Yakobo 3:17 - IBAYIBOLO 2024

¹⁷ Loli amahala agha kumwanya, ichakwanda mazelu, na ghamutende, na mololo, sona na ghabumanyani. Ghizuye nu lupazikizyo, sona imbombo zyache nyiza, ghatakwennya icheni, sona ghate mazimbuli, awe.

Ulufingo Ulupya

¹⁷ Loli amahala agha kumwanya, ichakwanda mazelu, na ghamutende, na mololo, sona na ghabumanyani. Ghizuye nu lupazikizyo, sona imbombo zyache nyiza, ghatakwennya icheni, sona ghate mazimbuli, awe.

Yakobo 3:17 Iomraidhean Croise

1 Abamwene 3:12

Po nkwiza pakukupa ichintu chicho walaba. Nkwiza pakukupa amahala aghakuvyaghanikizya ivintu aghakuti atalipo nayumo umuntu yuyo akabapo na mahala ngati ghanagha pamo yumo yuyo akwiza pakuba nagho nalumolumo.

1 Abamwene 3:28

Bo aba Izilayeli bosi bivwa namumo u Solomoni akadumulila inongwa yila, bakamuchindika nkani, pakuti bakazyaghannya ukuti u Chala akamupa amahala aghakulongela inongwa mubwanaloli.

1 Abamwene 3:9

Polelo umpe amahala aghakubalaghilila abantu bako, sona na ghakulesannya ichiza ni chibibi. Nkimba wewenu yuyo angalulaghila uluko lwako ulukulu lunulu?”

1 Imbili 22:12

U Mwene akupanje amahala na kivwisizye, bo waba we mulaghili uwa aba Izilayeli, umwakuti uzikonkaye indaghilo izya Mwene u Chala wako.

1 Imbili 22:9

Loli ukwiza pakuba nu mwana umulumendo, yuyo akwiza pakuba muntu uwamutende, sona nkwiza pakumupoka munyobe izya balwani bache bosi. Itabwa lyache akwiza pakuba we Solomoni, sona nkwiza pakubapa aba Izilayeli umutende nukufwasa pakabalilo kache.

Yobu 28:12

Nkimba amahala ghangaghiwa kwiyi? Sona, nkimba ubumanyi bungaghiwa kwiyi?

Yobu 28:23

U Chala weyuyo ayimenye izila iya kubukilako sona weyuyo mwene aghamenye kuko ghakwikala.

Yobu 28:28

Po akamubuzya umuntu akati, “Ukumunyila u Mwene gho mahala sona ukuzichimbila imbibi ko kwivwisya.”

Ukufuma 36:2

U Mozesi akamwitizya u Bezaleli nu Oholiyabu, poka na bafundi bosi babo u Mwene akabapa amahala agha bwafundi, sona na babo bakaba nu moyo uwakwavwa pambombo, po u Mozesi akababuzya ukuti bande imbombo.

Ivyili 2:6

Pakuti we Mwene yuyo akupa amahala, sona amahala nukwivwisya ivintu vyache.

Yesaya 2:4

Akwiza pakulonga pakasi pa inko inyinji, pakasi pa bantu abinji,. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Yesaya 32:6

Pakuti umupunganu akunena ivya bupunganu, akwinong'ona ukubomba ububibi bwene, Akubomba ivibibi vyene sona akumusamula u Mwene, abazala atakubapa ichakulya, babo bali ninyota atakubapa amizi aghakung'wela.

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Daniyeli 1:17

U Chala akabapa abalumendo folo bala amahala na kivwisizye aka vimanyilo ivya mu mabuku aghakulekanalekana. Po u Daniyeli akavimanya ivisetuka ni vilota ivyakulekanalekana.

Malaki 2:9

“Polelo nabasamula, sona nabakozya isoni pakasi pabantu bosi, pachifukwa ichakuti mutakivwila ivimanyisyo vyane mukulonga inongwa pakwennya icheni.”

Malaki 3:3

Akwiza pakwikala pasi ngati wakusungunula nu wakuswefya u siliva, akwiza pakubaswefya aba Levi pakuba ngati we golide nu siliva. Po bakwiza pakuba bantu babo bakubika ivyabupi mubugholosu kwa Mwene.

Matayi 23:28

Momumo, kuzi ukwa mubili mukuboneka akiza, loli mukasi mwizuye nu buzimbuli ni mbibi.

