Yakobo 4:6 - IBAYIBOLO 2024

⁶ Loli ichisa chicho u Chala akutulanjizya chamaka nkani. Ichi cho chifukwa Amasimbo ghakuti, “U Chala akubasusya abantu abakwitutumula, loli akubapelela ichisa abantu abakwiyisya.”

Ulufingo Ulupya

⁶ Loli ichisa chicho u Chala akutulanjizya chamaka nkani. Ichi cho chifukwa Amasimbo ghakuti, “U Chala akubasusya abantu abakwitutumula, loli akubapelela ichisa abantu abakwiyisya.”

Yakobo 4:6 Iomraidhean Croise

2 Imbili 32:26

Pisinda pache u Hezekiya akiyisya nukuleka pakwituvya, ukuyana namumo bakabombela abantu aba mu Yelusalemu. Po u Mwene atakabakalalila abantu pakabalilo aka Hezekiya.

2 Imbili 33:12

Pakabalilo akantamyo zyache, akamulabagha u Mwene u Chala wache nukwiyisya nkani pamaso pa Chala uwa banyenya bache.

2 Imbili 33:19

Ulwiputo lwache sona namumo akamulambilizizya u Chala ni mbibi zyache zyosi nukusita kusubiliwa kwache na pakwiputilapo ivifwani ni vifwani ivya Ashela ni vifwani ivinji bo achili pakwiyisya, zyosi zisimbiwe mwibuku ilya Mbili iya balaghuzi.

2 Imbili 33:23

U Amoni atakiyisya pamaso pa Mwene ukuyana namumo akabombelagha uwise u Manase, loli akabombagha imbibi.

2 Imbili 34:27

Pachifukwa ichakuti wapinduka nukwiyisya we mwene pamaso pa Chala, bo wivwa amazyu aghakususannya nakaya akakulu nkani kanaka, poka na bantu bache sona nukuti wiyisya pamaso papane pakuzepula inkazo yako nukulila pamaso papane, nane nivwa ulwiputo lwako. Ane ne Mwene nene nanena.

Yobu 22:29

Pakuti u Chala akubisya abakwituvya loli akubapoka abakwiyisya.

Masalimo 138:6

Napapo u Mwene ali kumwanya, akubasungilila abantu abakwiyisya, loli abakwituvya akubamanyila pabutali bulo.

Masalimo 9:12

Yuyo akutanizya abaghoghi akubakumbukagha abafwe, sona atakuluvyanga ukulila ukwa babo bali mumayimba.

Ukufuma 18:11

Ilelo namanya ukuti, u Mwene wamaka nkani ukubachila abachala abanji bosi, pachifukwa ichakuti akabapoka aba Izilayeli munyobe izya ba Ijiputi, bo bakubayivya.”

Ivyili 15:33

Ukumunyila u Mwene kukumumanyisya amahala umuntu, sona umuchizi ghukwizagha nanti umuntu akwiyisya mwene.

Ivyili 18:12

Bo ukunanganika kutafikite, umoyo uwa muntu ukwitutumula, loli umuchizi ghukukonkaghapo nanti umuntu awakwiyisya.

Ivyili 22:4

Umuvwalo uwa kwiyisya nukumuchindika u Mwene bo bukabi nu muchizi, sona nubumi ubutali.

Ivyili 29:23

Ukwituvya ukwa muntu kukumuwisya mwene, loli umuntu uwakwiyisya abantu bakumuchindika.

Ivyili 3:34

U Mwene akumusamula umuntu uwalobezyo, loli akumupelela ichisa umuntu uwakwiyisya.

Yesaya 2:17

Bosi abakwitutumula bakwiza pakukoziwa isoni, sona bosi abamituvyo bakwiza pakwisiwa pasi. Loli u Mwene weyuyo akwiza pakukweziwa pisiku lilalila.

Yesaya 54:7

“Mukabalilo akapimpa bulo nkakuleka, loli ni chililizi ichikulu nkani nkwiza pakukusenda sona.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Matayi 13:12

Pakuti umuntu yuyo ali nako kale kamo, akwiza pakumonjelezyapo ivyinji, ukuti abanje navyo ivyinji ukuchila. Loli umuntu yuyo ate nako kamo akwiza pakufyuliwa na kanandi bulo kako ali nako kale.

Matayi 23:12

Umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.

Luka 1:52

Abawisya abamwene abamaka pa vitengo vyabo, nukubakwezya abakwiyisya.

Luka 14:11

Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

Luka 18:14

U Yesu akati, “Nkubabuzya ukuti umusonkezya sonko akabwela kunyumba, bo u Chala amunena pakuba mugholosu pamaso papache, umu Falisayi yula, awe. Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

Yakobo 4:10

Mwiyisyanje mwebene pamaso pa Mwene, po akwiza pakubakwezya.

1 Pitala 5:5

Umwakuyana bulo, namwe mwe balumendo, mubivwilaye abantu abasongo. Mwebosi mubanje nu moyo uwakwiyisya bo mukubombelana mwebenebene pakuti Amasimbo ghakuti, “U chala akubasusya abantu abamituvyo, loli akubalanjizya ichisa abantu abakwiyisya.”

1 Samuweli 2:3

“Muleke pakwitutumula, sona amalomo ghinyu ghatakituvyanje. Pakuti u Mwene we Chala, yuyo azimenye imbombo izya bantu, sona akwiza pakubalonga ukuyana ni mbombo zyabo.