Yakobo 4:3 - IBAYIBOLO 2024

³ Sona napapo bo mukulaba, mutakuvipokela pachifukwa ichakuti mukulaba akabibi. Ivintu vivyo mukulaba mukulonda pakuvibombezya ukuhobosya amabili ghinyu ghene.

Ulufingo Ulupya

³ Sona napapo bo mukulaba, mutakuvipokela pachifukwa chakuti mukulaba akabibi. Ivintu vivyo mukulaba mukulonda pakuvibombezya ukuhobosya amabili ghinyu ghene.

Yakobo 4:3 Iomraidhean Croise

1 Abamwene 3:11

Po u Mwene akamubuzya u Solomoni akati, “Pachifukwa ichakuti walaba amahala sona utakalaba ubumi ubutali pamo ubukabi pamo ubufwe ubwa abalwani bako loli walaba amahala aghakubalaghilila abantu bako.

Yobu 35:12

Atakwamula nanti abantu bakumulilila pachifukwa icha kwituvya ukwa bantu ababibi.

Masalimo 18:41

Bakalilagha ukuti abavwe, loli patakabapo nayumoyumo umuntu uwakubapoka. Bakalilagha kwa Mwene, loli atakabamula.

Ivyili 1:28

“Po bakwiza pakunyitizya, loli ntakwiza pakwamula, bakwiza pakundondelezya, loli batakwiza pakunyagha.”

Ivyili 15:8

U Mwene achibengite ichakwiyipa icha muntu umubibi, loli ulwiputo ulwa muntu umugholosu lukumuhobosyanga.

Ivyili 21:13

Nanti umuntu akwighalila amakutu ghache bo umupina akulila, wepe akwiza pakulila sona atakwiza pakwamuliwa.

Ivyili 21:27

Ichakwiyipa icha muntu umubibi gho mwiko, nkaninkani nanti achibika ni nyinong'ono imbibi!

Yelemiya 11:11

Polelo u Mwene akuti, ‘Nkubizila nintamyo yiyo batabaghiye pakuyichimbila. Napapo bangandilila, pope bulo ntakwiza pakubivwa napo panandi.

Yelemiya 11:14

“Yelemiya, utakabiputilaye abantu banaba pamo ukubalabila, pachifukwa ichakuti ntakwiza pakubivwa bo bakunyitizya pakabalilo akantamyo.

Yelemiya 14:12

Napapo bangatuzya pakulya, ntakwiza pakwivwa ukulila kwabo, napapo bangabika ivyakwiyipa ivyakocha sona ni vyakwiyipa ivya busu pope bulo ntakwiza pakubapokela. Mubuzilo bwache, nkwiza pakubanangannya nupanga, nizala sona ni chiwaya.”

Mika 3:4

Po bakwiza pakumulilila u Mwene, loli atakwiza pakubamula. Pakabalilo kalakala akwiza pakubapa inkonto, pachifukwa icha bubibi bubo babombite.

Zekaliya 7:13

“U Mwene Uwamaka Ghosi akuti, ‘Bo nkubitizya batakivwanga, bo bope bakunyitizya, intakabateghelezya.

Matayi 20:22

U Yesu akabamula abana bala akati, “Mutakuchimanya chicho mukulaba. Nkimba mungang'wela mulubako ulwa ntamyo lulo nkwiza pakung'welamo?” Bakamula bakati, “Eee, tungachibomba.”

Maliko 10:38

U Yesu akababuzya akati, “Mutakuchimanya chicho mukulaba. Nkimba mungang'wela mulubako ulwa ntamyo lulo imbaghiye pakung'welelamo? Nkimba mungoziwa umwakuyana bulo namumo imbaghiye pakoziwa?”

Luka 11:10

Pakuti umuntu wesi yuyo akulaba akwiza pakupokela, sona umuntu wesi yuyo akulonda akwiza pakuvyagha, sona umuntu wesi yuyo akukong'osya, ulwiyi lukwiza pakumwighukila.

Luka 15:13

Bo ghachilapo amasiku amanandi, umwana umunandi yula akaghulizya ichigaba chimo icha chuma chache nukwepapo panyumba ni ndalama zyache. Akabuka kuchisu icha kubutali, kuko akataghila indalama zyache mubumi ubwakusita ukwipasikizya.

Luka 15:30

Loli umwana wako uyu akatagha ichuma chako chosi mubwamalaya, po akunyokela kunyumba, ukumughoghela ingwata inyine nkani.’

Yakobo 4:1

Nkimba ubulwe nukudalinkana vivyo vili mumwinyu vikufuma kwiyi? Nkimba vitakufuma ku vinyonywa vyinyu ivibibi, vivyo vikulwana mumwinyu?

1 Yohani 3:22

Polelo tukupokela chosi chicho tukumulaba pachifukwa ichakuti tukukonka amalamulo ghache nukubomba vivyo vikumuhobosya.

1 Yohani 5:14

Aswe twe bajivu nkani pamaso pa Chala, pakuti tuli nu lusubilo ulwakuti akutwivwa nanti tukumulaba ichintu chimo ukuyana nu bwighane bwache.