Matayi 5:8

Basayiwa babo bazelu mumoyo, pakuti bakwiza pakumwennya u Chala.

Matayi 5:9

Basayiwa abantu babo bakupela umutende, pakuti bakwiza pakuba bana aba Chala.

Luka 21:15

pakuti nkwiza pakubapa amazyu na mahala aghakuti nayumo uwa balwani binyu akwiza pakukana pamo ukususya zizyo mukunena.

Luka 6:36

Mubanje bantu abachisa ukuyana namumo Ughuso abeleye ni chisa.

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 1:47

Bo u Yesu amwennya u Nataniyele akwiza akati, “Uyu we muntu uwa Izilayeli naloli. Mumwache butalimo nabumobumo ubumyasi!”

Imbombo 11:24

U Balanabasi akaba muntu mwiza, yuyo akizula nu Muzimu Umuzelu nu lwitiko, sona abantu abinji nkani bakapindukila kwa Mwene.

Imbombo 9:36

Mu Yopa mukaba umumanyili umukolo yumo yuyo akaba we Tabita. (Itabwa lyache ilya mu Chigiliki bakuti Dolika, chicho chikung'anamula ukuti, “Imbabala.”) Akabalilo kosi akabombagha inyiza nukwavwa abapina.

Aba Loma 12:18

Nanti chingabombiwa, mubanje mumutende na bantu bosi.

Aba Loma 12:9

Ulughano lutakabanje lwa buzimbuli. Muchibengaye chicho chibibi, loli muchilemelele chicho chiza.

Aba Loma 15:14

Mwee bakamu bane, naloli inzimenye ukuti amwe mwe bantu biza, sona nukuti muvimenye vyosi akiza nukuti mungamanyizannya.

1 Aba Kolinti 12:8

U Muzimu Umuzelu akumupa umuntu yumo ichabupi ichakunenela amazyu aghamahala, po uyunji akumupa ichabupi icha mazyu agha bumanyi,

2 Aba Kolinti 10:1

Ane ne Pabuli, yuyo abantu bamo bakuti, “Ne mogha, bo indinamwe pamaso na pamaso, loli ne mujivu, bo indikubutali namwe.” Nkubalaba mwitabwa ilya Kilisitu yuyo mololo sona wachisa

2 Aba Kolinti 6:6

Aswe twalanjizya nu moyo witu umwiza nu bumanyi bwitu nu bufisalyoyo bwitu, sona ni chisa chitu, ukuti twe babombi aba Chala. Twalanjizya na maka agha Muzimu Umuzelu, sona nu lughano lwitu ulwanaloli,

2 Aba Kolinti 7:11

Ennya mumo ivikomwa ivya chitima icha mwa Chala vikabombela mumwinyu. Chabapa ulweke ulukulu, chabapa amaka nkani pakusimikizya ukuti mutanangitepo, chabakalalizya nkani, sona chabapelela ubogha ubukulu. Chabapa inyota ukuti munyennye, sona chabapa ulweke ukuti munzighilile, sona ukufunda abambibi. Pabuzilo bosi mwisimikila mwebene ukuti inongwa iyi yitakubapalamasya.

2 Aba Kolinti 9:10

U Chala yuyo akumupa umuntu yuyo akupesa imbeyu, sona ni chibama ichakuti alyanje, akwiza pakubapa imbeyu zizyo mukulonda nukuzikuzya imbeyu zila. Akwiza pakubalizya ivikomwa ivya chisa chinyu.

Aba Efeso 5:9

pakuti ivikomwa ivya lukozyo zyo zizyo zikwaghiwa muvintu vyosi vivyo vyiza, ni vigholosu, sona ni vyanaloli.

Aba Filipi 1:11

Ubumi bwinyu bukwiza pakwizula ni nkalo inyiza nkani yiyo yikwizila mwa Yesu Kilisitu. Pachifukwa chinichi abantu bakwiza pakumuchindika nukumupala u Chala.

Aba Filipi 4:8

Mwee bakamu bane, pabumalilo nkubabuzya ukuti mubikayepo umoyo pavintu vyosi vivyo vyiza nkani, sona ni vichindamu ivi: Ivyanaloli, ni vichindamu, ni vigholosu, ni vizelu, ni vighaniwa, sona ni vyamuchizi.

