Yakobo 3:13 - IBAYIBOLO 2024

¹³ Nkimba wewenu wamahala nu wakwivwisya mumwinyu? Muleke aghalanjizye ni nkalo yache inyiza, sona ni mbombo zyache izyakwiyisya zizyo zikufuma mumahala.

Ulufingo Ulupya

¹³ Nkimba we wenu wamahala nu wakwivwisya mumwinyu? Muleke aghalanjizye ni nkalo yache inyiza, sona ni mbombo zyache izyakwiyisya zizyo zikufuma mumahala.

Yakobo 3:13 Iomraidhean Croise

Yobu 28:28

Po akamubuzya umuntu akati, “Ukumunyila u Mwene gho mahala sona ukuzichimbila imbibi ko kwivwisya.”

Masalimo 107:43

Wesi yuyo ali na mahala achebaye na zinizi, sona inong'onayepo nizya lughano ulukulu nkani ulwa Mwene.

Masalimo 122:8

Pachifukwa icha bakamu bane na bamanyani bane, nkumubuzya u Yelusalemu ukuti, “Umutende ghubanje nawe.”

Masalimo 149:4

Pakuti u Mwene akuhoboka na bantu bache, sona abakwiyisya akubapa ubupoki.

Masalimo 25:9

Akubalongozya abantu abakwiyisya pakubomba ingolosu, sona abakumanyisya izila zyache.

Masalimo 45:4

Bukagha nu buchindamu bwako pakupota abalwani bako, pakuvivighilila ubwanaloli, nukwiyisya nu bugholosu. Yilekaye inyobe yako indilo yibombaye imbombo zyako izyakoghofya.

Umulumbilili 8:1

Nkimba wewenu yuyo ayanite nu muntu uwamahala, sona nkimba wewenu amenye pakulingannya ivintu? Amahala ghakuchilamizya icheni icha muntu, sona icheni chache chikubonekagha akiza.

Umulumbilili 8:5

Umuntu wesi yuyo akughakonka amalamulo ghache atakukomana nintamyo, sona umuntu uwamahala akamenye akabalilo akiza akakubombela ivintu vyosi.

Yesaya 29:19

Abantu abakwiyisya bakwiza pakusekelela mwa Mwene, bope abapina pakusekelela mu Muzelu yula uwa Izilayeli.

Yesaya 60:6

Imidimo iya ngamila yikwiza pakunyama muchisu chako, utwana utwa ngamila izya mu Midiyani na mu Efa. Sona bosi aba ku Sheba bakwiza pakwiza, bo banyamuye, ugolide nutwakununkila, nukufumusya amapalo agha Mwene.

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Yelemiya 9:12

Nkimba wewenu uwamahala yuyo angivwisya zinizi? Nkimba wewenu yuyo u Mwene akamulingannya ukuti abalingannye abanji? Nkimba choni chicho ichisu chaba chisami sona chananganika ngati yo nkolongo yiyo atalipo uwakwendamo?

Yelemiya 9:23

U Mwene akuti, “Uwamahala atakituvyanje chifukwa icha mahala ghache pamo uwamaka atakituvyanje pachifukwa icha maka ghache, pamo umukabi atakituvyanje pachifukwa icha bukabi bwache.

Daniyeli 2:21

Wee yuyo akwandula amasiku nu tubalilo, sona weyuyo akubakwezya abamwene nukubisya. Akubapa amahala abantu abamahala, sona nu bumanyi ku bantu abakwivwisya ivintu.

Zefaniya 2:3

Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.

Ukubelengiwa 12:3

Loli u Mozesi akaba muntu uwakwiyisya nkani ukubachila abantu bosi muchisu ichapasi.

Matayi 11:29

Nyamula ikoli lyane, manyila kukwane pakuti ane ne mololo nu wakwiyisya. Po mukwiza pakubwagha ubutuzyo.

Matayi 21:5

“Kabuzye akaya akakulu nkani aka Ziyoni ukuti, ‘Ennya, u mwene wako akwiza kukwako. Wakwiyisya, sona akwelite pampunda, pamwana uwa mpunda.’ ”

Matayi 5:5

Basayiwa abantu babo bakwiyisya, pakuti bakwiza pakupokela zizyo u Chala akabalayizya.

Matayi 7:24

“Umuntu wesi yuyo akwivwa amazyu ghane nukughabombezya imbombo ayanite bulo nu muntu uwamahala, yuyo akazenga inyumba yache pilyalabwe.

1 Aba Kolinti 6:5

Nkunena zinizi ukuti imbakozye isoni. Nkimba kokuti atalimo nayumo umuntu mumwinyu, yuyo ali na mahala aghakuti angalonga inongwa izya bunubu pakasi pa mukilisitu nu mukilisitu uyunji?

2 Aba Kolinti 10:1

Ane ne Pabuli, yuyo abantu bamo bakuti, “Ne mogha, bo indinamwe pamaso na pamaso, loli ne mujivu, bo indikubutali namwe.” Nkubalaba mwitabwa ilya Kilisitu yuyo mololo sona wachisa

2 Aba Kolinti 8:24

Polelo mubalanjizye ulughano lwinyu abantu aba, umwakuti ivipanga vyosi vyennye nukumanya ukuti ukwituvya kwitu mumwinyu kwanaloli.

