Yakobo 3:16 - IBAYIBOLO 2024

¹⁶ Pakuti kuko kuli akabini nukwiyighana, ko kuko kuli sona ukuvulungana nu bubibi ubwakulekanalekana.

Ulufingo Ulupya

¹⁶ Pakuti kuko kuli akabini nu kwiyighana, ko kuko kuli sona ukuvulungana nu bubibi ubwakulekanalekana.

Yakobo 3:16 Iomraidhean Croise

Ubwandilo 11:9

Akaya akakulu nkani kalakala kakitiziwanga ukuti Babiloni, pachifukwa ichakuti u Mwene akavulungannya ineno iya bantu bosi. Po ukwandila palapala u Chala akabanyampanizizya abantu pachisu chosi ichapasi.

Ubwandilo 38:9

Loli u Onani akazimanya ukuti abana batakwiza pakuba bache, akabalilo kosi kako akaghonagha nu mukoyi wache, akakupulilagha pasi ubwanavuli bwache, umwakuti atakamupapile abana umukulu wache.

Maliko 3:25

nanti abantu abamunyumba yoka basambukilana, inyumba yila yitangendelela.

Imbombo 19:29

Akaya kosi kala kakizula ni vyongo. Po abantu bala bakamulema u Gayi nu Alisitalika, abantu babili aba mu Makedoniya babo bakendagha poka nu Pabuli nukuwesela kubuzilo ubwa nyangalo.

Aba Loma 2:8

Loli abantu babo bakwiyighana bene nukukana ukwivwila ubwanaloli, loli nukubomba imbibi, u Chala akwiza pakubakalalila nukubafunda nkani.

1 Aba Kolinti 14:33

Pakuti u Chala ate we Chala uwa buvulunganu, awe, loli we Chala uwa mutende. Ukuyana namumo zibeleye muvipanga vyosi ivya bantu abazelu aba Chala,

1 Aba Kolinti 3:3

Muchili mwe bantu aba muchisu ichapasi, pakuti nanti pakasi papinyu pali akabini sona nukudalinkana, nkimba zinizi zitakusimikizya ukuti amwe mwe bantu ba muchisu ichapasi, babo bakukonka ivintu ivya muchisu ichapasi?

2 Aba Kolinti 12:20

Pakuti nkunyila ukuti lumo ningiza nukubagha bulo ukulekana namumo nalondelagha, sona nukuti namwe munganyagha bulo ukulekana namumo mwalondelagha. Nkunyila sona ukuti lumo ningagha ukudalinkana, na kabini nukukalala nukwiyighana, ni ntuko, ni yebo nukwitutumula, sona nu buvulunganu.

Aba Galatiya 5:20

nukwiputa ivifwani nu bulozi nu lubengo, nukulwa, na kabini nu bukali nukwiyighana nukudalinkana nukwipaghula,

Yakobo 3:14

Loli nanti mumoyo ghinyu muli na kabini nu bukali, sona nukwiyighana, mutakitutumulaye pachifukwa icha mahala ghinyu. Pakubomba bunubu kokuti mukubusula ubwanaloli.

1 Yohani 3:12

Tutakabe ngati we Kayini yuyo mwana uwa Mubibi, sona yuyo akamughogha umuzuna wache. Nkimba choni chicho akamughogha? Pachifukwa ichakuti ivintu vivyo akabombagha vikaba vibibi, loli ivintu vivyo umuzuna wache akabombagha vikaba vigholosu.