Yakobo 2:22 - IBAYIBOLO 2024

²² Wennya ilelo ukuti ulwitiko ni mbombo zyache vikendelanagha poka, po ulwitiko lukaba lwakufikapo pachifukwa icha mbombo zyache.

Ulufingo Ulupya

²² Wennya ilelo ukuti ulwitiko ni mbombo zyache vikendelanagha poka, po ulwitiko lukaba lwakufikapo pachifukwa icha mbombo zyache.

Yakobo 2:22 Iomraidhean Croise

Ubwandilo 22:12

Uwantumi yula akamubuzya akati, “Utakamughoghe pamo ukumuvulazya napo panandi. Ilelo nazimanya ukuti naloli we muntu uwakumunyila u Chala, pachifukwa ichakuti utakanyima umwana wako, mwene na mwene.”

Yohani 6:29

U Yesu akamula akati, “Imbombo zizyo u Chala akulonda ukuti mubombaye zyakuti mumusubilaye yuyo akamutuma.”

Aba Galatiya 5:6

Nanti tuli mwa Kilisitu u Yesu ukusilimuliwa pamo ukusita kusilimuliwa kute ni mbombo. Ichintu choka bulo chicho chapamwanya nkani lo lwitiko, lulo luli pambombo ukwendela mu lughano.

1 Aba Tesalonika 1:3

Pakuti bwila bulo tukukumbuka pamaso pa Chala nu Tata witu, nizya lwitiko lwinyu, mumo mukiyulila ukulanjizya ulughano lwinyu, sona namumo ulusubilo lwinyu lwimiye nkani mwa Mwene witu u Yesu Kilisitu.

Yakobo 2:18

Loli umuntu yumo akwiza pakunena ukuti, “Awe uli nu lwitiko, loli ane indi ni mbombo.” Po ilyamulo lyane lyo ili, “Undanjizye ulwitiko lwako ulusita imbombo, po nane nkwiza pakukulanjizya ulwitiko lwane ukwendela mu mbombo zyane.”

1 Yohani 2:5

Loli nanti umuntu akwivwila amazyu agha Chala, kokuti ulughano ulwa Chala lwaba lwakufikapo mumwache. Ichi cho chicho chikutusimikizya ukuti tumamatilanite poka nu Chala.