Yakobo 2:18 - IBAYIBOLO 2024

¹⁸ Loli umuntu yumo akwiza pakunena ukuti, “Awe uli nu lwitiko, loli ane indi ni mbombo.” Po ilyamulo lyane lyo ili, “Undanjizye ulwitiko lwako ulusita imbombo, po nane nkwiza pakukulanjizya ulwitiko lwane ukwendela mu mbombo zyane.”

Ulufingo Ulupya

¹⁸ Loli umuntu yumo akwiza pakunena ukuti, “Awe uli nu lwitiko, loli ane indi ni mbombo.” Po ilyamulo lyane lyo ili, “Undanjizye ulwitiko lwako ulusita imbombo, po nane inkwiza pakukulanjizya ulwitiko lwane ukwendela mu mbombo zyane.”

Yakobo 2:18 Iomraidhean Croise

Aba Loma 14:23

Loli nanti umuntu akwilamwa na chicho akulya, u Chala akumususya bo akulya, pachifukwa ichakuti imbombo zyache zitimite palwitiko. Sona ichintu chosi chicho chitimite palwitiko, mbibi.

Aba Loma 3:28

Pachifukwa ichi tunganena ukuti u Chala akumunena umuntu ukuti ate ninongwa pamaso papache ukwendela mu lwitiko, loli kute pakukonka Indaghilo, awe.

Aba Loma 4:6

U Devedi akanena bunubu bo anena ukuti musayiwa umuntu yuyo u Chala akumunena pakuba mugholosu pamaso papache, kute kokuti chifukwa icha mbombo zyache akati:

Aba Loma 8:1

Polelo abantu babo bakumamatilana poka nu Kilisitu u Yesu, ilelo yitalipo nayimoyimo inongwa iyakubasusya nayo.

Aba Loma 9:19

Loli umuntu yumo pakasi papinyu akwiza pakunena ukuti, “Nanti zili bunubu, nkimba choni chicho u Chala akubasusya abantu? Nkimba wewenu angakana ubwighane ubwa Chala?”

1 Aba Kolinti 13:2

Napapo ningaba nacho ichabupi icha bulaghuzi, napapo ningamanya akiza bulo vyosi izyakubusyefu, napapo ningaba nu bumanyi bosi, sona ningaba nu lwitiko losi ulwakuti ningasamya na maghamba bulo, loli nanti inte nu lughano, pope ne wabulo.

2 Aba Kolinti 5:17

Polelo nanti umuntu amamatilana poka nu Kilisitu, aba chipeliwa ichipya, ubwakale bwamala, ubupya bwafika.

2 Aba Kolinti 7:1

Mwee bamanyani bane abaghaniwa, pakuti twaba na malayizyo ghosi ghanagha, zagha twisuke twebene ku vintu vyosi vivyo vikunyazya umubili pamo amoyo ghitu, nukwipela twebene pakuba bantu abazelu, sona nukuba bantu abakumunyila u Chala.

Aba Galatiya 5:6

Nanti tuli mwa Kilisitu u Yesu ukusilimuliwa pamo ukusita kusilimuliwa kute ni mbombo. Ichintu choka bulo chicho chapamwanya nkani lo lwitiko, lulo luli pambombo ukwendela mu lughano.

1 Timoti 1:5

Loli ifundo iyakubapela indaghilo izi yakuti abitiki bosi babanje nu lughano, lulo lukufuma mumoyo umuzelu nu mabyebye umwiza, sona nu lwitiko ulwenecho.

Titi 2:7

Muvintu vyosi, awe ubanje we chifwanikizyo icha nkalo inyiza. Bo ukumanyisya, umanyisyanje nu moyo uwanaloli, sona nu muchizi.

Aba Hebeli 11:31

Lukaba lwitiko lulo lukamupela u Lahabu umalaya yula pakubapokela akiza abatendezi. Po atakaghoghiwa poka na bantu abasita ukumwivwila u Chala bala.

Aba Hebeli 11:33

Lukaba lwitiko lulo lukabapela pakulwa ubwite na bamwene bosi aba muvyisu nukubapota. Bakabalaghila abantu nu bwanaloli, po bakapokela zizyo u Chala akalayizya, sona bakighalila imilomo iya nkalamu

Aba Hebeli 11:6

Sona ukusita pakuba nu lwitiko, chipala nkani pakumuhobosya u Chala, pakuti umuntu wesi yuyo akwiza kukwache asubilaye ukuti u Chala aliko, sona nukuti akubapa umuvwalo abantu babo bakumulondelezya.

Yakobo 2:14

Mwee bakamu bane, nkimba bwiza boni bubo bulipo ukuti umuntu anene ukuti ali nu lwitiko, loli imbombo zyache zitakusimikizya ulwitiko lwache? Nkimba ulwitiko lulalula lungamupoka?

Yakobo 3:13

Nkimba wewenu wamahala nu wakwivwisya mumwinyu? Muleke aghalanjizye ni nkalo yache inyiza, sona ni mbombo zyache izyakwiyisya zizyo zikufuma mumahala.