Aba Kolosi 1:10

Pene po mukwiza pakwikalagha ukuyana namumo u Mwene akulondela, sona akabalilo kosi mukwiza pakubombagha chicho chikumuhobosya nkani. Ubumi bwinyu bukwiza pakupa ivikomwa ivyiza, sona amahala ghinyu aghakumumanyila u Chala ghakwiza pakonjelelakonjela.

1 Aba Tesalonika 2:7

Napapo twe batumiwa aba Kilisitu, aswe tukabaghila pakupokela vimo ivintu ukufuma kukwinyu, loli tukaba bololo kukwinyu ukuyana namumo umayi akubasungila abana bache.

1 Timoti 5:21

Pantazi pa Chala, na pamaso pa Kilisitu u Yesu, sona na pamaso pa bantumi bosi abasaliwa, nkukulamula ukuti ukonkaye indaghilo zinizi nu bwanaloli, pamo ukwennya icheni icha muntu muvintu vyosi vivyo uli pakubomba.

2 Timoti 2:24

Umubombi uwa Mwene, atakabanje wavyongo, awe. Loli abanje mololo nu muntu wesi. Abanje mumanyisi umwiza, sona nu mufisalyoyo.

Titi 1:15

Abantu babo bazelu, ivintu vyosi vinivi vizelu, loli abantu babo inyinong'ono zyabo zinyonganite, sona babo batakusubila nachimochimo chicho chizelu. Ubwanaloli bwakuti, inyinong'ono zyabo nu mabyebye wabo vinyonganite.

Titi 3:2

Ubabuzye ukuti batakamuyebaye nayumo umuntu, loli babanje bantu abamutende, abamanyani aba bantu bosi, sona babanje bololo ku bantu bosi.

Aba Hebeli 12:11

Pakabalilo kako tukufundiwa chikuba chintu chakubaba, sona chitakuhobosya. Loli pisinda pache ukufundiwa kulakula kukwela ivikomwa ivya mutende, sona nivya bugholosu ku bantu babo bakapokela amafundwe ghalaghala.

Aba Hebeli 12:14

Yezya nkani ukwikala mumutende na bantu bosi, sona mubanje bazelu. Pakuti ukusita ubuzelu nayumo umuntu yuyo akwiza pakumwennya u Mwene.

Yakobo 1:17

Ichabupi chosi ichiza sona ni chakufikapo chikufuma kumwanya kwa Tata, Umupeli uwa nkozyo izya kumwanya, yuyo atakwandukakwanduka ngati gho muzyezye.

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.

Yakobo 2:4

Nkimba ichi chitakulanjizya ukuti pakasi papinyu pali ukusalana, sona nukuti mwaba balongi aba nyinong'ono imbibi?

Yakobo 3:15

Amahala ghanagha ghatakufuma kumwanya, loli gha pachisu ichapasi. Amahala ghanagha gha buntu bulo, sona ghate gha muzimu uwa Chala, loli gha mizimu imibibi.

Yakobo 4:8

Palamila kwa Chala, po wepe akwiza pakupalamila kukwinyu. Ozya inyobe zyinyu mwe bantu bambibi mwee! Suka amoyo ghinyu, amwe mwe amoyo ghinyu ghali mumwanyamwanya bulo!

1 Pitala 1:22

Pakuti ilelo mwiswefya mwebene pakwivwila ubwanaloli, umwakuti mukubaghana abitiki abamwinyu. Po mughananaye mwebene nu moyo winyu ghosi.

1 Pitala 2:1

Po muleke ububibi bosi; muleke ubumyasi, pamo ubuzimbuli, pamo akabini, pamo intuko.

1 Pitala 2:18

Mwe bazya, mubalambilaye abamwene binyu, sona mulanjizyanje umuchizi ghosi, bate bene babo bachisa na bololo, awe, loli sona na babo bakali.

1 Yohani 3:18

Mwee bana bane, ulughano lwitu lutakabanje lwa pa mulomo pene, awe. Loli lubanje lwanaloli, lulo lukwilanjizya lwene mumbombo.

1 Yohani 3:3

Umuntu wesi yuyo ali nu lusubilo ulu, akwiswefya mwene bulo, ukuyana namumo u Kilisitu umwenecho musita chilema nachimochimo.