Yakobo 2:19 - IBAYIBOLO 2024

¹⁹ Amwe mukusubila ukuti aliko u Chala weka bulo. Chiza bulo! Yope ni mizimu imibibi bulo yikusubila zinizi, nukutetema.

Ulufingo Ulupya

¹⁹ Amwe mukusubila ukuti aliko u Chala weka bulo. Chiza bulo! Yope ni mizimu imibibi bulo yikusubila zinizi, nukutetema.

Yakobo 2:19 Iomraidhean Croise

Yesaya 43:10

U Mwene akuti, “Amwe mwe bakaboni bane, sona mwe babombi bane babo imbasalite, umwakuti mummanye nukunsubila ukuti nene, sona nukwivwisya ukuti nene. Patanzi papane atalipo u chala uyunji yuyo akamatiwa, pamo pisinda papane atalipo sona uyunji, sona atakwiza pakubako nayumo.

Yesaya 44:6

U Mwene Uwamaka Ghosi, u Chala Umutabuli uwa Izilayeli akuti, “Ane ne bwandilo sona ne bumalilo, atalipo u Chala uyunji loli ane nemwene.

Yesaya 44:8

Mutakatetemaye, mutanyilaye. Nkimba intakazifumusya zinizi nukuzinenela zila? Mwe bakaboni bane. Nkimba alipo u Chala uyunji ukwefyako ane? Awe, patalipo sona ibwe ilinji, intalimenyepo nalimolimo.”

Yesaya 45:6

umwakuti abantu bamanye ukufuma kubufumilo bwizuba, mupaka kubwinjililo bwache kutalipo nayumo kulubazu lwane, ne Mwene atalipo u chala uyunji.

Yesaya 46:9

Kumbuka ivintu ivyakale, ivyakwanda. Ane ne Chala, ataliko uyunji, yuyo akolanite nane.

Yona 4:4

Loli u Mwene akamwamula akati, “Nkimba wabomba akiza pakukalala bunubu?”

Yona 4:9

Loli u Chala akamulalusya akati, “Nkimba wabomba akiza pakukalala pachifukwa ichakuti ikwi lila likumila?” U Yona akamula akati, “Eee, nabomba akiza pakukalala. Ukukalala kwane kwakufwa nako.”

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Matayi 8:29

Abantu bala bakakolomoka nkani bakati, “Nkimba ukulonda ichoni naswe we Mwana uwa Chala? Nkimba wiza pakutufunda, bo na kabalilo kache katafikiye?”

Maliko 1:24

“Wee Yesu uwamu Nazaleti, ukulonda ichoni naswe. Nkimba wiza pakutunangannya? Nkumenye! Awe we ntumi Izelu iya Chala!”

Maliko 12:29

U Yesu akamwamula akati, “Ilamulo ikulu nkani paghosi lyo ili, ‘Teghelezya mwe ba Izilayeli! U Mwene u Chala witu, we Mwene weka mpela.

Maliko 5:7

akakolomoka nkani akati, “Wee Yesu Mwana uwa Chala Uwakumwanya Nkani! Nkimba ukulonda ichoni nane? Nkukulaba mwitabwa ilya Chala, utakanfunde!”

Maliko 7:9

U Yesu akendelela pakunena ukuti, “Muli ni zila inchevu nkani izyakukanila Indaghilo izya Chala ukuti mwendelele pakusungilila inyiho zyinyu.

Luka 4:34

akati, “Wee! Yesu uwamu Nazaleti, ukulonda ichoni naswe. Nkimba wiza pakutunangannya? Nkumenye! Awe we ntumi izelu iya Chala!”

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

Imbombo 16:17

Akamukonka u Pabuli naswe, akukolomoka akati, “Abantu aba babombi aba Chala Uwakumwanya Nkani! Bakubabuzya mumo mungapokeliwa!”

Imbombo 19:15

Loli umuzimu umubibi ghukanena ghukati, “U Yesu imumenye, sona u Pabuli imumenye, loli amwe nkimba mwe bawenu?”

Imbombo 24:25

Bo u Pabuli akunena nizya bugholosu, nizya kwilema, sona nizya Isiku lilyo u Chala akwiza pakubalonga abantu, u Felikisi akaba nubogha nukumubuzya ukuti, “Ungabuka losi ulu. Nkwiza pakukwitizya sona nanti nakagha akabalilo.”

Aba Loma 3:30

U Chala ali weka, akwiza pakubapela aba Yuda pakuba bagholosu pamaso papache ukwendela mu lwitiko lwabo, sona akwiza pakubanena abantu babo bate ba Yuda pakuba bagholosu pamaso papache ukwendela mu lwitiko lwabo.

1 Aba Kolinti 8:4

Polelo nizya vyakulya vivyo vyabikiwa ku vifwani ukuti chibanje chakwiyipa, tuzimenye ukuti ichifwani kate kantu napo panandi, sona tuzimenye ukuti atalipo u Chala uyunji, loli weka mpela.

1 Aba Kolinti 8:6

loli aswe u Chala alipo weka mpela, we Tata, yuyo mupeli uwa vintu vyosi, sona weyuyo naswe twenizyeko amaso. Alipo u Mwene weka mpela, u Yesu Kilisitu, yuyo ukwendela mumwache ivintu vyosi vikapeliwa, sona ukwendela mumwache aswe tuli nubumi.

Aba Galatiya 3:20

Loli nanti tukuti mufusya, kokuti pali imbazu zibili. Loli u Chala ali weka bulo.

Ukukumbusya Amalamulo 6:4

Mwee ba Izilayeli, ivwa kuno! U Mwene u Chala witu we Mwene weka mpela.

1 Timoti 2:5

Pakuti pali u Chala weka nu Mufusya weka bulo, yuyo akusayannya abantu nu Chala, umuntu yunuyu we Kilisitu Yesu.

Yakobo 2:8

Naloliloli mukubomba akiza nanti mukukonka indaghilo izya Bumwene, zizyo zikwaghiwa mu Masimbo aghakuti, “Umughane umupalamani wako ukuyana namumo wiyighaniye wemwenecho.”

Yuda 1:4

Pakuti abantu bamo babo batakumunyila u Chala bakinjila pakasi papinyu umwakusita ukumanyikwa, abantu babo bakunyongannya ichisa icha Chala witu, ngati po chintu chimo chicho chikubapa ubusatuke ubwakubombela ivintu ivinyazu. Abantu banaba bakumukana u Yesu Kilisitu u Mwene witu Uwamaka mwene. Kale Amasimbo ghakalaghula nizya lufundo lulo bapokela.

Yuda 1:6

Mukumbukaye abantumi aba kumwanya babo batakikutisiwa nu bulaghili, loli bakabuleka ubuzilo bwabo bubo u Chala akabapa. Po bapinyiwe muchisi kusi kuchisu ni mpingu izya bwila na bwila mupaka pisiku lilyo u Chala akwiza pakubalonga abantu.

Ubuvumbuli 20:10

Po u Satana yuyo akabazimbulagha, akasumbiwa munyanja iya moto uwa sulufule, kuko ichinyamana nu mulaghuzi umumyasi yula bakasumbiwako kale. Bakwiza pakuyiviwa pamusanya na pabusiku bwila na bwila.