Yakobo 3:15 - IBAYIBOLO 2024

¹⁵ Amahala ghanagha ghatakufuma kumwanya, loli gha pachisu ichapasi. Amahala ghanagha gha buntu bulo, sona ghate gha muzimu uwa Chala, loli gha mizimu imibibi.

Ulufingo Ulupya

¹⁵ Amahala ghanagha ghatakufuma kumwanya, loli gha pachisu ichapasi. Amahala ghanagha gha buntu bulo, sona ghate gha muzimu uwa Chala, loli gha mizimu imibibi.

Yakobo 3:15 Iomraidhean Croise

2 Samuweli 13:3

Loli u Amunoni akaba nu mumanyani wache u Yonadabu, umwana uwa Shimeya, uwamwabo uwa Devedi. U Yonadabu akaba muchevu nkani.

2 Samuweli 15:31

U Devedi akabuziwa ukuti, “U Ahitofeli ali pakasi pabantu abakusambukila bala poka nu Abisalomu.” Po u Devedi akiputa akati, “Wee Mwene ughapele amahala agha Ahitofeli ukuti ghabe mapunganu.”

2 Samuweli 16:23

Mumasiku ghalaghala amahala ghagho akamupa u Ahitofeli ghakaba ngati po mazyu aghakufuma kwa Chala. Po u Devedi nu Abisalomu akaghachindika nkani amahala ghosi agha Ahitofeli.

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Luka 16:8

Polelo u mwene uwa kapitawa yula akamupalizya uwambombo umusitakusubiliwa yula, pachifukwa icha busitakusubiliwa kwache. Pakuti abantu aba muchisu ichapasi bachevu pakwendezya ivintu vyabo ukuchila abantu babo bali mu lukozyo.”

Yohani 3:17

U Chala atakatuma u Mwana wache muchisu ichapasi ukuti abanje mulongi, loli ukuti abanje Mupoki wabo.

Yohani 8:44

Amwe mwe bana aba Satana, po mukulonda pakukonka ivinyonywa ivya ghuso. Ukwandila ko kubwandilo umwene akaba mughoghi, sona ate nalumolumo kulubazu ulwa bwanaloli pakuti ubwanaloli mumwache butalimo. Umwene pakunena ubumyasi, cho chakulya chache pakuti umwene we mumyasi, sona wemwenecho uwa bumyasi bosi.

Imbombo 13:10

nukuti, “We mwana uwa Satana! We mulwani uwa chintu chosi ichigholosu, sona wizuye nuluko losi ulwa bumyasi nu buzimbuli. Bwila na bwila ukuyezya ukwandula ubwanaloli ubwa Mwene pakuba bumyasi!

Aba Loma 1:22

Bakwinena bene ukuti bantu bamahala, loli bapunganu.

1 Aba Kolinti 1:27

Loli u Chala akavisala ivintu vivyo vipunganu ivya muchisu ichapasi, umwakuti abakozyanje isoni abamahala. Sona akavisala ivintu vivyo videdebazu ivya muchisu ichapasi, umwakuti abakozyanje isoni abamaka.

1 Aba Kolinti 2:14

Umuntu yuyo ate nu Muzimu, atangavipokela ivyabupi vivyo u Muzimu uwa Chala akupa pakuti kukwache vya bupunganu sona atangavyaghannya, pachifukwa ichakuti mwene yuyo ali nu Muzimu, weyuyo angavyaghannya ivya buzimu.

1 Aba Kolinti 3:19

Pakuti amahala agha bantu aba muchisu ichapasi, bo bupunganu pamaso pa Chala. Pakuti Amasimbo ghakuti, “U chala akubategha abamahala mubuchevu bwabo.”

1 Aba Kolinti 3:3

Muchili mwe bantu aba muchisu ichapasi, pakuti nanti pakasi papinyu pali akabini sona nukudalinkana, nkimba zinizi zitakusimikizya ukuti amwe mwe bantu ba muchisu ichapasi, babo bakukonka ivintu ivya muchisu ichapasi?

2 Aba Kolinti 1:12

Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala.

2 Aba Kolinti 11:3

Indi nubogha ukuti inyinong'ono zyinyu zikwiza pakuzimbuliwa ukuyana namumo u Eva akazimbuliliwa nu buchevu ubwa njoka ukuti mutakabe bantu aba bwanaloli, sona nukwiyipa kwa Kilisitu.

Aba Filipi 3:19

Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi.

2 Aba Tesalonika 2:9

Umuntu umubibi yula akwiza na maka agha Satana nukubomba ivyika ivyabumyasi ni viswigho ivyakulekanalekana.

1 Timoti 4:1

U Muzimu Umuzelu akunena umwakwivwika nkani ukuti mumasiku aghabumalilo abantu bamo bakwiza pakutagha ulwitiko lwabo. Abene bakwiza pakwivwila imizimu iya bumyasi nukukonka ivimanyisyo ivya imizimu imibibi.

Yakobo 1:17

Ichabupi chosi ichiza sona ni chakufikapo chikufuma kumwanya kwa Tata, Umupeli uwa nkozyo izya kumwanya, yuyo atakwandukakwanduka ngati gho muzyezye.

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.

Yakobo 3:17

Loli amahala agha kumwanya, ichakwanda mazelu, na ghamutende, na mololo, sona na ghabumanyani. Ghizuye nu lupazikizyo, sona imbombo zyache nyiza, ghatakwennya icheni, sona ghate mazimbuli, awe.

Yuda 1:19

Abantu banaba bakupela ukugabinkana, babo bakukonka bulo ivinyonywa ivya muchisu ichapasi, sona bate nu Muzimu Umuzelu.

Ubuvumbuli 12:9

Inyivwila inkulu yikasumbiwa pachisu ichapasi—injoka iyakale yila, yiyo yikitiziwanga ukuti Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.

Ubuvumbuli 2:24

“Loli amwe mwe bantu abanji aba muchipanga icha mu Tiyatila mutakonkite ichimanyisyo ichibibi ichi. Mutamanyiyeko zizyo abene bakuti izyakubusyefu izya Satana. Nkubabuzya ukuti ntakwiza pakonjelezya ukatundu uyunji papinyu.

Ubuvumbuli 9:11

U mwene wabo akaba wantumi yuyo akaba mulaghili uwa chibanka ichibizu nkani chila. Itabwa lyache mu Chihebeli akaba we Abadoni; mu Chigiliki akaba we Apoliyoni chicho chikung'anamula ukuti, “Uwakunangannya.”