Yakobo 4:2 - IBAYIBOLO 2024

² Mukunyonywa ivintu, loli mutakuvyagha, cho chifukwa mukughogha abamwinyu. Mukunyonywa ivintu, loli mutakuvyagha cho chifukwa mukulwa nukudalinkana. Mutakuvyagha ivintu vilavila pachifukwa ichakuti mutakulaba kwa Chala.

Ulufingo Ulupya

² Mukunyonywa ivintu, loli mutakuvyagha, cho chifukwa mukughogha abamwinyu. Mukunyonywa ivintu, loli mutakuvyagha cho chifukwa mukulwa nu kudalinkana. Mutakuvyagha ivintu vilavila pachifukwa chakuti mutakulaba kwa Chala.

Yakobo 4:2 Iomraidhean Croise

1 Abamwene 21:6

Akamwamula akati, “Pachifukwa ichakuti nkamubuzya u Naboti umu Yezileli ukuti, ‘Ungulizizye umughunda wako uwa mampesya. Pamo nanti ukulonda ningakupa umughunda uwa mampesya ughunji bulo.’ Loli akamula akati, ‘Ntangakupa umughunda wane uwa mampesya.’ ”

Ivyili 1:19

Ubu bo bumalilo ubwa bantu bosi babo bakubwagha ubukabi pachifukwa icha bwite, ubukabi bulabula bukubaghogha abenecho.

Umulumbilili 4:8

Pakabapo umuntu yumo yuyo akaba bulo mwene atakaba nu mwana pamo uwamwabo. Atakalekagha pakwiyula, loli atakikutagha nu bukabi bwache. Akilalusya akati, “Nkimba nkumuyimbila uwenu, sona nkimba choni chicho nkwiyima nemwene ukwilagha?” Vyope vinivi vite ni mbombo nayimoyimo, ko kuyimba bulo.

Yesaya 7:12

Loli u Ahazi akamula akati, “Ntakwiza pakumulaba ichimanyilo pakuti intakulonda pakumuyela u Mwene.”

Habakuku 2:5

Momumo, uvinyo akumuzimbula umuntu, akwituvya sona atakuba nu mutende. Pachifukwa ichakuti mupafu ngati mapumpa, napapo atakwikuta nalumo ngati bo bufwe, akwibunganikila mwene abantu aba inko zyosi, nukubasenda abantu abanji pakuba bakayidi.

Yohani 16:24

Ukufika pakabalilo aka, mutalabitepo nachimo mwitabwa lyane. Laba, po mukwiza pakupokela, umwakuti ubuhobosu bwinyu bubanje bwakufikapo.

Yohani 4:10

U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.

Yakobo 5:6

Mwabasusya nukubaghogha abantu abasita inongwa, babo batakaba nu lusako ulwakwiyimila bene.

1 Yohani 3:15

Umuntu wesi yuyo amubengite umukamu wache, kokuti mughoghi, sona muzimenye ukuti umughoghi ate nubumi ubwa bwila na bwila.