Yakobo 2:15 - IBAYIBOLO 2024

¹⁵ Umwakufwanikizya, buli nanti alipo umukamu pamo umuyemba yuyo ate na menda, sona ate ni chakulya icha isiku ni siku.

Ulufingo Ulupya

¹⁵ Umwakufwanikizya, buli nanti alipo umukamu pamo umuyemba yuyo ate na menda, sona ate ni chakulya icha isiku ni siku.

Yakobo 2:15 Iomraidhean Croise

Yesaya 58:10

nanti mukubapa ivyakulya babo bali nizala, nukubavwa babo bakuyiviwa, po ulukozyo lukwiza pakulamila muchisi, sona ubusiku bwinyu bukwiza pakuba ngati musanya.

Yesaya 58:7

Nkimba te kugabana ichakulya nababo bali nizala, nukubasendela kunyumba yako babo bakwendenda bulo, nukubavwika babo bate namenda, nukubavwa abakamu bako?

Ezekiyeli 18:7

Atakumuyivyapo nayumoyumo, loli akunyosya vivyo akasenda pankongole. Atakwiba loli akubapa ichakulya babo bali nizala, sona akubapa ivyakuvwala babo bali nkule.

Maliko 14:7

Akabalilo kosi muli nabo abapina, sona akabalilo kosi kako mukulonda, mungabavwa. Loli mute mubanje nane akabalilo kosi.

Luka 3:11

U Yohani akamula akati, “Umuntu wesi yuyo ali na menda mabili amupeko ghoka uwamwabo yuyo ate nagho, sona umuntu wesi yuyo ali ni chakulya amugabileko uwamwabo.”

Imbombo 9:29

Wepe akanenagha nukudalinkana naba Yuda babo bakanenagha Ichigiliki, loli bakayezya pakumughogha.

Aba Hebeli 11:37

Abantu bamo bakabaghogha pakubatiza na mabwe, abanji bakabadumulannya pabili, sona bakabaghogha nupanga. Bakendendekagha bulo bo bavwalite amakwela agha ng'ozi pamo amakwela agha mbuzi. Bakaba bapina, bakavwimiwa, sona bakayiviwa nkani.

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?

1 Yohani 3:17

Nanti umuntu yumo umukabi akumwennya umuntu uyunji yuyo mupina loli atakumupelela ichisa, nkimba umuntu yunuyu anganena bulibuli ukuti amughanite u Chala?