Yakobo 4:4 - IBAYIBOLO 2024

⁴ Mwe bantu mwe mute mwe basubiliwa mwee! Nkimba mutazimenye ukuti pakuba bamanyani aba chisu ichapasi, mukwipela mwebene pakuba balwani aba Chala? Abantu babo bakulonda pakuba bamanyani aba muchisu ichapasi bakwipela bene pakuba balwani aba Chala.

Ulufingo Ulupya

⁴ Mwe bantu mwe mute mwe basubiliwa mwee! Nkimba mutazimenye ukuti pakuba bamanyani aba chisu ichapasi, mukwipela mwebene pakuba balwani aba Chala? Abantu babo bakulonda pakuba bamanyani aba muchisu ichapasi bakwipela bene pakuba balwani aba Chala.

Yakobo 4:4 Iomraidhean Croise

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

Masalimo 21:8

Inyobe yako yikwiza pakubapota abalwani bako, inyobe yako indilo yikwiza pakubalema babo bakubengite.

Masalimo 50:18

Nanti wamwennya umwiba nawe ukumanyana nawe, sona ukwenda mukabukatila aka balowe.

Masalimo 73:27

Abantu bosi babo bali kubutali nawe bazimilaye. Pakuti ukubazimizya abantu bosi babo te basubiliwa kukwako.

Yesaya 57:3

Loli zagha kuno amwe, mwe bana abalumendo aba mukolo uwamayele, mwe bana abamukolo umulowe numalaya!

Yelemiya 2:2

“Buka nukufumusya ku muntu wesi mu Yelusalemu ukuti: ‘Nkubukumbuka ubusubiliwa bwako bo we mulumendo, namumo ukanganila ngati mulindu yuyo akulonda pakusendwa, namumo ukendelegha nane munkolongo, muchisu chicho batakabyalamo nachimochimo.

Yelemiya 9:2

Mwee, nalondagha nkani ngati po ningaba ni nyumba munkolongo, umwakuti imbaleke abantu bane nukubepukilamo, pakuti bosi bo bamalaya, ichilundilo icha bantu babo bate basubiliwa.

Ezekiyeli 16:32

“ ‘Wee muchi umalaya! Ukubalonda abayeni mubuzilo ubwa mulume uwako nu wako!

Hoseya 3:1

U Mwene akambuzya akati, “Bukagha ughanane sona nu mukolo yula napapo ali nu mwanavuli uyunji, sona nukuti umukolo yunuyu we malaya. Umughanaye ngati mumo u Mwene abaghaniye aba Izilayeli, napapo abantu banaba bakubiputa abachala abanji, sona nukuti abaghanite nkani pakubika ichakwiyipa icha ivitumbuwa ivipapate ivya mampesya.”

Matayi 12:39

U Yesu akabamula akati, “Abantu abankulilo iyi babibi na basita lusubilo, bakulonda ichiswigho? Awe, loli ichiswigho chene chicho bakwiza pakuchennya, cho chiswigho icha mulaghuzi u Yona.

Matayi 16:4

Abantu abankulilo iyi babibi na basita lusubilo bakulonda ichiswigho? Awe, loli ichiswigho chene chicho bakwiza pakuchennya cho chiswigho icha Yona!” Po akabaleka nukubuka.

Matayi 6:24

“Atalipo uwambombo yuyo angababombela imbombo abamwene babili pakabalilo koka. Pakuti angamughana weka nukumubenga uyunji, pamo angamwivwila weka nukumusula uyunji. Utangabombela vyosi vibili akabalilo koka, u Chala ni ndalama.

Luka 19:27

Loli abalwani bane babo batakandondagha ukuti imbanje ne mwene wabo, mwize nabo kuno nukubaghogha pamaso papane.’ ”

Yohani 15:19

Nanti mukabanga mwe bantu aba muchisu ichapasi, po ngali bantu aba muchisu ichapasi babaghanite amwe pakuti muli poka nabo. Loli nkabasala amwe pakasi pabantu aba muchisu ichapasi, po mute sona bantu aba muchisu ichapasi. Ichi cho chifukwa bantu aba muchisu ichapasi bakubabenga.

Yohani 17:14

Ane nkabapa amazyu ghako, loli abantu aba muchisu ichapasi chikababenga pakuti bate ba muchisu ichapasi ukuyana namumo ane inte ne wa muchisu ichapasi.

Yohani 7:7

Abantu aba muchisu ichapasi batangababenga, loli bambengite pakuti nkubasimikizya ukuti imbombo zyabo mbibi.

Aba Loma 5:10

Pakuti tukaba balwani aba Chala, loli akasayana naswe ukwendela mu bufwe ubwa Mwana wache. Pakuti ilelo twaba bamanyani aba Chala, naloliloli tukwiza pakupokiwa ukwendela mubumi ubwa Kilisitu!

Aba Loma 8:7

Nanti umuntu akubika inyinong'ono zyache pabuntu ubwa mbibi, we mulwani uwa Chala pakuti atakukonka Indaghilo izya Chala, naloliloli atangavwilapo nalumo.

1 Aba Kolinti 1:20

Polelo ali ko kwiyi umuntu uwamahala? Ali ko kwiyi umuntu umumanyi? Nkimba ali ko kwiyi umuntu uwakwinong'ona umwakufikapo muchisu ichapasi? U Chala alanjizya ukuti amahala agha muchisu ichapasi ghabupunganu.

1 Aba Kolinti 1:21

Pakuti u Chala mumahala ghache, akabatikila zila ukuti abantu batakamumanye na mahala ghabo. Loli chikamuhobosya u Chala ukuti abapoke abantu babo bakughasubila amazyu ghagho tukulumbilila, napapo abene bakuti ghabupunganu.

Aba Galatiya 1:10

Nkimba mukwinong'ona ukuti nkulonda amapalo agha bantu? Awe, loli nkulonda amapalo agha Chala. Fwandi, mukwinong'ona ukuti nkuyezya pakubahobosya abantu? Nanti nkuyezya pakuhobosya abantu, po ngali inte ne wambombo uwa Kilisitu.

Yakobo 1:27

Ichiputo ichanaloli, chicho chite ni chilema pamaso pa Chala u Tata cho ichi: Ukubasungilila abana abalanda na bakolo abafwilwe muntamyo zyabo, sona nukwisungilila wemwene ukuti utakinyazyanje ni vintu ivya muchisu ichapasi.