Yakobo 4:11 - IBAYIBOLO 2024

¹¹ Mwee bakamu bane, mutakayebanaye. Umuntu wesi yuyo akumunena uwamwabo ububibi pamo ukumususya, kokuti akuzinena ububibi nukuzisusya Indaghilo izya Chala. Nanti ukuzilonga Indaghilo izya Chala, kokuti utakuzikonka, loli waba we mulongi.

Ulufingo Ulupya

¹¹ Mwee bakamu bane, mutakayebanaye. Umuntu wesi yuyo akumunena uwamwabo ububibi pamo ukumususya, kokuti akuzinena ububibi nukuzisusya Indaghilo izya Chala. Nanti ukuzilonga Indaghilo izya Chala, kokuti utakuzikonka, loli waba we mulongi.

Yakobo 4:11 Iomraidhean Croise

Masalimo 140:11

Umuyebi atakikalanaye muchisu, sona intamyo zibawilaye abantu abalombwa.

Luka 6:37

“Mutakabalongaye abantu abanji, po namwe bulo mutakwiza pakulongiwa. Mutakabasusyanje abantu abanji, po namwe bulo mutakwiza pakususyiwa. Mubahobokelaye abantu abanji, po namwe bulo mukwiza pakuhobokeliwa.

Aba Loma 2:1

Awe, we ukulonga abanji, manyi wewenu, ute na pakulyeghelapo? Pakuti bo ukulonga abanji, ukwisusya wemwene pakuti we mulongi ukubomba ivintu vilavila.

Aba Loma 2:13

Pakuti, bate bo babo bakwivwa bulo Indaghilo babo u Chala akubanena ukuti bantu bagholosu pamaso papache, loli babo bakubomba zizyo Indaghilo zikunena, bo babo u Chala akubanena ukuti bantu bagholosu pamaso pa Chala.

Aba Loma 7:7

Nkimba tungati choni? Tungati Indaghilo zikunanga? Awe! Loli Indaghilo zyo zizyo zimpelite ukuti imanye imbibi mumo yibeleye. Nanti Indaghilo yitanenite ukuti, “Utakanyonywanje,” ngali ntazimenye ukuti ichinyonywa mbibi.

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.

2 Aba Kolinti 12:20

Pakuti nkunyila ukuti lumo ningiza nukubagha bulo ukulekana namumo nalondelagha, sona nukuti namwe munganyagha bulo ukulekana namumo mwalondelagha. Nkunyila sona ukuti lumo ningagha ukudalinkana, na kabini nukukalala nukwiyighana, ni ntuko, ni yebo nukwitutumula, sona nu buvulunganu.

Aba Efeso 4:31

Mwefezye zila ulubengo mumwinyu nu bukali, sona nukukalala. Kutakabeko sona ivyongo pamo iyebo, sona nukwinong'onelana ivibibi.

1 Timoti 3:11

Umwakuyana bulo, bope na bachi babo babanje ni nkalo inyiza, sona batakabanje ni yebo, awe. Batakakolwanje, sona babanje basubiliwa muvyosi.

2 Timoti 3:3

Bakwiza pakuba basita lughano, na basita luhobokelo, na biyebo, na bavyongo, na bakoghofya, sona na balubengo pavintu ivyiza.

Titi 2:3

Umwakuyana bulo, bope na bakolo abachasongo, ubamanyisye ukuti babanje ni nkalo iyakuyana na bakolo babo bali nubumi ubuzelu. Batakabanje bantu abiyebo, pamo abazya aba vinyo, loli bamanyisyanje chicho chiza,

Yakobo 1:16

Mwee bakamu bane abaghaniwa mutakazimbuliwanje.

Yakobo 1:19

Mwee bakamu bane abaghaniwa, muchimanye ichi: Umuntu wesi ateghelezyanje tasi, loli atakachimbililaye pakunena, sona atakakalalaye mwalwe.

Yakobo 1:25

Loli nanti umuntu akuzyenelezya indaghilo izyakufikapo izya Chala, zizyo zikumusatula umuntu nukubomba zizyo amazyu ghakunena, sona atakuluvya zizyo akwivwa, naloli u Chala akwiza pakumusaya muvyosi vivyo akubomba.

Yakobo 2:8

Naloliloli mukubomba akiza nanti mukukonka indaghilo izya Bumwene, zizyo zikwaghiwa mu Masimbo aghakuti, “Umughane umupalamani wako ukuyana namumo wiyighaniye wemwenecho.”

Yakobo 5:10

Mwee bakamu bane, mubakumbuke abalaghuzi babo bakanenela mwitabwa ilya Mwene pakuba chifwanikizyo icha bufisalyoyo mutubalilo utwa mayimba.

Yakobo 5:7

Mwee bakamu bane, mubanje bafisalyoyo mupaka u Mwene ize. Ennya mumo umulimi akulindilila ukuti umughunda wache wele ivikomwa ivyiza nukulindilila mubufisalyoyo mupaka apokela ivula iyakwanda ni yabumalilo.

Yakobo 5:9

Mwee bakamu bane, mutakalumbuzannyanje mwebenebene, umwakuti u Chala atakabalonge. Umulongi imiliye pamulyango.

1 Pitala 2:1

Po muleke ububibi bosi; muleke ubumyasi, pamo ubuzimbuli, pamo akabini, pamo intuko.