Yakobo 2:13 - IBAYIBOLO 2024

¹³ Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.

Ulufingo Ulupya

¹³ Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.

Yakobo 2:13 Iomraidhean Croise

Ubwandilo 42:21

nukunenezannya benebene nukuti, “Naloli tukananga bo umuzuna witu akutulaba ukuti tumupelele ichisa, loli aswe tukakana. Cho chifukwa ilelo tuli muntamyo inkulu nkani.”

2 Imbili 28:11

Po ivwa kuno! Mubanyosye abakamu binyu babo mukabalema pakuba bakayidi, pakuti u Mwene abakalaliye nkani.”

Masalimo 18:25

Ku bantu abasubiliwa, ukubanga we musubiliwa. Ku bantu abasita nongwa, utakubanga nichilema nachimochimo.

Masalimo 85:10

Ulughano nu busubiliwa vikomanaye, ubugholosu nu mutende vilamunkanaye nu lughano ulwenecho.

Ivyili 21:13

Nanti umuntu akwighalila amakutu ghache bo umupina akulila, wepe akwiza pakulila sona atakwiza pakwamuliwa.

Ivyili 22:16

Umuntu yuyo akubayivya abapina ukuti akabilemo, pamo yuyo akubapa abakabi bene ivyabupi, bosi babili banaba bakubanga bapina.

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yelemiya 9:24

Wesi yuyo akulonda ukwituvya, ituvikizyanje muchintu ichakuti, ammenye sona akunyivwisya, ukuti ane ne Mwene uwachisa, uwanaloli, sona umugholosu pachisu ichapasi, pakuti nkuhoboka na zinizi. Ane ne Mwene nanena.

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Matayi 5:7

Basayiwa abantu babo bali ni chisa na bamwabo, pakuti u Chala akwiza pakubapelela bope ichisa.

Matayi 6:15

Loli nanti mutakubahobokela abamwinyu, Ughuso wepe atakwiza pakubahobokela imbibi zyinyu.

Luka 16:25

Loli u Abulahamu akati, ‘Mwana wane, kumbuka ukuti pakabalilo aka bumi bwako ukapeghiwa ivintu ivyiza vyosi, bo u Lazalo akutamiwa. Loli ilelo akusekela mwene, po awe uli pakutamiwa nkani.

Luka 6:37

“Mutakabalongaye abantu abanji, po namwe bulo mutakwiza pakulongiwa. Mutakabasusyanje abantu abanji, po namwe bulo mutakwiza pakususyiwa. Mubahobokelaye abantu abanji, po namwe bulo mukwiza pakuhobokeliwa.

Yakobo 3:17

Loli amahala agha kumwanya, ichakwanda mazelu, na ghamutende, na mololo, sona na ghabumanyani. Ghizuye nu lupazikizyo, sona imbombo zyache nyiza, ghatakwennya icheni, sona ghate mazimbuli, awe.

Yakobo 5:4

Abambombo babo bakinulagha mumaghunda ghinyu mutabalipiye. Teghelezya amilumbusyo ghabo. Inkuta iya binuli bala yivwika mumakutu agha Chala u Mwene Uwamaka Ghosi.

Abalongi 1:7

Po u Adonibezeki akati, “Abamwene 70 babo bakadumuliwa abachisumwe aba munyobe naba munyayo bulo bakasebagha utubululusya pasi pitebulo lyane. Ilelo u Chala antanizya pa zizyo nkababombela abantu balabala.” Bakamusenda nukubuka nawe ku Yelusalemu, po akafwila kulakula.

Abalongi 5:27

U Sisela akatenguka nukuwa pasi akatenguka nukuwa pasi munyayo izya Yaweli. Akatenguka nukuwila munyayo zyache akawa pasi nukufwila palapala.