Yakobo 3:2 - IBAYIBOLO 2024

² Pakuti twebosi tukupuvya muvintu ivyinji. Loli nanti umuntu yumo atakupuvya pazizyo akunena, kokuti umuntu yunuyu wakufikapo, sona amenye pakulaghila umubili wache ghosi.

Ulufingo Ulupya

² Pakuti twebosi tukupuvya muvintu ivyinji. Loli nanti umuntu yumo atakupuvya pazizyo akunena, kokuti umuntu yunuyu wakufikapo, sona amenye pakulaghila umubili wache ghosi.

Yakobo 3:2 Iomraidhean Croise

1 Abamwene 8:46

“Nanti abantu bako bakukunangila, pakuti atalipo nayumoyumo yuyo atakunanga, sona nanti ukubakalalila, bo wababika munyobe izya balwani, babo bakubalema nukubuka nabo pakuba bazya muchisu chache ichakubutali pamo papipi,

2 Imbili 6:36

“Nanti abantu bako bakukunangila, pakuti atalipo nayumoyumo yuyo atakunanga, sona nanti ukubakalalila, bo wababika munyobe izya balwani, babo bakubalema nukubuka nabo pakuba bazya muchisu ichakubutali pamo papipi,

Yobu 15:13

Nkimba choni chicho ukulwana nu Chala nukumusamula na mazyu agha mumulomo wako?

Masalimo 34:13

Po utakanenaye ivintu ivibibi, sona umulomo wako ghutakatamantaye.

Masalimo 39:1

Nkati, “Nkwiza pakucheba nkani ni mbombo zyane, sona nkwiza pakululema ululimi lwane ukuti lutakanangaye. Nkwiza nukughusona bulo umulomo wane, bo indi pakasi pabantu ababibi.”

Ivyili 10:19

Nanti amazyu ghaba minji, imbibi zyope zikuba palapala, loli muntu uwamahala akuchefya ukunenanena.

Ivyili 13:3

Umuntu yuyo akwilema mukanenele kache akubusungilila ubumi bwache, loli yuyo akunenagha mwalwemwalwe, akwinanga mwene.

Ivyili 20:9

Nkimba wewenu yuyo anganena ukuti, “Ane ne muzelu, ane inte ni chilema nachimochimo pamo imbibi”?

Ivyili 21:23

Umuntu yuyo akulema pamulomo nukucheba pazizyo akunena, atakukomanaghapo nintamyo.

Umulumbilili 7:20

Atalipo nayumoyumo umuntu umugholosu pachisu ichapasi, yuyo akubomba ingolosu zyene, sona atakunangapo nalumo.

Yesaya 64:6

Twebosi twaba bulo ngati muntu umunyazu, sona imbombo izya bugholosu bwitu, zili ngati menda amanyazu amanyankanyanka, tukufoka ngati lyani, sona imbibi zyitu zikutupyela ngati mpepo.

Aba Levi 13:39

umuputi amupime umuntu yula. Nanti ivibebe vila vibufu, kokuti chinichi cho chitufya bulo chicho chanda pa mubili. Po umuntu yula akuba muntu muswepu.

Matayi 12:34

Amwe mwe bana aba njoka, munganena bulibuli ubwiza, bo mwe babibi? Pakuti umulomo ghukunena vivyo vyizuye mumoyo.

Matayi 12:37

U Chala akwiza pakukunena ukuti we mwiza pamo we mubibi pakubombezya amazyu ghagho wanena.”

Aba Loma 3:10

Pakuti Amasimbo ghakuti, “Nayumo umuntu yuyo mugholosu, awe atalipo nayumoyumo.

Aba Loma 7:21

Polelo nkwagha ukuti zizyo Indaghilo zikubomba zyo izi: Akabalilo kako nkulonda pakubomba ichiza, ko kako kabalilo ichibibi chili papipi bulo nane.

1 Aba Kolinti 9:27

Loli nkughufunda nukughukazya umubili wane ni nkonya nukughupela pakuba muzya, umwakuti bo nalumbilila Amazyu Amiza pakasi pabantu banji, ane nemwene, intakapotwe pakupokela umuvwalo.

Aba Galatiya 3:22

Loli Amasimbo ghakuti ichisu chosi ichapasi chili pasi pamaka agha mbibi, umwakuti chicho u Chala akalayizya ukwendela mu lwitiko mwa Yesu Kilisitu, chingapeghiwa ku bantu babo bakusubila.

Aba Galatiya 5:17

Pakuti ivinyonywa ivya buntu bwitu vikususannya nu Muzimu Umuzelu, sona vivyo u Muzimu Umuzelu akulonda vikususannya ni vinyonywa ivya buntu bwitu. Ivintu vibili ivi vibenganite, umwakuti utakubomba chicho ukulonda pakubomba.

Aba Kolosi 1:28

U Kilisitu weyuyo tukulumbilila pakasi pabantu bosi. Na mahala ghosi tukubasoka nukubamanyisya, umwakuti abantu bosi bize kwa Chala pakuba bantu abakufikapo mwa Kilisitu.

Aba Kolosi 4:12

U Epafula yuyo weka uwa amwe, sona mubombi uwa Kilisitu u Yesu akubalamuka. Akubiputila nkani akabalilo kosi ukumulaba u Chala ukuti mwimaye nkani, nukuba bantu abazelu, sona nukuti mwiyulaye nkani pakubomba vyosi vivyo u Chala akulonda.

Aba Hebeli 13:21

U Chala abape amwe ivyiza vyosi ukuti mubombaye ubwighane bwache nukubomba mumwitu ukwendela mwa Yesu Kilisitu zizyo zikumuhobosya. Po u Kilisitu achindikiwanje bwila na bwila! Ameni!

Yakobo 1:26

Nanti umuntu akwipima ukuti akumwiputa u Chala, loli atakululema ululimi lwache, akwizimbula bulo, sona ukwiputa kwache kwabulo.

Yakobo 1:4

Loli ubufisalyoyo bwinyu bubombaye imbombo yache umwakuti mubanje bantu abakuzi mubuzimu, na bakufikapo, sona na basita ukusobelwapo nakamokamo.

Yakobo 2:10

Pakuti umuntu wesi yuyo akughakonka amalamulo ghosi nukulinanga bulo lyoka, kokuti ananga amalamulo ghosi.

1 Pitala 3:10

Amasimbo ghakuti, “Umuntu wesi yuyo akulonda pakwilagha nubumi sona nukuti ennyanje amasiku amiza, alukanizye ululimi lwache pakunena ububibi. Aleke pakunena ubumyasi.

1 Pitala 5:10

Loli bo mwayimbapo panandi, u Chala uwachisa, yuyo akubitizya pakugabana ubuchindamu ubwa bwila na bwila poka nu Kilisitu, akwiza pakubapyanizikizya papo, nukubavwa nukubakazya, sona nukubikazya palwalo ulukafu.