Yakobo 4:1 - IBAYIBOLO 2024

¹ Nkimba ubulwe nukudalinkana vivyo vili mumwinyu vikufuma kwiyi? Nkimba vitakufuma ku vinyonywa vyinyu ivibibi, vivyo vikulwana mumwinyu?

Ulufingo Ulupya

¹ Nkimba ubulwe nu kudalinkana vivyo vili mumwinyu vikufuma kwiyi? Nkimba vitakufuma ku vinyonywa vyinyu ivibibi, vivyo vikulwana mumwinyu?

Yakobo 4:1 Iomraidhean Croise

Yelemiya 17:9

U moyo uwa muntu chintu ichizimbuli ukuchila ivintu vyosi. Nkimba wenu yuyo angawivwisya?

Matayi 15:19

Pakuti mumoyo uwa muntu, momumo mukufuma inyinong'ono imbibi, zizyo zikumulongolezya ukuti aghoghe, alowe nukubomba ubwamalaya; ubwiba, ubumyasi, sona ni yebo.

Yohani 8:44

Amwe mwe bana aba Satana, po mukulonda pakukonka ivinyonywa ivya ghuso. Ukwandila ko kubwandilo umwene akaba mughoghi, sona ate nalumolumo kulubazu ulwa bwanaloli pakuti ubwanaloli mumwache butalimo. Umwene pakunena ubumyasi, cho chakulya chache pakuti umwene we mumyasi, sona wemwenecho uwa bumyasi bosi.

Aba Loma 7:23

loli mukasikasi mumwane nkwennya ululaghilo ulwamwabo lukulwana nu lulaghilo, lulo umoyo wane ghukwitinkana nalo. Ululaghilo ulu lwampela pakuba muzya uwa ndaghilo izya mbibi, zizyo zili pambombo mukasi mumwane.

Aba Loma 7:5

Pakuti akabalilo kako tukaba pasi pabulaghili ubwa buntu ubwa mbibi, ivinyonywa ivya mbibi ivya Ndaghilo vikabomba imbombo mumubili witu, po vivyo tukabomba ubumalilo bwache bukaba bufwe.

Aba Loma 8:7

Nanti umuntu akubika inyinong'ono zyache pabuntu ubwa mbibi, we mulwani uwa Chala pakuti atakukonka Indaghilo izya Chala, naloliloli atangavwilapo nalumo.

Aba Galatiya 5:17

Pakuti ivinyonywa ivya buntu bwitu vikususannya nu Muzimu Umuzelu, sona vivyo u Muzimu Umuzelu akulonda vikususannya ni vinyonywa ivya buntu bwitu. Ivintu vibili ivi vibenganite, umwakuti utakubomba chicho ukulonda pakubomba.

Aba Kolosi 3:5

Polelo ghogha ivinyonywa vyosi ivya moyo ghinyu vivyo vikakatiye ivintu ivya muchisu ichapasi: Ubwamalaya nu bunyazu nu bubibi, sona nu bupafu. Pakuti ubupafu ko kwiputa ivifwani.

2 Timoti 2:23

Ughaleghuke amadali aghamwalwe na ghabupunganu, pakuti uzimenye ukuti ivintu vinivi, ubumalilo bwache vyongo.

Titi 3:3

Pakuti naswe bulo akabalilo kamo tukaba bapunganu, abasita ukwivwila, sona na bakusobela. Tukaba bazya aba vinyonywa ivibibi, sona ni vintu vyosi ivyakulekanalekana ivyakuhobosya umubili. Tukalindagha mumbibi na mukabini. Abantu abanji bakatubenga, sona naswe bulo tukababenga.

Titi 3:9

Loli leghuka amadali aghabupunganu, nizya mbatiko izya matabwa agha banyenya, ukulwa nukudalinkana nizya Ndaghilo izya Mozesi. Pakuti zinizi zite ni mbombo nayimoyimo.

Yakobo 1:14

Loli umuntu wesi akuyeliwa nanti ivinyonywa vyache ivibibi vikumuwesa nukumutegha.

Yakobo 4:3

Sona napapo bo mukulaba, mutakuvipokela pachifukwa ichakuti mukulaba akabibi. Ivintu vivyo mukulaba mukulonda pakuvibombezya ukuhobosya amabili ghinyu ghene.

1 Pitala 1:14

Mumwivwilaye u Chala, sona mutakavikonkaye ivinyonywa vyinyu ivyakale vivyo mukaba navyo, bo muchili muli muchisi.

1 Pitala 2:11

Mwee bamanyani bane abaghaniwa, nkubalaba amwe pakuti mwe bayeni, sona na bendazila muchisu ichapasi ukuti muvileghuke ivinyonywa ivya mubili, vivyo akabalilo kosi vili pabwite nu muzimu winyu.

2 Pitala 2:18

Abene bakunena amazyu aghamituvyo, na ghabupunganu, sona ni vinyonywa vyabo ivibibi ivya mubili bakubategha abantu babo bapona bulo pakasi pabantu aba nkalo imbibi.

2 Pitala 3:3

Ichakwanda pavyosi, mubaghiye pakwivwisya ukuti mumasiku aghabumalilo abantu abalobezyo bakwiza pakuboneka babo bakukonka ivinyonywa vyabo ivibibi.