala mumoyo ghinyu.

Aba Hebeli 5:7

Mumasiku agha bumi bwache muchisu ichapasi, u Yesu akiputa nukulambilizya kwa Chala umwakukolomoka ukukulu nkani, sona na masozi pakumulilila yuyo angamupoka kubufwe. U Chala akamwivwa pachifukwa ichakwiyisya nukwiyipa kwache.

Yakobo 5:10

Mwee bakamu bane, mubakumbuke abalaghuzi babo bakanenela mwitabwa ilya Mwene pakuba chifwanikizyo icha bufisalyoyo mutubalilo utwa mayimba.

Ubuvumbuli 14:3

Abantu 144,000 bala bakimbagha ulwimbo ulupya pantazi pachitengo icha bumwene, na pantazi pa vipeliwa ivyabumi folo, sona na pamaso pa basongo. Atakabapo nayumo umuntu, yuyo akamanyilapo ulwimbo lula, loli abantu 144,000 bene, babo bakapokiwa pakasi pabantu aba muchisu ichapasi.

Ubuvumbuli 7:10

Bakakolomoka nkani bakati, “Ubupoki bukufuma kwa Chala witu, yuyo akwikala pachitengo icha bumwene, na ku Mwana uwa ng'ozi!”