Yakobo 1:9 - IBAYIBOLO 2024

⁹ Umukilisitu yuyo mupina asekelaye, bo u Chala akumukwezya,

Ulufingo Ulupya

⁹ Umukilisitu yuyo mupina asekelaye, bo u Chala akumukwezya,

Yakobo 1:9 Iomraidhean Croise

Masalimo 62:9

Abantu bosi bali ngati muyi bulo, abapasi na bapamwanya bosi bayanite bulo. Nanti bapimiwa ni chipimilo batakung'wama, pakuti bosi banaba bayanite bulo nu muyi.

Ivyili 17:5

Umuntu yuyo akumobezya umupina, kokuti akumusamula Umupeli wache, umuntu yuyo akuhoboka nanti intamyo zyawa, akwiza pakufundiwa.

Ivyili 19:1

Chizapo pakuba mupina yuyo akwenda mubugholosu, nukuchila pakuba nu mupunganu yuyo akunena ivyamwalwemwalwe.

Yesaya 29:19

Abantu abakwiyisya bakwiza pakusekelela mwa Mwene, bope abapina pakusekelela mu Muzelu yula uwa Izilayeli.

Luka 1:52

Abawisya abamwene abamaka pa vitengo vyabo, nukubakwezya abakwiyisya.

Luka 10:20

Loli mutakahobokaye pachifukwa ichakuti imizimu imibibi yikabivwila, loli muhobokaye nkani ukuti amatabwa ghinyu ghasimbiwe kumwanya.”

Luka 14:11

Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

Luka 9:48

nukubabuzya ukuti, “Umuntu wesi yuyo akumupokela weka uwa bana aba pachifukwa icha nene, kokuti akumpokela nene. Umuntu wesi yuyo akumpokela akiza, kokuti atakumpokela nemwene, loli akumupokela na wepe bulo yuyo akantuma. Pakuti umuntu yuyo munandi nkani pakasi papinyu, we songo nkani.”

Aba Loma 8:17

Po nanti aswe twe bana aba Chala, tukwiza pakupokela nabo ulusayo lulo abasungiye abantu bache. Sona tukwiza pakupokela poka nu Kilisitu ulusayo lulo u Chala amusungiye. Pakuti nanti tukugabana intamyo nu Kilisitu, tukwiza pakugabana poka nawe ubuchindamu bwache.

2 Aba Kolinti 6:10

Napapo bakutupela pakuba ni chitima bwila na bwila, loli tukuhoboka nkani. Napapo tuyanite bulo na bantu abapina, loli tukubapela abantu abinji pakuba bakabi. Napapo tuyanite bulo na bantu abapotwe, loli tuli navyo vyosi.

Ukukumbusya Amalamulo 15:11

Akabalilo kosi kukwiza pakuba aba Izilayeli bamo babo bapina, sona bapotwe muchisu chinyu, po ane nkubalamula ukuti mubapelele ichisa abantu banaba.

Ukukumbusya Amalamulo 15:7

Loli nanti alimo yumo umupina mutwaya twinyu muchisu chicho u Mwene u Chala winyu akubapa, mutakabanje na moyo amakafu pamo kukana pakumwavwa umu Izilayeli uwamwinyu.

Ukukumbusya Amalamulo 15:9

Muchebaye nkani ukuti mutakabe ni nyinong'ono imbibi mumoyo ghinyu nukuti, “Umwaka uwaseveni, ghugho mwaka uwakuzimya inkongole ghuli papipi,” umwakuti mutakamupelelaye ichisa uwamwinyu umupotwe pakusita ukumupa ichintu nachimochimo. Uwamwinyu yula akwiza pakumulilila u Mwene, po inongwa yikwiza pakuba pamitu yinyu.

Aba Filipi 3:14

Nkuchimbilila ku bufiko ubwa nyangalo ukuti impokele umuvwalo kumwanya, ghugho u Chala anyitizizyako ukwendela mwa Kilisitu u Yesu.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

Ubuvumbuli 2:9

“Intamyo zyako inzimenye nu bupina bwako bope imbumenye, loli we mukabi. Ingumenye umusamu uwa bantu babo bakwinena bene ukuti ba Yuda, po bate ba Yuda, loli ba chipanga icha Satana.

1 Samuweli 2:8

Akubakwezya abapina ukufuma palufumbi, nukubanyamusya abapotwe ukufuma pachituntululu icha itoyi. Akubikazya poka na bamwene, nukubapa ichitengo icha muchizi. “Ulwalo ulwa chisu ichapasi lwa Mwene, sona akachikazya ichisu ichapasi palwalo lulalula.