Aba Galatiya 5:23

nukwiyisya sona nukwilema. Lutalipo ululaghilo nalumolumo, lulo lungasusannya ni vintu vinivi.

Aba Galatiya 6:1

Mwee bakamu bane, nanti umuntu yumo awila mumbibi, amwe mwe mukulongoziwa nu Muzimu Umuzelu, mumwavwe umuntu yunuyu nu moyo umololo. Loli namwe bulo muchebaye ukuti mutakayeliwanje.

Aba Galatiya 6:4

Umuntu wesi ipime mwene ni mbombo zyache. Po angituvya mwene ni mbombo zyache, ukusita ukwifwanikizya mwene nu muntu yumo.

Aba Efeso 4:2

Akabalilo kosi mubanje mwe bakwiyisya, sona bololo. Mubanje mwe bafisalyoyo nukwivwana mulughano.

Aba Filipi 1:27

Ichintu ichapamwanya chakuti, inkalo yinyu yiyane na Mazyu Amiza aghakunena nizya Kilisitu. Napapo nize kukwinyu pakubennya, pamo imbanje kubutali, nkulonda ukwivwa ukuti mukwiyula nkani nu moyo ghoka. Nkulonda ukwivwa sona ukuti umwakwivwana, sona nu mwakwavwana mukulwa ubwite pachifukwa icha kusubila Amazyu Amiza.

Aba Kolosi 3:12

Pakuti mukasaliwa nu Chala ukuti mubanje mwe bantu abache na bache, sona nukuti umwene abaghanite. Mubanje mwe balupazikizyo, na bachisa, na bakwiyisya, na bololo, sona na bafisalyoyo.

1 Timoti 4:12

Patakabepo umuntu uwakukusula pachifukwa ichakuti we mulumendo, loli ubanje we chifwanikizyo icha bitiki mukanenele, na munkalo, na mulughano, na mulwitiko, sona na mubumi ubwiza.

1 Timoti 6:11

Loli awe, we mubombi uwa Chala uvileghuke ivintu vyosi vinivi. Ubanje nu moyo uwakubulondelezya ubugholosu, nukumunyila u Chala nu lwitiko nu lughano nu bufisalyoyo, sona nu bololo.

2 Timoti 2:25

Abanje mololo, bo akubamanyisya abantu babo bakumususya nu lusubilo ulwakuti u Chala akwiza pakubapa ulusako ulwakupinduka nukuzileka imbibi zyabo nukubumanya ubwanaloli.

Titi 3:2

Ubabuzye ukuti batakamuyebaye nayumo umuntu, loli babanje bantu abamutende, abamanyani aba bantu bosi, sona babanje bololo ku bantu bosi.

Aba Hebeli 13:5

Amoyo ghinyu ghatakabanje ghakughana indalama, mwikutaye na vivyo muli navyo. U Chala akati, “Ntakwiza pakubaleka. Ntakwiza pakubataghapo nalumo.”

Yakobo 1:21

Polelo leka ichizubizya chosi ichibibi, sona ni nkalo yosi imbibi mumwinyu. Mubanje bakwiyisya pakupokela amazyu ghagho u Chala akabyala mumoyo ghinyu. Amazyu ghanagha ghali na maka pakubapoka.

Yakobo 2:18

Loli umuntu yumo akwiza pakunena ukuti, “Awe uli nu lwitiko, loli ane indi ni mbombo.” Po ilyamulo lyane lyo ili, “Undanjizye ulwitiko lwako ulusita imbombo, po nane nkwiza pakukulanjizya ulwitiko lwane ukwendela mu mbombo zyane.”

Yakobo 3:1

Mwee bakamu bane, mwebosi mutakabanje bamanyisi, pakuti muzimenye ukuti aswe twe bamanyisi twe tukwiza pakulongiwapo ukuchila abantu abanji.

Yakobo 3:17

Loli amahala agha kumwanya, ichakwanda mazelu, na ghamutende, na mololo, sona na ghabumanyani. Ghizuye nu lupazikizyo, sona imbombo zyache nyiza, ghatakwennya icheni, sona ghate mazimbuli, awe.

1 Pitala 1:15

Loli mubanje bantu abazelu mumbombo zyinyu zyosi, pakuti u Chala yuyo akabitizya muzelu.

1 Pitala 2:12

Inkalo yinyu pakasi pabantu abakuzi yibanje nyiza nkani, umwakuti bo bakubatamantila ukuti mwe bantu ababibi, bazyaghannye imbombo zyinyu inyiza. Po bakwiza pakumuchindika u Chala pisiku ilya kwiza kwache.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

1 Pitala 3:4

Loli akabonekele kinyu akiza kabanje ka muntu uwa mukasi. Aka ko kabonekele akiza akenecho kako katakuchuja, aka muzimu umololo, sona nu wamyee, ghugho wamutengo nkani pamaso pa Chala.